Спорт
Има 88 години, ова е негово 17-то последователно СП
Енрике Макаја Маркез е човекот што испиша историја на мундијалот во Катар – ова му е 17-то последователно Светско првенство. Маркез е легенда на аргентинското и светското новинарство, неодамна тој го прослави 88. роденден додека го коментираше првиот натпревар на „гаучосите“ на Светското првенство.
Првото Светско првенство го покриваше во 1958 година, кога на 23. годишна возраст патувал од Аргентина до Шведска – прво со авион кој застануваше неколку пати за да наполни гориво, потоа со воз и автобус и на крајот со брод стигнал во Шведска.
„Ви треба знаење, но исто така треба да знаете како да го пренесете тоа знаење. Мора да се справите со технологијата, но и да ја знаете играта и правилно да ја интерпретирате. Не е лесно, мора постојано да учиш и да разговараш со другите“, го објаснува својот рецепт Маркез.
Израснал во истото соседство со легендарниот Алфредо ди Стефано, на 15 години почнал да работи на радио, еднаш заменил болен колега, се останато е останатото историја.
Argentina’s Enrique Macaya Márquez, at 88, was running commentary on Qatar vs Ecuador. He has been to every World Cup beginning 1958. This is his 17th World Cup.
But I see some people aren’t happy Kwabena Yeboah is still doing his job. He should quit and stay home jobless? pic.twitter.com/tAiSfBRJYB
— Saddick Adams (@SaddickAdams) November 20, 2022
Иако неговото прво Светско првенство беше неуспешно за Аргентина, тој присуствуваше на двете титули на Светските првенства на Гаучосите (1978 и 1986 година), следејќи ја во целост кариерата на Диего Армандо Марадона. Имал можност да види многу големи репрезентации, вклучувајќи ја легендарната Бразилска селекција која ја освои титулата во 1970 година.
Негов омилен тим сепак е Холандија од 1974 година.
„Толку добро ја движеа топката, ми се допадна колку беа технички способни, постојано движење, кондиција. Тие беа вистински претставник на тоталниот фудбал“.
Како радио и телевизиски коментатор, пишуваше и колумни за угледни аргентински весници и секогаш истакнува дека „фудбалот за него е поголема страст од новинарството“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шек ја одбра идеалната петорка на сите времиња – без Леброн
Шекил О’Нил по завршувањето на кариерата излезе во медиумите, а неговите изјави често ги споделува јавноста.
Шек во интервју за Билд го остави Леброн Џејмс надвор од петте најдобри на сите времиња.
„Мајкл Џордан, Коби Брајант, Џулиус Ирвинг, Карл Мелоун и јас“.
Кога го прашале да го објасни својот избор, Шек одговорил:
„Одредени играчи доминираа во лигата во различни моменти од мојот живот. Како дете, им се восхитував на играчите како Џулиус Ирвинг, Меџик Џонсон, Карим Абдул-Џабар и Лери Бирд“.
За О’Нил нема дилема дека Мајкл Џордан е најдобриот кошаркар на сите времиња.
„Тој го потврди својот статус со достигнувања со кои ретко кој може да се спореди и влијанието што го имаше на оваа игра во текот на неговата кариера“, заклучува О’Нил.
Спорт
ВАДА бара суспензија за Синер
Светската антидопинг агенција (ВАДА) поднесе жалба до Судот за спортска арбитража во Лозана и бара суспензија за Јаник Синер.
Непосредно пред почетокот на УС Опен на крајот на август, беше објавено дека ITIA (International Tennis Integrity Agency) го ослободи Синер, т.е. дека не нашла „нема вина и немарност“ во случајот на два позитивни теста за клостебол во март.
Меѓутоа, ВАДА мисли поинаку и смета дека пресудата не била точна според сегашните правила, како што се наведува во соопштението.
„Ќе побараме суспензија меѓу една и две години. ВАДА не бара поништување на ниту еден резултат“, се вели меѓу другото во соопштението на ВАДА.
Синер, и покрај притисокот од тој допинг скандал, го освои УС Опен, негова втора Грен слем титула, по Австралија Опен исто така оваа година.
Спорт
Солскјер: Не можевме да го пуштиме Роналдо во Сити
Оле Гунар Солскјер призна дека Манчестер Јунајтед направил грешка кога го вратил португалскиот напаѓач Кристијано Роналдо од Јувентус на Олд Трафорд во 2021 година, но откри и дека клубот го направил тоа за да го спречи одличниот стрелец да замине во Манчестер Сити.
Роналдо го отслужи првиот мандат во Јунајтед од 2003 до 2009 година, кога беше продаден на Реал за тогаш рекордна сума од 94 милиони евра. Во втората во првата сезона постигна 24 гола, а потоа во втората по критиките од клубот поради статусот во тимот остана без договор. Прво го менаџира Оле Гунар Солскјер, кој набрзо доби отказ, а по привременото решение на Ралф Рангник, во клубот пристигна и Ерик тен Хаг.
„Тој е еден од најдобрите фудбалери во светот во последните 15 години. Играв со него. Играше за Јунајтед. Тој има историја со овој клуб. Тој го напушта Јувентус и не можеме да му дозволиме да замине во Манчестер Сити. Тој веројатно би постигнал повеќе голови таму, отколку што ќе даде гол денес.
Роналдо за Јунајтед одигра вкупно 346 натпревари со учинок од 145 гола и 64 асистенции. Халанд неодамна го постигна својот 100-ти гол за Сити. Му беа потребни 105 натпревари.