Кошаркарите на Црвена Звезда во осмото коло од АБА лигата го совладаа вечниот ривал Партизан со резултат 90:74. Мечот имаше прекин пред крајот на првата четвртина, откако навивачите фрлаа тврди предмети на теренот, но по околу 40 минути дуелот продолжи.

Беше неизвесно се до 37.минута, а потоа Црвена Звезда направи голема серија и го доби мечот со голема разлика. Последниот период „црвено-белите“ го добија со 20:9.

Лука Вилдоза со 19 поени и Немања Недовиќ со 17 поени ја предводеа поентерски Црвена Звезда на овој меч. Јоанис Папапетру постигна 15 кошеви за Партизан.

Раководството на Јувентус предводено од првиот човек Андреа Ањели вечерва поднесе оставки, што е шокантна ситуација во редовите на италијанскиот калчолигаш.

Оставка поднесе Ањели, неговиот прв соработник Павел Недвед, генералниот менаџер Маурицио Аривабене и сите членовите на Бордот на директори.

Сите тие се под истрага за манипулација со последните трансфери во клубот, а италијанското обвинителството ги гони по неколку основи. Ова е веројатно чин за да се спаси клубот од санкција.

Ањели ја напушта претседателската функција по 12 години во гигантот од Торино.

Ѕвездата на Манчестер Јунајтед, Бруно Фернандеш, беше двоен стрелец за Португалија во триумфот од 2:0 против Уругвај и ја одведе својата селекција во осминафиналето на Светското првенство. Првиот дел заврши без голови, но и без многу шанси, а потоа Португалците го скршија отпорот на противникот.

Во 54.минута, Бруно Фернандеш нафрли кон Кристијано Роналдо, но капитенот не ја зафати топката со глава, а таа отседна во мрежата на Уругвајците. Тие имаа можност да израмнат, но Максимилијано Лопез го погоди дирекот, а Луис Суарез беше за малку непрецизен.

Во завршницата, Бруно Фернандеш од пенал, кој беше досуден по реакција од ВАР-собата за игра со рака во шеснаесетникот, постигна и втор гол за триумф на Португалија.