Фудбалерите на Ливерпул и Лидс одиграа без голови во натпреварот од 19-то коло од Премиер лигата.

Tимот од „Енфилд“ ги разочара навивачите по којзнае кој пат оваа сезона, а воедно ја пропушти шансата да се приближи до водечката тројка на табелата, поточно до третопласираната Астон Вила.

Зад „црвените“ е период на стабилизација на резултатите по црната серија што ги донесе на позицијата во која се сега, далеку од првото место и речиси без шанса да се борат за титулата.

Оттука, натпреварот со Лидс беше совршена можност тимот на Слот да продолжи во ист ритам, но…

Тимот од Јоркшир беше доволно упорен, борбен и тактички добро воден, на крајот заслужено освои бод.

Статистиката вели дека Ливерпул имал 18 шутеви кон голот на гостите, од кои само еден одеше во рамките на голот.

Ливерпул се наоѓа на четвртото место на табелата со 33 бода, Лидс е на 16-то место со 21.

Во истиот термин, во малото лондонско дерби, Крстал Палас и Фулам одиграа 1:1. Палас ја прекинаа серијата од три порази, а Фулам серијата од три победи. На табелата се на деветтото и десеттото место со по 27 поени.

Матета му донесе предност на Палас во 39-та минута, изедначи на десет минути до крајот Керни.

Foto/ EPA/PETER POWELL

Првиот ден од новата година e договорен првиот трансфер во англиската Премиер лига, во зимскиот преоден рок.

Брајтон одлучи да го врати својот долгогодишен играч Паскал Грос од Борусија Дортмунд.

Германскиот играч за врска го носеше дресот на „Галебите“ од 2017 до 2024 година и практично стана легенда на клубот, а потоа се пресели во Борусија Дортмунд.

34-годишниот играч за врска има договор со „милионерите“ до крајот на сезоната, но на Брајтон му е потребен веднаш, па ќе платат отштета од 1.500.000 евра за Грос.

Потребно им е искуството на Грос на галебите“, бидејќи потенцијално им се заканува борба за опстанок. Моментално се на 14-то место на табелата со 25 бода.

Foto/ depositphotos

Домен Превц продолжува да доминира на новогодишната турнеја на Четири скокалници.

По триумфот во Оберстдорф, брилијантниот Словенец го прослави првиот ден од Новата година со победа во Гармиш Партенкирхен.

Првиот скок беше на 143, вториот на 141 метар, доволно за 303,1 бод и уште една убедлива победа. Ова беше негова седма победа оваа сезона.

Втор беше Австриецот Јан Херл, кој освои 287,7 бода, што беше дури 15,5 бода помалку од одличниот Превац.

Неговиот сонародник Стефан Ембахер се искачи на најниското место на подиумот со вкупно 287,1 бод.

Превц убедливо води во генералниот пласман на турнејата, а секако и на Светскиот куп. Следното натпреварување во рамките на Турот се одржува во Инсбрук на 4 јануари.

Foto/ EPA/ANNA SZILAGYI

Domen Prevc show! Słoweniec odlatuje rywalom w Garmisch-Partenkirchen! Kacper Tomasiak na ósmym miejscu! #GaPa #skijumpingfamily #4hills pic.twitter.com/nZKxxGZshb

— Skijumping.pl (@Skijumpingpl) January 1, 2026