Спорт
И „децата“ на Ливерпул победуваат – смешен автогол за триумф над Шрузбери (видео)
Ливерпул, со тим составен од младинските школи на тимот по одлуката на Јирген Клоп да не го постави првиот тим во повторениот меч од 1/16 финалето на ФА купот против третолигашот Шрузбери, успеа да стигне до неверојатна 1:0 победа благодарение на еден бизарен автогол на противникот.
Никој не им даваше шанси на У-23 тимот предводен од тренерот Нил Кричли – кај обложувалниците коефициентот за победа на Ливерпул беше над 2, но тие ја продолжија победничката серија на нивниот тим, додека Јирген Клоп и првиот состав одмараа.
Клучниот момент се случи во 75. минута од мечот, кога по едно нафрлање од далеку, гостинскиот фудбалер Ро Шон Вилијамс успеа со глава да го лобува сопствениот голман.
Награда за триумфот е осминафинале против Челси на „Стемфорд бриџ“ и сега ќе биде интересно да се види дали Клоп ќе го изведе првиот тим на тој меч.
ФА КУП,1/16 ФИНАЛЕ, ПОВТОРЕНИ НАТПРЕВАРИ
Бирмингем сити – Ковентри 1:1, 2:2 по продолженија, 4:1 пенали
Кардиф – Рединг 2:2, 3:3 по продолженија, 1:4 пенали
Дерби каунти – Нортхемптон 4:2
Ливерпул – Шрузбери 1:0
Оксфорд јунајтед – Њукасл 2:2, 2:3 по продолженија
Have you seen this own goal is shocking the world Liverpool vs Shrewsbury 1-0 #Liverpoolfc pic.twitter.com/IKB8FaFc5U
— DONSPORTS (@DONSPORTS4) February 4, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Билд: Рангник има договор со Баерн
Почесниот претседател на Баерн Минхен, Ули Хенес, откри дека клубот наредната недела ќе го соопшти името на новиот тренер, но највлијателниот германски медиуми „Билд“, тврди дека веќе е познато кој ќе го замени Томас Тухел.
Најторфејниот германски клуб од наредната сезона ќе го предводи Ралф Рагник. Како што пренесува „Билд“, во саботата е одржан уште еден состанок по кој двете страни си заминале насмеани, а извор близок до клубот од Минхен тврди дека Ралф Рангник веднаш по завршувањето на Европското првенство, каде ќе ја води Австрија, ќе го преземе Баерн.
Баерн ќе мора да плати отштета, бидејќи тренерот има уште две години договор со ФС Австрија. Според „Билд“, челниците на Баерн ќе треба да одвојат три милиони, додека платата на австрискиот стручњак во Баерн ќе биде околу седум милиони евра годишно.
Рагник с Баерн ќе потпише двегодишен договор.
Спорт
Гринвуд ја испрати Алмерија во Сегунда
Хетафе, во 33.коло забележа победа во Алмерија 3.1 Со овој пораз фудбалерите на Алмерија и официјално испаднаа од шпанската Примера.
Гостите поведоа во 27. минута со голот на Мејсон Гринвуд, а израмни Чоко Лозано на четири минути пред крајот на првото полувреме.
Најдобриот играч на натпреварот, Гринвуд му ја врати предноста на Хетафе со гол по само три минути игра во вториот дел.
Откако постигна два гола, Англичанецот во 61. минута му асистираше на Хаиме Мата за третиот гол на Хетафе.
Во последните моменти од играта нервозниот Виеира доби црвен картон и во самиот финиш ја остави Алмерија со играч помалку.
За Хетафе ова беше втората победа сезонава на гостински терен. Тимот на Хосе Бордалас се наоѓа на деветтата позиција со 43 бода.
Спорт
(Видео) Барнли однесе бод од „Олд Трафорд“
Фудбалерите на Манчестер јунајтед уште еднаш ги разочараа своите навивачи. Во рамките на 35.коло одиграа 1.1 со Барнли, кој во финишот освои значаен бод в борбата за опстанок.
Антони во 80.минта погоди за предност на Јунајтед, а потоа Амдуни во 87. минута од пенал го замолкна „Олд Трафорд“ и му донесе бод на Барнли.
Манчестер јунајтед сега е шести со 54 бодови, додека Барнли се уште е 19-ти, сега има 24 бода.
Јуанајтед на шестото место има бод повеќе од Њукасл, кој со одлична игра во второто полувреме убедливо го совлада Шефилд јунајтед со 5:1. Њукасл постигна пет гола откако Ахмедхоџиќ во петтта минута погоди за Шефилд. Два гола во победата на Њукасл постигна Исак.
Фудбалерите на Кристал Палас успеаја да дојдат до бод во градското дерби против Фулам во самиот финиш на натпреварот со голот на Шлуп. Претходно, Родриго ја продолжи добрата серија и го доведе својот тим до предност.
Вулверхемптон успеа да го совлада Лутон со головите на Хванг и Тоти. Лутон успеа да намали во 81. минута преку Морис, но недоволно за да освои барем бод.