Фудбалерите на Пари Сен Жермен ја продолжија својата неверојатна серија на резултати и победи. „Светците“ за полувреме го декласираа Лил во Лига 1 со што си направија добра увертира пред двомечот со Ливерпул во Лигата на шампионите.

Покрај дуелот на градските ривали од Мадрид, ова е најочекуваниот осминафинален натпревар во елитната лига.

ПСЖ за три дена во Париз ќе го пречека Ливерпул, а реваншот е шест дена подоцна на „Енфилд“.

„Не сум видел ниту еден од моите тимови да има страв, ниту овој, ниту некој од претходните. Не сум го забележал тоа, професионалците го немаат тоа. Не верувам дека моите играчи некогаш се плашеле“, изјави тренерот на Пари Сен Жермен, Луис Енрике, пред натпреварот со Ливерпул.

Парижаните се непоразени на последните 26 првенствени натпревари, играат се подобро и поефикасно, го имаат првиот стрелец во лигата во Дембеле, сензационалниот Баркола, скапо платениот Кварацхелија…

Ливерпул ќе биде има проблеми, бидејќи е означен како фаворит, да ги елиминира „светците“.

„Секој има свое мислење, тимот има добра динамика, добра сезона од почетокот. Сега сме многу добри. Мислам дека ова е нашиот најдобар дел од сезоната. Лил е еден од најдобрите тимови во лигата, тие играат во Лигата на шампионите и вака да ги победиме само покажува на кое ниво сме. Нашите амбиции нема да се сменат ниту на мечот со Ливерпул“.

Квентин Грајмс постигна рекордни во кариерата 44 поени, со шут од поле 18/24, а Филаделфија ја прекинаа серијата од девет порази. Севентисиксерс славеа над Голден стејт Вориорс со 126:119.

Гершон Јабуселе постигна пет тројки, мечот го заврши со 18 поени за Филалделфија, која го одигра својот прв натпревар откако објави дека Џоел Ембиид ќе го пропушти остатокот од сезоната поради повреда на коленото.

Стивен Кари запиша 29 поени и 13 асистенции за Вориорс, кои победија на претходните пет натпревари. Голден Стејт играше без Џими Батлер за прв пат откако тој пристигна во тимот од Мајами Хит.

Лајт мотив од овој натпревар е забивањето на Кари, негово прво по пауза од шест години!

STEPH CURRY 2-FOOT HAMMER TIME 🫣

It's his first in-game dunk in 6 years! pic.twitter.com/E3GZU4wNe3

— NBA (@NBA) March 2, 2025

Де’Арон Фокс погоди на 2,6 секунди до крајот за да му донесе победа на гостувањето кај Сан Антонио над Мемфис. Фокс заврши со 20 поени, исто како и Девин Васел, а Стефон Касл имаше рекордни 24 поени од клупата за Спарс, кои победија само втор пат во шест натпревари откако Виктор Вембањама ја заврши сезоната.

Јарен Џексон Јуниор за Мемфис постигна 42 поени, а Санти Алдама имаше дабл-дабл со 15 поени и 11 асистенции кои паднаа на четвртото место во поредокот на Западната конференција.

Демар Дерозан и Зак ЛаВин заедно постигнаа 41 поен и го предводеа Сакраменто до победата над Хјустон. Алперен Сенгун постигна 30 поени, 10 скока и пет асистенции за Рокетс, додека Џејлен Грин додаде 24 поени.

Џејлен Дурен имаше 18 поени, 11 скока и шест блокади, а домаќинот Детроит победи по деветти пат во десет натпревари. Пистонс го победија Бруклин. Детроит се врати од поразот од Денвер во петокот кога Тобијас Харис постигна 18 поени и девет скока, а Малик Бисли исто така постигна 18.

Јанис Адетокумбо го предводеше Милвоки со 29 поени во победата над Далас. Антетокунмпо беше блиску до трипл-дабл, додавајќи девет скока и девет асистенции. Демијан Лилард заврши со 28 поени, шест скока и шест асистенции, Гери Трент Јуниор. постигна 20 поени од клупата, а стартерот Брук Лопез постигна 13 поени. Кајри Ирвинг постигна 31 поен за Маверикс.

НБА, резултати:

Шарлот Хорнетс – Вашингтон Визардс 100:113
Детроит Пистонс – Бруклин Нетс 115:94
Хјустон Рокетс – Сакраменто Кингс 103:113
Мемфис Гризлис – Сан Антонио Спарс 128:130
Далас Маверикс – Милвоки Бакс 117:132
Филаделфија 76ерс – Голден Стејт Вориорс 126:119

Победник на првата трка од новата сезона во Мото ГП, Големата награда на Тајланд, е возачот на Дукати, Марк Маркез.

Маркез победи пред својот брат Алекс, возач на гресини Дукати и тимскиот колега Франческо Бањаја. Редоследот беше идентичен редослед и на вчерашниот спринт.

Марк Маркез славеше, за прв пат како возач на Дукати, тој по 11 години победи на трвата трка во сезоната, а првпат по шест сезони е водечки во светскиот шампионат.

На самиот старт имаше помал контакт помеѓу Франческо Бањаја и Алекс Маркез. Помладиот од браќата Маркез падна на четвртото место, но пред крајот на првиот круг ги престигна и Аи Огура и Франческа Багнаја и се врати на второто место.

Марк направи грешка во седмиот круг, кога му го препушти првото место на братот Алекс. Поредокот остана непроменет се до три круга до крајот кога Макрк се врати на лидерското место.

Франко Морбидели 9ВР46) ја заврши трката на четвртото место, пред дебитантот Аи Огура 9Априлија), кој исто така остави одличен впечаток во текот на целиот викенд во Тајланд.

Најдобрите десет ги комплетираа Марко Бецеки, Жоан Зарко, Бред Биндер, Енеа Бастианини и Фабио ди Џанантонио.

Сезоната продолжува со трката за ГН на Аргентина од 13-16 март.