Спорт
Игуаин заминува во пензија
Фудбалерот на Интер Мајами, Гонзало Игуаин, најверојатно ќе ја заврши кариерата на крајот од календарската 2022 година, на 34-годишна возраст. Ова во интервју за аргентинските медиуми го соопшти неговиот татко Хорхе, кој на тој начин ја згасна надежта на навивачите на Ривер Плата дека „Пипита“ би можел да ја заврши кариерата во матичниот клуб.
Договорот на Игуаин со тимот од МЛС – лигата истекува на крајот на годината и постојат реални шанси после тоа да ја заврши играчката кариера.
Прославениот аргентински ас во текот на кариерата ги носеше дресовите на големите европски клубови, откако од Ривер Плата пристигна во Реал Мадрид каде мина шест сезони.
Потоа патот го однесе во Неапол каде играше три сезони, а во 2016 година го засили Јувентус. За четирите години меѓу „бјанконерите“ беше на позајмица во Милан и во Челси, а во 2020 година пристигна во Интер Мајами.
За репрезентацијата на Аргентина одигра 75 натпревари и постигна 31 гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.