Спорт
И Тимо Вернер ќе дава дел од својата плата во „Заедничка цел“
Тимо Вернер стана првиот фудбалер на Челси кој се приклучи на иницијативата на Хуан Мата „Заеничка цел“, со која фудбалерите се обврзуваат да дадат еден процент од својата плата за помош на сиромашни деца.
24-годишниот Германец само што го комплетираше својот трансфер од Лајпциг во Челси, и според англиските медиуми добива околу 200.000 фунти неделна плата. Во иницијативата претходно се вклучија и менаџерот на Ливерпул, Јирген Клоп, ѕвездата на Јувентус, Пауло Дибала, како и Меган Рапино, Алекс Морган и Серж Гнабри.
„Се чувствувам многу привилегиран со тоа што можам да го живеам мојот сон со трансферот во Челси, и во исто време свесен сум за фактот дека луѓето низ целиот свет се мачат со последиците од пандемијата. Затоа сакам да помогнам, а најдоброто за ’Заедничка цел’ е што самиот ќе одлучувам каде ќе одат парите. Сакам да започнам проекти во Штутгарт и Лајпциг и ги повикувам сите ѕвезди да донираат. Ако само еден навивач донира 10 евра бидејќи Тимо Вернер е вклучен, целта е остварена“, вели Вернер.
?️ | "I'm conscious that there are people all over the world struggling to tackle the consequences of the pandemic."
Following his dream move @TimoWerner wants to use this moment to highlight the need for more collective action from the world of football.
— Common Goal (@CommonGoalOrg) September 19, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кавај Ленард го одигра најдобриот меч во кариерата – ЛА Клиперс славеа против Детроит
Кошаркарите на Лос Анџелес Клиперс славеа над лидерот во Источната конференција, Детроит со 112:99. Клиперс ја забележаа четвртата победа, што е најдолга победничка низа за нив оваа сезона.
Клиперс до победата над Пистонс ги предводеше Каваи Ленард. Поранешниот МВП, со Сан Антонио, го одигра најдобриот меч во кариерата, постигна 55 поени, 26 од нив во третата четвртина. Ленард во статистиката запиша и 11 скокови и пет украдени топки.
Каваи Ленард ја игра својата 14-та сезона во НБА. Има 34 години и двапати беше шампион, во 2014 година со Сан Антонио Спарс и во 2019 година со Торонто Репторс. Исто така, шест пати се појави во натпреварот на сите ѕвезди.
Ленард стана вториот играч во историјата на Клиперси кој постигнал 40+ поени во два натпревари по ред. Првиот е легендарниот Боб Макаду, но тогаш Клиперси играа на другата страна од Америка, во Бафало, како Брејвс.
Резултати:
Торонто – Голден Стејт 141:127
/Квикли 27 – Кари 39/
Оклахома – Филаделфија 129:104
/Холмгрен 29 – Макси 28/
Портланд – Бостон 114:108
/Шарп 26 – Браун 37/
Вашингтон – Мемфис 116:112
/Сар 20 – Џексон 31/
ЛА Лејкерс – Сакраменто 125:101
/Дончиќ 34 – Дерозан 22/
Спорт
Кавани замина во пензија
Единсон Кавани (38), еден од најдобрите напаѓачи во изминатите 15 години, објави дека ја заврши својата импресивна кариера.
Во богатата кариера, Кавани играше за својот Данубио, потоа стана легенда за Палермо и Наполи, бидејќи играше во Италија шест години, а потоа направи трансфер во ПСЖ во летото 2013 година за 64.500.000 евра.
Помина цели седум години во Париз, ги освои сите можни трофеи, освен Лигата на шампионите, а потоа играше за Манчестер Јунајтед и Валенсија, пред да замине во Бока Јуниорс, што е неговиот последен клуб.
Кавани е и легенда на уругвајската репрезентација, за која одигра 136 натпревари и постигна 58 гола.
Ако се погледне неговата клупска кариера, тој одигра дури 745 натпревари и постигна неверојатни 404 гола со 79 асистенции.
Foto/ freerangestock
Спорт
(Видео) Ѓимшити го честеше Интер за Нова година, нероазурите ја победија Аталанта
Фудбалерите на Интер ја победија Аталана, во Бергамо со 1:0 и се вратија на челната позиција цо Серија А. Годината Интер ја заврши со 36 бода, еден повеќе од Милан и дваод актуелниот шампион Наполи.
Интер не блескаше, но во Бергамо го искористи подарокот на Берат Ѓимшити. Дефанзивецот на Аталанта, во 65-та минута дозволи Лаутаро да го „пресече“, неговото нелогично додавање.
Аргентинецот потоа го проигра Еспозито, втрча во шеснаесетникот, се понуди, ја доби топката од соиграчот и рутински ја реши ситуацијата.
🇮🇹 Atalanta 0-1 Inter | Lautaro Martínez 65' pic.twitter.com/vXHyGqNsoA
— Goals Xtra (@GoalsXtra) December 28, 2025
Foto/ depositphotos

