Спорт
Играчите на Воска си заминаа од теренот, Вардар ќе запише службена победа
Фото/makfudbal. mk
Натпреварот меѓу Воска и Вардар, во 28.коло во Првата македонска фудбалска лига, не го доживеа својот крај. Домашниот тим во 75.минута го напупти теренот, револтирани од одлуката на судијата да го признае голот на Дурански во 71.минута.
„Воска Спорт го изразува својот револт, информирајќи ја Фудбалската федерација на Македонија (ФФМ) за спорните судиски одлуки на последниот натпревар меѓу нашата екипа и Вардар.
Од првата минута од натпреварот нашите играчи не беа рамноправни на теренот со противниците поради низата неправедни судиски одлуки кои значително се одразија на текот на играта и исходот на натпреварот.
Судиите постојано носеа сомнителни одлуки, што доведе не само до нефер игра, туку и до серија неосновани опомени и казни кон нашите играчи.
За жал, поради овие сериозни неправди, во 76. минута нашиот тим беше принуден да се повлече од игра. Сметаме дека ова беше единствената можна одлука да ги заштитиме правата на нашите играчи и да спречиме понатамошно нарушување на спортскиот интегритет.
Во оваа насока бараме од ФФМ да ги разгледа спорните одлуки на судиите и да преземе мерки за спречување на вакви ситуации во иднина. Се надеваме дека ќе се спроведе детална истрага за судиските одлуки и ќе се обезбеди фер и рамноправна игра за сите екипи. Очекувајќи го вашиот одговор и дополнителни инструкции, ви благодариме за разбирањето.
Со почит,
Воска спорт“
Јасно е дека Вардар ќе го добие натпреварот со службени 3:0, а Воска покрај поразот ќе се соочи и со други снакции за напуштањето на теренот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Забарњи се сели на „Паркот на принцовите“

Луис Енрике успеа во намерите да го донесе дефанзивецот Илија Забарњи во редовите на Пари Сен Жермен.
Од почетокот на летото се знаеше дека нема да има место за Бералдо во Пари Сен Жермен, па Луис Енрике го означи Украинецот како уште еден играч во ротацијата.
Забарњи има одлична сезона зад себе во која играше во тандем со Дин Хујсен.
Исто како и младиот Шпанец, Украинецот ќе ја полни касата на Борнмут, бидејќи ПСЖ ќе плати 63.000.000 евра веднаш, како и дополнителни бонуси до 70.000.000.
Забарњи одамна ги договори личните услови, сакаше да му се приклучи на ПСЖ.
Европскиот првак наскоро треба да го реши и прашањето на голманската позиција, откако Џиџи Донарума реши да не го продолжи договорот.
Кога Италијанецот ќе најде клуб. тогаш во Париз за 40.000.000 евра ќе пристигна Лука Швалие од Лил.
Спорт
Шефот на Мекларен: Заминувањето на Хорнер е добро за Ф1

На почетокот на јули како гром од ведро небо одекна веста дека Ред Бул реши да го отпушти шефот на тимот, Кристијан Хорнер. Хорнер две децении беше на чело на тимот, со Себастијан Фетел и Макс Ферстапен учествуваше во освојувањето на шампионките титули.
По заминувањето на Хорнер, Ред Бул го презеде Лоран Меки, кој долго време работеше во сестринскиот тим Торо Росо, од оваа сезона тимот го носи името Рејсинг булс.
Заминувањето на Хорнер, стави крај на соперништвото кое беше напнато во претходните години.
„Драго ми е што Лоран е на таа позиција. Ми се допаѓа. Ќе биде добро за спортот, се надевам дека можеме да се фокусираме на трките“, рече шефот на Мекларен, Зак Браун, објаснувајќи зошто е толку среќен поради промената во Ред Бул.
„Со Хорнер работите отидоа предалеку. Секогаш имало политика во Формула 1, но кога упатувате несериозни обвинувања, оди предалеку. Секогаш ќе има политички аспект во овој спорт, но со Лоран ќе биде подобро и поздраво. Долго време сум негов обожавател и ќе биде добро да се натпреварувам против него“, рече Браун.
„Гледам дека сите сè уште се бориме едни против други на тоа политичко ниво, но линијата не се пречекорува. А беше пречекорена и претходно со Хорнер. Сега има поголема верба кога сите ќе седнеме и ќе разговараме за проблем каде што доверливоста е важна. Тоа нема веднаш да се користи како политичко оружје. Во подобра позиција сме, обединети сме и поубедени дека додека се бориме на патеката, сè ќе придонесе за спортот, а не дека ќе биде манипулирано за политички цели и ќе биде извадено од контекст“, објасни Браун.
Фото/ Принтскрин
Спорт
Медисон ја пропушта целата сезона?

Лоши вести за Тотенхем. Повредата на Џејмс Медисон е сериозна и тој ќе биде надвор од терените долго време.
Креативниот играч од средниот ред се повреди на пријателскиот натпревар против Њукасл (1:1) во Јужна Кореја.
Во прашање се вкрстените лигаменти на десното колено. Според првите информации, тој сигурно ќе го пропушти поголемиот дел од сезоната, а можеби и целата сезона.
Минатата сезона Медисон забележа дабл-дабл од 12 гола и 11 асистенции.
Фото/ Принскрин