Победничката низа на Детроит Пистонс заврши изминатата ноќ во Бостон. Селтикс славеа победа 117:114, сега се на скор од 10 победи и осум порази. Пистонс останаа на лидерската позиција во Источната конференција со 15 победи и три порази.

Генерацијата на Детроит предводена од Кејд Канингем застана на 13 победи во низа, со што го изедначи рекордот на шампионските генерации на Пистонс од 1990 и 2004 година.

Натпреварот беше неизвесен до самиот крај, Дерик Вајт погоди тројка за +3 на минута до крајот, Тобијас Харис брзо одговори, а потоа тимовите влегоа во пенал завршница, која им припаднаа на Селтикс. Пејтон Причард стави точка на натпреварот две секунди пред крајот, кога ги погоди двете слободни фрлања за 117:114.

Бостон Селтикс до победата ги предводеше Џејлен Браун со 33 поени, 10 скока и пет асистенции, по него следуваше Дерик Вајт со 27 поени, седум скока и три асистенции, додека Пејтон Причард постигна 16 поени со пет скока и две асистенции.

Кејд Канингем се истакна за Детроит со 42 поени, осум скока и пет асистенции, по него следуваше Џејлен Дурен со 12 поени и 16 скока, додека Тобијас Харис постигна 12 поени со четири скока и три асистенции.

Кошаркарите на Торонто Репторс, ги победија Индијана Пејсерс со 97:95, со поените на Брендон Инграм во последните секунд.

Ова беше деветта победа по ред за тимот на српскиот тренер Дарко Рајаковиќ, односно 14-та во 19 натпревари од стартот на сезоната.

Торонто до победата го предводеа Инграм со 26 поени и осум скока, по него следуваа Скоти Барнс со 24 поени, 10 скока и четири асистенции, и Имануел Квикли со 15 поени, пет скока и шест асистенции, како и Џејкоби Волтерс со 13 поени.

Репторс беа ослабени во овој натпревар, бидејќи не играше Еј Џеј Барет.

Кај Пејсерс се истакна Ти Џеј Меконел со 16 поени, по него Бенедикт Матурин со 15, додека Паскал Сиакам имаше 11 поени со четири скока и две асистенции.

Репторс се на второто место на Истокот со 14 победи и пет порази, додека Пејсерс се на 14-то место со резултат од 2-16.

Оклахома Сити Тандер гази се пред себе. Актуелниот шампион забележа нова победа синоќа против Минесота со 113:105.

МВП-то на лигата Шеј Гилџис-Александер беше најефикасниот актер на натпреварот со 40 поени.

Од нив, тој постигна 15 од линијата за слободни фрлања од 17 обиди, имаше одлични 12/19 од поле, шутираше само двапати за три, погоди еднаш и додаде шест скока и шест асистенции.

Во неизвесна завршница, кога Тандер беа под голем притисок од Минесота, Шеј погоди три од четирите слободно фрлања.

Најважниот шут, сепак, дојде од раката на Чет Холмгрен, тројка, на 37 секунди пред крајот, кога и донесе на Оклахома предностод четири поени.

Тандер заслужено стигнаа до нова победа, 18-та во 19 натпревари, бидејќи водеа речиси целиот натпревар, освен во почетните минути и во средината на последниот дел, кога гостите накратко поведоа (94:93).

Ентони Едвардс беше најдобар во поразениот тим со 31 поен (5/10 за три), осум скока и шест асистенции.

Кај Оклахома, Ајзеа Хартенштајн беше втор стрелец со 15 поени, Чет Холмгрен додаде 12, а Еј-Џеј Мичел 13 од клупата.

Резултати:

Шарлот – Њујорк 101:129
/Милер 18 – Бренсон 33/

Мајами – Милвоки 106:103
/Хироу 29 – Ролинс 26/

Њу Орлеанс – Мемфис 128:133
/Алварадо 24 – Џексон 27/

Портланд – Сан Антонио 102:115
/Авдија 37 – Фокс 37/

Голден Стејт – Хјустон 100:104
/Батлер 21 – Шеферд 31/

Сакраменто – Феникс 100:112
/Вилијамс 21 – Мареј 19/

Македонија годинава доби нов европски шампион во мотоциклизам – Петар Мијалков, кој со посветена работа и дисциплина се искачи на врвот на БМУ Европскиот шампионат.

Со константни настапи и стабилни резултати, Мијалков обезбеди едно од најзначајните достигнувања за македонскиот мото спорт. Во негова чест, во Штип беше организиран свечен шампионски круг, на кој љубителите на мотоциклизмот му оддадоа признание за европскиот успех. Минатиот месец, по повод 8 Ноември – Денот на ослободувањето на Штип, доби и специјална награда и признание од градоначалникот Александар Јорданов и од Градот Штип, како благодарност за промоцијата на градот на меѓународната сцена.

Кој е Петар Мијалков?

Мијалков ја развива љубовта кон мотоциклизмот од најрана возраст. Иако интересот постоел долго време, финансиските услови го одложиле неговиот влез во спортот. Во 2017 година го купува првиот мотор и започнува да вози на улични патеки, а подоцна ги обезбедува потребните средства за тренинг на вистинска тркачка патека. Во 2023 година официјално влегува во светот на натпреварувањето.

Активно се натпреварува три години. Во 2024 година ја освојува првата голема титула – БМУ Европски вицешампион и државен шампион на Македонија. Во 2025 година ги освојува највисоките места и на БМУ Европскиот шампионат и на Државниот шампионат.

Надвор од патеката, Мијалков е посветен на семејството. Во брак е три години со сопругата Стефанија и има син, Драган. Семејството очекува нов член, што, како што вели Мијалков, претставува дополнителна мотивација во неговата спортска кариера.

Менаџерот на Ливерпул бараше вистински зборови за да објасни што се случува со неговата добро подмачкана машина од минатата сезона, која во последните два месеци повеќе личи на парче железо.

Статистиката не е утеха. Дури и 24 удари кон противничкиот гол не значат ништо ако постигнете само еден, а примите четири гола.

Ливерпул го доживеа дури и деветтиот пораз во последните 12 натпревари во сите натпреварувања!

По новиот дебакл, поразот од ПСВ Ајндховен на Енфилд (1:4), Арне Слот бараше вистински зборови и објаснување, но не можеше да најде…

„Емоциите се многу негативни и разочарувачки“, изјави тој за ТНТ Спортс, како што објави Би-Би-Си.

„Начинот на кој го примивме првиот гол… Сакам да бидам позитивен во врска со реакцијата на играчите кога губевме со 1:0. Се вративме во игра и имавме шанси да поведеме со 2:1. Не мислам дека некој мислеше дека ќе изгубиме со 4-1.“

Слот рече дека му се допаднала реакцијата на неговите играчи, но не може да објасни како натпреварот заврши 1:4. .

„Откако го примивме првиот гол, ја видовме реакцијата што сакам да ја видам. Менталитетот што го видов потоа беше онаков каков што се надевав. Дури и по 1:2, продолживме да се обидуваме да постигнеме гол. Но, кога ќе го погледнете конечниот резултат 1:4, тоа е навистина тежок пораз.“

Ливерпул сега има три натпревари во Премиер лигата против Вест Хем (на гости на 30 ноември), Сандерленд (на дома на 3 декември) и Лидс (на гости на 6 декември). Шампионот на Англија моментално е само 11-ти на табелата со 18 бода.

Foto/ EPA