Спорт
Играч на Валенсија упасен за сексуален напад
Шпанската полиција во понеделникот вечерта го уапси напаѓачот Рафа Мир, кој е осомничен за сексуален напад. Според достапните информации, напаѓачот на Валенсија се уште е во притвор
Како што пренесува „Кадена СЕР“, жртви на наводното кривично дело се две жени кои во неделата биле во куќата на 27-годишниот напаѓач. Заедно со Мир бил приведен уште еден маж. Се наведува дека двете жени се на возраст од околу 25 години, дека веднаш пријавиле во полиција и отишле на лекарски преглед.
Мир, кој првите професионални чекори ги направи во вториот тим на Валенсија, се врати на „Местаља“ на почеток на сезоната како позајмен играч од Севилја. Тој сезонава одигра четири натпревари за „лилјаците“.
Првиот мандат во Валенсија го заврши во 2018 година кога замина во Вулверхемптон. Не играше во Англија, а „волците“ постојано го испраќаа на позајмицици: Лас Палмас, Нотингем Форест и Уеска. На „Рамон Санчез Писхуан“ во Севилја пристигна во летото 2021 година.
Валенсија се огласи по повод апсењето на Мир. Клубот наведува дека нема да се огласува во јавноста додека не бидат познати повеќе детали, но дека ќе соработува со полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис пред Ферстапен ја освои ГН на Сингапур
Возачот на Мекларен Ландо Норис остври супериорна победа на трката за Големата награда на Сингапур. Британецот кој стартуваше од пол-позицијата, водеше од првиот до последниот круг. Норис со овој триумф ја намали предноста на Макс Ферстапен во генералниот пласман на 51 бод.
Ландо Норис го комплетираше совршениот бикенд во Сингапур со победа на главната трка. Возачот на Мекларен триумфираше пред Ферстапен и тимскиот колега Оскар Пјастри.
Совршениот викенд на Норис му го расипа Даниел Рикиардо, кој со софт гуми, во финишот успеа да му одземе еден поен за најбрз круг во трката. Иринијата е што ова беше последната трка на Рикиардо во Формула. Од следната трка колега на Јуки Цунода ќе му биде Лијајм Лосон.
Покрај најдобрите тројца бодои во Сингапур на „Јас Марина“ освоија Џорџр Расел (Мерцедес), Шарл Леклер (Ферари), Луис Хамилтон (Мерцедес), Карлос Саинц (Ферари), Нико Хулкенберг (Хас), Фернандо Алонсо (Астон Мартин) и Јуки Цунода (РБ).
Спорт
Хулигани го уништиле теренот на стадионот на Партизан
Во ноќта меѓу саботата и неделата група хулиганивлегла на стадионот на Партизан и ја уништииле подлогата. Утре, Партизан треба да ја пречека Црвена звезда во вечното дерби.
Како што пренесува „Телеграф.рс“, вработените кои се задолжени за одржување на теренот веднаш ги известиле сите служби на клубот, кои повикале полиција, а во текот на денот се очекува понатамошна истрага.
Се наведува дека група хулигани ги пробиле бравите на стадионот во Хумска, влегле и ја уништиле тревната површина. Хулиганите врлиле стакло и запалиле дел од теренот.
Се следат снимките од безбедносните камери за да се откријат сторителите на ова кривично дело, а клубот започна и вонредни мерки за санација на теренот.
Сите во клубот се надеваат дека надлежните брзо ќе ги најдат одговорните и дека во иднина ќе се спречат вакви инциденти.
Спорт
Бастијани победи во Мизано, Мартин втор, Бањаја не ја заврши трката
Енеа Бастијанини на голема радост на италијанската публика победи на трката за Големата награда Емилија Ромања. Бастијани славеше пред лидерот во вкупниот пласман, Хорхе Мартин (Прамак Дукати) и Марк Маркез (Гресини Дукати). Актуелниот шампион Пеко Бањаја не ја заврши трката, падна на седум круга до крајот на трката.
Дукати ќе слеви попладнево во Мизано, фабричкиот возач Бастијанини понеди, Дукати ја обезбеди конструкторската титулата и ја запиша 100. понбеда во „кралската калса“.
Киксот на Бањаја го искористи Мартин кој сега во борбата за титулата има 24 поени повеќе од Бањаја.
Интересна борба за првото место водеа Мартин и Бастијанини. Шпанецот во третиот круг го престигна Бањаја, кој беше лидер, но два круга подоцна актуелниот шампион ја загуби позицијата и од тимскиот колега Бастијанини.
Од тој моммент Бастијанини жестокот го притискаше Мартин, а новната борба кулминираше во последниот круг, кога Бастијанини со ризичен маневар успеа да мина крај Матин и на крајот да победи.
Бањаја остана без бодови откако направи грешка на седум круга до крајот кога беше трет со нешто помалку од две секунди зад првите двајца.