Спорт
Ибра се спореди со Џордан: Така е кога работиш со победник!
Златан Ибрахимовиќ, како и сите фанови на НБА-кошарката, ја следи документарната серија „Последниот танц“ за великанот на Чикаго булс, Мајкл Џордан, и директно се спореди со Американецот велејќи дека така е кога работиш со победници, без пардон за чувствата на соиграчите.
Документарната серија на „ЕСПН“ оди во длабочина на односите на Џордан со неговите соиграчи, како физичкиот напад над соиграчот, а сега тренер на Голден стејт, Стив Кер, како и грубиот третман на Скот Барел.
„Победата има цена и лидерството има цена. Ги влечев луѓето кога тоа беше потребно, ги предизвикував кога не сакаа да бидат предизвикани. Го заработив тоа право бидејќи соиграчите дојдоа по мене. Кога доаѓаш во тим каде што сум јас треба да оддржуваш одредено ниво“, вели Џордан во седмата епизода.
Ова, очигледно, многу му се допаѓа на Ибрахимовиќ.
„Убаво е да е погледа ’Последниот танц’. Сега гледате како е да се игра со победник. Или ти се допаѓа или не. Ако не ти се допаѓа, не ја играј играта“, напиша Ибрахимовиќ на Твитер.
Ибрахимовиќ е во карантин во Италија пред камбекот на Серија А со Милан и тренерот на „росонерите“ Стефано Пиоли неодамна го спореди Швеѓанецот и неговата работна етика со таа на Роџер Федерер.
Nice to see The Last Dance.
Now you see how it is to play with a Winner.
Either you like it or not.
If not then dont play the game. pic.twitter.com/w2gDvuM4gY— Zlatan Ibrahimović (@Ibra_official) May 12, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.