Роман Абрамович конечно успеа да го продаде лондонски Челзи и сега славниот англиски клуб доби нови сопственици.

Челзи со официјално соопштение во саботата наутро потврди дека преговорите влегле во завршна фаза во петокот навечер и дека клубот е продаден.

Нов сопственик на клубот е Тод Боили, сопственик на безбол клубот Лос Анџелес Доџерс.

Конзорциумот – предводен од Боили, како и Кларк Капитал, Марк Волтер и швајцарскиот милијардер Хансојерг Вис, ќе му плати на клубот околу 4,5 милијарди долари и ќе биде обврзан да инвестира уште 1,7 милијарди долари во него.
Боили, американски инвеститор и бизнисмен, има пријавена нето вредност од 4,5 милијарди долари (3,6 милијарди фунти), според Форбс.

Покрај тоа што е сопственик на Доџерс, тој има удел и во Лос Анџелес Лејкерс, а сопственик е и на женскиот НБА тим Лос Анџелес Спаркс.

„Челзи може да потврди дека е постигнат конечен и дефинитивен договор за продажба на клубот на Тод Боили / Клирлејк Капитал. Трансакцијата се очекува да биде комплетирана во понеделник. Клубот потоа ќе објави дополнителни информации“, се вели во соопштението.

Ова и официјално значи крај на ерата на Роман Абрамович на „Стенфорд Бриџ“. Во ерата на Абрамович „сините“ освоија 19 трофеи од 2004 до 2021 година, меѓу кои пет во Премиер лигата и две во Лигата на шампиони.

Американскиот автомобилист Колтон Херта (22) беше дел од еден од најчудните тркачки инциденти во САД. Боолид неконтролирано леташе на патеката во Индијанаполис, откако Колтон со задниот дел удри во ѕидот и целосно се преврте. За среќа, младиот американски возач помина без повреди.

Видеото од автомобилот на „Андрети Аутоспорт“ кој се превртува на патеката на која се вози „Инди 500“, веќе го преплави интернетот.

„Мислам дека влегов во таа кривина премногу брзо“, рече Херта кога се беше готово.

Исто така, младиот возач веднаш по инцидентот разговарал со целата екипа додека се уште бил во автомобилот. Тој бил свесен за се што се случува додека возилото неконтролирано леташе на патеката, а имал среќа што од другата страна можел да го слушне гласот на неговиот татко.

Неговиот татко Брајан е поранешен шампион на Инди кар, кој сега работи како стратег на трките кај својот син. Тој му ги дал клучните упатства, да не го напушта возилото додека не пристигне брзата помош, за да може безбедно да биде извлечен од превртениот автомобил.

Инаку, Колтон е најмладиот победник на трката во Инди кар серијата, а во претходните пет години забележал седум триумфи.

Colton Herta AIRBORNE!

Herta winds up upside down in this crash during #CarbDay practice for the #Indy500. He has been medically cleared. pic.twitter.com/SPHC735E7F

— #Indy500 on NBC (@IndyCaronNBC) May 27, 2022

Кристијано Роналдо, спротивно на сите најави од „Олд Трафорд“, во летниот преоден рок би можел да го напушти Манчестер јунајтд.

Италијанските медиуми пишуваат дека Рома има сериозни намери да го донесе славниот Португалец на „Олимпико“.

Оваа информација ја пренесува највлијателниот римски весник „Ил Месаџеро“, а италијанските новинари специјализирани за трансфери сметаат дека е добар извор.

Секако, работата се уште е далеку од реализација, но … Се уште не се знае какви се плановите на Роналдо со новиот тренер на Манчестер јунајтед, Ерик тен Хаг, и покрај тоа шти новиот тренер на Јунајтед, неколку пати изјави дека Португалецот ќе остане во клубот.

Наводно, од Рома го контактирале Кристијано Роналдо за да му го претстават планот за неговото пристигнување во Рим. Тоа е желбата на Жозе Мурињо, кој на Рома и го донесе првиот европски трофеј во клупската историја, а сега сака посилен тим за следната сезона. Во договор со Дан Фридкин, сопственикот на римскиот тим, пронајдени се некои потенцијални засилувања.

Покрај Роналдо, Мурињо во својот тим сака да го има и Паоло Дибала.

Мурињо и неговиот легендарен сонародник работеа заедно во Реал Мадрид, а сега би имале малку поинаква задача при заедничката работа.

За разлика од шпанскиот великан, каде трофеите се императив, примарна цел на Рома е враќање на врвот на италијанскиот фудбал.

Иако актуелната сезона може да се опише како успешна поради трофејот во Конференциската лига, „волчицата“ ја заврши Серија А на шестото место, со 23 бода помалку од шампионот Милан.