Спорт
Ибрахимовиќ му се извини на Паоло Фонсека

На претставувањето на Серхио Консеисао како нов тренер на Милан, спортскиот директор на клубот Златан Ибрахимовиќ му се извини на претходниот тренер Пауло Фонсека, за она што клубот му го приреди на заминувањето.
Фонсека забележа 12 победи, 6 нерешени и 6 порази во 24 натпревари во сите натпреварувања.
И покрај тоа што веднаш по мечот со Рома (1:1) знаеја дека ќе го заменат, челниците на Милан му дозволија на Фонсека да се појави на прес-конференцијата, за што Ибрахимовиќ се извини.
„Максимална почит за Пауло Фонсека. Тој не можеше да продолжи поради резултатите, кои се од суштинско значење за Милан. Одлуката ја донесовме по натпреварот и направивме грешка што го испративме на прес-конференција, му се извинуваме на Пауло и на навивачите. Одговорноста не е само на тренерот, таа мора да се сподели со сите“, изјави Ибрахимовиќ.
Новиот тренер на Милан, Консеисао во текот на кариерата играше за градскиот ривал на Милан, Интер, а своето деби во Суперкупот на Италија ќе го има на 3 јануари против Јувентус, за кој настапува неговиот син Франциско.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се врати на победнички патеки во Франција

Пари Сен Жермен се врати на победнички пат во Лига 1 и брзо го заборави поразот во дербито со Олимпик Марсеј. На домашен терен, тимот на Луис Енрике со сигурни 2-0 го совлада Оксер.
Дебито на Забарњи во листата на стрелците донесе водство на ПСЖ уште во 32. минута, откако го искористи додавањето на Витиња. Со 1-0 се замина на полувреме, а во вториот дел дефанзивата на гостите не издржа повторно – уште еден гол од стопер донесе конечен резултат.
Лукас Бералдо се запиша како стрелец за конечни 2-0, постигнувајќи го својот прв гол сезонава, а третиот во кариерата за „светците“.
Спорт
Палиња е спасителот на Тотенхем

Тотенхем извлече реми (1-1) и освои бод против Вулверхемптон во Лондон, иако беше во губитничка позиција. Португалецот Жоао Палиња постигна гол за израмнување во 91. минута, спасувајќи го тимот на Томас Франк од пораз.
Тотенхем немаше најдобра вечер против последнопласираниот тим во Премиер лигата. Вулверхемптон поведе во 54. минута преку Сантијаго Буено, а „спарс“ долго време не успеваа да одговорат.
Сепак, добра акција во финишот од мечот резултираше со бод за тимот од Лондон.
Спорт
Интер рутински го победи Калјари

Интер со успех се враќа од гостувањето на Сардинија, откако го победи Калјари со 0-2. Тимот на Кристијан Киву го контролираше натпреварот и заслужено стигна до триумф.
Гостите од Милано поведоа уште во осмата минута преку Лаутаро Мартинез.
Победата ја потврди младиот Пио Еспозито со гол во 82. минута, по одличната асистенција на Федерико Димарко.