Спорт
Играчите попуштиле под притосокот од Нојер и Горецка

Германија доживеа вистински дебакл на Светското првенство во Катар. Германците не успеаја да ја минат групата во конкуренција на Јапонија, Шпанија и Костарика.
Репрезентацијата која низ историјата четири пати била светски првак и уште толку пати играла во големото финале, првенството го започна со шокантниот пораз од Јапонија (1:2), потоа одигра 1:1 со Шпанија и на крајот ја победи Костарика (4:2).
Покрај по бледите издание на трите натпревари, Германците останаа запаметени и по она што го нправија пред почетокот на натпреварот со Јапонија, кога сите играчи ја прекрија устата, во знак на протест, откако ФИФА забрани да се носат капитенсите ленти во боите на виножитото.
Таа слика го обиколи светот, а откако играчите го напуштија Катар, медиумите открија дека од целиот тим само двајца сакале да го направат тоа.
„Само Мануел Нојер и Леон Горецка инсистираа да го направат тој гест пред мечот со Јапонија. Останатите играчи, како и другите репрезентации, не сакаа да направат ништо“, пренесува „Дас Ерсте“.
„Билд“ наведува и дека Горецка и Нојер ги принудиле соиграчите, на нивна страна бил само Јосуа Кимих, додека останатите на крајот попуштиле под притисокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Драма до последен миг: Пелистер славеше над Вардар со 32-30

Големата битка за титулата во плеј-офот заврши со триумф на Пелистер, кој славеше со 32-30 против Вардар во неизвесен и драматичен натпревар. Битолчани ја освоија својата деветта титула и трета по ред, предводени од Кузмановски со седум гола, додека Борозан од Вардар реализираше осум, но промаши клучен пенал во финишот.
Вардар имаше водство со пет гола разлика во првиот дел. Сепак, Пелистер се врати во игра и на полувреме резултатот беше 17-15 за Вардар. Во второто полувреме, двете екипи разменуваа голови, а драмата кулминираше во последните минути, кога Вардар имаше шанса за израмнување, но промаши пенал. Пелистер ја искористи грешката и го потврди триумфот.
Спорт
Гоф ја „сврти“ Сабаленка за титулата на Ролан Гарос

Американската тенисерка Коко Гоф го освои Ролан Гарос, победувајќи ја Арина Сабаленкa во финалето.
Гоф ја освои втората Гренд слем титула во кариерата по пресврт – 6:7 (5), 6:2, 6:4.
Таа го имаше своето деби на Отвореното првенство на САД во 2023 година, кога го доби финалето над Белорусинката. Тој сега има скор од 6 победи и 5 порази.
Гоф играше и во финалето на Ролан Гарос во 2022 година, но тогаш немаше шанси против Ига Швионтек, четирикратната шампионка.
Спорт
Марк Маркез ја освои пол позицијата во Арагон

Возачот на Дукати, Марк Маркез, триумфираше на спринт трката што се одржа во рамките на Големата награда на Арагон, осмата рунда од овогодинешното првенство на Мото ГП.
Осумкратниот светски шампион ја постигна својата седма победа во спринтот оваа сезона на патеката Арагон, а се врати на највисокото скалило на победничкиот подиум откако беше престигнат од неговиот помлад брат Алекс пред две недели во Силверстоун.
Алекс беше главниот конкурент на постариот Маркез во Арагон, но нивната борба не траеше долго и возачот на Гресини мораше да се задоволи со второто место, околу две секунди зад својот брат. На третото скалило на подиумот беше Фермин Алдегер, соиграч на помладиот Маркез, кој беше околу две секунди понапред.
Акцијата на патеката „Моторленд“ продолжува во недела од 11 часот, а трката во кралската класа е на програмата од 14 часот.