Спорт
И Столе Стоилов се прости од репрезентацијата: Благодарам Македонијо за се!
![](https://makfax.com.mk/wp-content/uploads/2022/04/stole-stoilov.jpg)
Заминува Филип Миркуловски, но заминува и Стојанче Стоилов. Пикерот на Вардар одлучи да стави крај на репрезентативната кариера. Тој и заблагодари на цела Македонија за поддршката, вели дека имал чест да игра со многу големи ракометари и пред се со капитенот и сега селектор, Кире Лазаров.
„Би сакал да најавам дека се простувам од дресот на репрезентацијата. Благодарам Македонијо за се, ми беше чест што играв за македонската држава, што делев терен и соблекувална со големи ракометари и луѓе, треба да ги набројувам многу, сите ги респектирам, но еден е капитенот, Кире Лазаров. Моето тело едноставно не може да издржи такви напори. Немаше да се повлечам ако не мислев дека има одлични ракометари на мојата позиција, Жарко Пешевски, Никола Марковски. Ми треба одмор, од 2008 година не сум почувствувам навистина да се одморам“, изјави Стојанче Стоилов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Српскиот тенисер ќе ги одмери силите со Чехот Вито Коприва
![](https://makfax.com.mk/wp-content/uploads/2024/07/novak.jpg)
Најдобриот српски тенисер Новак Ѓоковиќ утре ќе го одигра вториот меч на Централниот терен против Чехот Вито Коприва, објавија организаторите на натпреварувањето.
Програмата на Централниот терен на Вимблдон започнува во 14 часот и 30 минути со дуелот на минатогодишната шампионка од Чешка Маркета Вондроусова и Шпанката Јесика Бузас Манеиро.
Ѓоковиќ минатата година во финалето на Вимблдон беше поразен од Шпанецот Карлос Алкараз со 1:6, 7:6 (8:6), 6:1, 3:6, 6:4.
Ласло Џере ќе го одигра натпреварот од првото коло против Французинот Лука Пуја.
Светската тенисерка број еден од Полска Ига Швјонтек третиот меч ќе го одигра на теренот против Американката Софија Кенин.
Новак е фаворит на хартија и покрај тоа што неодамна имаше операција поради повреда на коленото.
Спорт
Глигор Димитров за „Макфакс“: Сакам да стигнам до крајните фази на турнирот
![](https://makfax.com.mk/wp-content/uploads/2024/07/449176716_7760094737359209_2489568067550086566_n.jpg)
По успешниот старт на Вимблдон на Григор Димитров, во кој го победи Србинот Душан Лајовиќ со 3-0, популарниот Гришо одговори и на прашања на известувачот на македонската агенција „Макфакс“.
Како го виде денешниот меч против Србинот Душан Лајовиќ? Гледано од страна, се чинеше многу лесен меч, освен во третиот сет кога мораше да враќаш бреик?
„Можеби од трибините изгледаше за лесен меч, меѓутоа воопшто не беше лесен, особено кога е почеток на турнирот и кога ти одат различни мечови по различен начин во различно време. Но, има уште многу што сакам од себе си, и се надевам дека наредните денови ќе се чувствувам подобро и ќе дадам уште повеќе на теренот. Се надевам ако тоа го постигнам дека и играта ќе ми се подобри“.
На минатиот Вимблдон стигна до осминафиналето. Тогаш изјави дека го играш најдобриот тенис во кариерата. Какви се амбициите за оваа година?
„Ова е различна година, и сосема различен Григор. Не сакам да мислам многу однапред. Се разбира дека сакам да стигнам до крајните фази на турнирот. И тогаш ќе можам да оценам до каде сум стигнал во однос на минатата година. Но, имам многу работа за да стигнам до таму. Затоа, повеќе сакам да одам чекор по чекор, меч по меч, па ќе видиме до каде ќе стигнам“.
Ненад Живановски
Спорт
Јамал „најголема“ ѕвезда на Европското првенство
![](https://makfax.com.mk/wp-content/uploads/2024/07/jamal.jpg)
Ламине Јамал е една од најголемите ѕвезди на Европското првенство во Германија.
16-годишниот крилен напаѓач стана најмладиот играч што настапил на Европското првенство.
Многумина го споредуваат со Лео Меси, но самиот Јамал инсистира дека не е достоен за такви споредби:
„Тој е најдобриот играч во историјата и фактот што не споредуваат е неверојатен, но овие споредби не се на место. Никој не може да се спореди со него, дури ни јас. Се надевам дека ќе постигнам барем половина од неговата кариера“.
Според многумина, Меси е најдобриот фудбалер на сите времиња.
Освои вкупно 44 трофеи, што го става на самиот врв во целата историја на спортот.
Во кариерата постигна 837 гола и асистираше 374 пати.
Со Светското првенство во Катар ги заокружи освојувањето на сите можни трофеи на репрезентативен и клупски план.