Стивен Џерард се подготвува да ја напушти Саудиска Арабија, тој повеќе нема да биде тренер на Ал-Етифак.

Според пишувањата на медиумите, Џерард спогодбено ќе се раздели со клубот. Легендата на Ливерпул решил да ја напушти клупата на тимот од лични причини, а клупските челници решиле да ја испочитуваат неговата одлука. Заедно со него клубот од Дамам го напушта и неговиот помошник Мајкл Били.

Џерард во Саудиска Арабија пристигна летото 2023 година, кога ја презеде тренерската функција во клубот. Пред тоа беше тренер на Астон Вила и Глазгов Ренџерс каде ја започна својата професионална менаџерска кариера.

Со оглед на тоа дека се работи за лични причини, можно е 44-годишникот да паузира, па сосема е реално извесно време да не го гледаме на фудбалските терени.

Третиот пораз на Денвер Нагаетс и поразот на лидеот Оклахома ги обележаа натпреварите во НБА лигата.

Денвер во Њујорк го забележа третиот пораз во низа. Претходно нагетс беа поразени д Минесота и Чикаго. Никол Јокиќ во првите 90 секунди направи две лични грешки. Во првиот дел одигра само девет минути. Мечот го заврши со за него скроми 17 поени и по шест скока и асистенции.

Џамал Мареј ја презеде одговорноста, постигна 33 поени, Ерон Гордон уфрли 15, а Расел Вестбрук забележа по 14 поени и скокови.

Џејлен Брунсон авторитативно го предводеше Њујорк со 30 поени (17 постигна во третата четвртина), О-Џеј Ануноби го заврши натпреварот со 23 поени, Џош Харт имаше 15, Микал Бриџис 13 поени.

Оклахома сити тандер, лидеорт во лигата, деветтиот пораз во сезоната го забележа во Сан Франциско. Стеф Кари ги предводеше Вориорс до поебдата 116:109.

Залудни беа 52. поени на Шеј-Гилџес Александер. Кандидатот за МВП наградата, во првата четвртина постигна 21 поен, еден повеќе од целиот тим на Вориорс. Вориорс го предводеа Ендрју Вигинс со 27 и кари со 21 поен.

Резултати:

Вашингтон – Торонто 80:104
/Кузма 19 – Барнс 24/

Шарлот – Бруклин 83:104
/Бриџис 23 – Џонсон 18/

Индијана – Детроит 133:119
/Сијакам 37 – Канингем 32/

Бостон – Чикаго 122:100
/Порзингис 34 – Вајт 16/

Мајами – Кливленд 106:126
/Хиро 22 – Мичел 34/

Филаделфија – Сакраменто 117:104
/Макси 30 – Монк 21/

Њу Орлеанс – Далас 136:137
/Марфи 32 – Ирвинг 35/

Сан Антонио – ЛА Клиперс 116:128
/Вембањама 23 – Ленард 27/

Феникс – Минесота 113:121
/Дјурант 33 – Едвардс 33/

Заврши првата фаза од елитното европско клупско натпреварување, Лигата на шампиони. 24-те најдобри екипи борбата за трофејот во Лигата на шампионите ќе ја продолжат во нокаут фазата.

Пласман во осминафиналето изборија: Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила.

Последниот воз го фатија европските гиганти, ПСЖ и Манчестер Сити, но нема да им биде лесно во нокаут фазата. „Граѓаните“ и „светците“ заедно со Реал, Баерн, Јувентус, Бенфика… ќе мора да играат во плејофот за пласман во осминафиналето.

Иако веќе пишувавме за тоа, уште еднаш ќе ве потсетиме како функционира Лигата на шампионите откако ќе започне елиминациската фаза.

Ждрепката за плејофот ќе биде извршена во петок, во Нион. Таа ќе се изврши според „серпентин систем“, кој имавме можност да го видиме при извлекувањето на двојките во Конференциската лига, лигашкиот дел од третото по ранг клупско натпреварување под покровителство на УЕФА, беше комплетиран уште во декември, со оглед на тоа што имаше две кола помалку.

Поточно, во еден шешир ќе бидат деветтиот и десеттиот во поредокот, во вториот 23. и 24. по првата фаза, а потоа 11. и 12. ќе се вкрстат со 21. и 22. , па 13-ти и 14-ти со 19-ти и 20-ти и на крајот 15-ти и 16-ти со 17-ти и 18-ти на табелата. Можни се дуели на две француски и две италијански екипи во плејофот. Манчестер сити во плејофот ќе игра против Реал или Баерн Минхен.

Првите натпревари ќе се одиграат на 11. и 12.февруари, реваншите се на 18. и 19.февруари.

Осминафиналето ќе се одигра на 4. март, а реваншите седум дена подоцна. Ждрепката за оваа фаза, исто така полудиригирана, ќе биде извршена на 21. февруари. Истиот ден ќе биде извршена и ждрепката за сите други фази, до полуфиналето.