Спорт

И покрај двата поништени гола, Ливерпул му се одмазди на Јунајтед (видео)

Објавено пред

1 година

- 19 јануари, 2020

Од

Ливерпул со 2:0 го совлада Манчестер јунајтед во големото дерби од англискиот фудбал, за да се одмазди на единствениот тим кој оваа сезона успеа да им „откине“ поени во Премиер лигата и да ја забележи 21. победа во 22 кола во англиската елита.

Ливерпул од стартот на мечот почна со притисок и не му требаше многу време да дојде во водство, откако во 14-тата минута по слободен удар, Виргил ван Дајк успеа да биде повисок од одбраната на „ѓаволите“ и да ја го совлада Де Хеа, по што Јунајтед имаа среќа што резултатот не беше поинаков.

Садио Мане имаше неколку шанси, додека головите на Роберто Фирмино и на Џиџи Вајналдум беа поништени. Во 26. минута, Ван Дајк успева да му ја одземе топката на Де Хеа, по што Фирмино со фантастичен удар постигнува гол, кој сепак, е поништен поради фаулот над шпанскиот голман. Во 35. минута, уште еден поништен гол, откако Фирмино го пронајде Вајналдум, кој со сигурен шут го совлада Де Хеа. Меѓутоа, линискиот судија и без ВАР системот одредува дека имало офсајд ситуација. Јунајтед најдобрата шанса ја имаа во 45. минута, кога Ван-Бисака одлично го пронајде Переира, меѓутоа Бразилецот утна празен гол.

На стартот на второто полувреме, „црвените“ на Јирген Клоп уфрлија во повисока брзина и направија голем број на шанси пред голот на Јунајтед – Салах имаше најдобра шанса со удар покрај голот, додека Хендерсон ја погоди пречката. Фред за малку ќе ги „казнеше“ во 57. минута со убав удар од 20-тина метри, а само две минути подоцна Марсијал имаше одлично проигрување со Переира, но ударот не заврши во рамката од голот.

Александер-Арнолд во 76. минута упатува убав удар, додек само две минути подоцна блиску до гол беше Мејсон Гринвуд по одличната асистенција на Марсијал. Гостите тргнаа во офанзива во финишот на мечот, и тоа го искористи Мохамед Салах, кој по нафрлањето од голманот Алисон во 94. минута стави точка на мечот.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Прекрасниот гол на Пандев недоволен – Рома триумфално низ Џенова (видео)

Претходно

Кубацки со двојна победа, Кобајаши леташе 147 метри (видео)

Спорт

Стоичков: Кога Гризман е на теренот, Барса игра со човек помалку!

Објавено пред

52 минути

- 18 мај, 2021

Од

TopSport.mk

„Сите зборуваат само за Куман, ама тој не е виновен“ порача легендата на бугарскиот фудбал, Христо Стоичков.

Стоичков, кој е поранешен соиграч на Роналд Куман смета дека играчите се најголемиот проблем на каталонскиот клуб.

„На терен излегуваат 11 фудбалери, тие играат, не Куман“ вели Стоичков кој посебно ја критикуваше играта на Французинот Антоан Гризман кој за 120 милиони долари од Атлетико се пресели на „Ноу Камп“.

„На натпреварите против Ливерпул, Јувентус, ПСЖ, Реал Мадрид и Атлетико (М) не покажа дека навистина вреди толку пари. Кога тој е на терен, Барселона игра со играч помалку. Треба да го продадат“ вели бугарскиот ас.

Гризман за Барселона одигра 98 меча и постигна 34 гола со 16 асистенции.

Многу подобра беше неговата статистика кај „Јорганџиите“, во 257 меча постигна 133 гола со 50 асистенции.

Прикажи повеќе...

Спорт

Пипен: Редно беше и Кукоч да влезе во Куќата на славните

Објавено пред

2 часа

- 18 мај, 2021

Од

TopSport.mk

Хрватската кошаркарска легенда Тони Кукоч од осмиот обид беше примен во кошаркарската Куќа на славните во Спрингфилд.

Многумина сметаат дека играчот што со Југопластика ја покори Европа требаше таа чест да ја добие многу порано. Истото мислење го има и неговиот соиграч од Чикаго Булс, Скоти Пипен.

Тој на „Твитер“ напиша:

„Редно беше! Обожавав да играм со Тони Кукоч и беше многу битен во нашипт втор поход по трите прстени во низа. Апсолутно, припаѓа во Куќата на славните и одвај чекам наесен кога ќе ни се придружи“.

Кукоч и Пипен со Булси освоија шампионска титула во 1996/97 и во 1998 година кога во тимот од Чикаго беше и Мајкл Џордан.

Прикажи повеќе...

Спорт

Заврши сагата околу Алаба – Австриецот ќе го облече дресот на Реал

Објавено пред

3 часа

- 18 мај, 2021

Од

TopSport.mk

Фудбалерот на Баерн Минхен, Давид Алаба, го ставил потписот на првиот дел од договорот со Реал Мадрид. Австриецот на „Сантијаго Бернабеу“, ќе пристигне како слободен играч по завршувањето на сезоната.

Трансферот на Алаба беше актуелен од почетокот на годината. Австриецот се поврзуваше со неколку клубови, меѓу кои покрај Реал беа ПСЖ, Барселона, Ливерпул.

Откако го потпишал првиот дел од договорот јасно е дека Алба наредната сезона ќе го носи дресот на Реал.

Медиумите шпекулираат дека фудбалерот во Реал ќе има годишна плата од 12 милиони евра.

Алаба оваа сезона со Баерн ја одбрани титулата во Германија. Во Бундес лигата одигра 31 натпревар.

Прикажи повеќе...