Спорт
„Имав одлична репрезентација и голем проблем, играчите беа Срби“
Хавиер Клементе (73), познат како „малиот Наполеон“ е легендарен баскиски тренер. Тој го предводеше Атлетик Билбао до две сензационални шпански титули и една двојна круна во првата половина на 80-тите години на минатиот век. Шест години беше селектор на Шпанија (1992-98), а ги тренираше и Атлетико Мадрид, Марсеј, Реал Сосиедад, Еспањол…
По повод неодамна објавениот документарец „Шпанија на Клементе“ за интересниот период на репрезентацијата која ја водеше на две светски и едно европско првенство, пред шпанските новинари се потсети на турбулентниот живот кога беше селектор на Србија, од август 2006 година до декември следната година.
Неговиот ангажман таму е историски. Тој беше првиот селектор на независна Србија, откако таа се одвои од Црна Гора, и првиот странски селектор на Србија. Започна одлично, со победа од 3:1 против Чешка, но заврши со дебакл во квалификациите за ЕП 2008.
„Имав одличен тим, но проблемот беше што беше – српски! Србите се добри против силните, а ги презираат послабите. Во квалификациите прво игравме против Португалија и Полска. Никој од нив не не победи. Испуштивме бодови против Казахстан! Но Србите велеа: „Како да играме против нив, тие се многу лоши“ Игравме многу добро, не загубивме од силните репрезентации, ја победивме Финска и загубивме од Белгија, 3:2. Поради мечот со Казахстан бевме елиминирани, тоа се Србите“.
Клементе откри дека кога бил назначен за селектор на Србија, од Билбао до Белград патувал со такси.
„Паднав од велосипед и скршив четири ребра и клучната коска. Ребрата ми ги прободеа белите дробови, не можев да патувам со авион. Затоа поминав 2.500 километри со такси со помош на перницци. Мислам дека чинеше околу 60.000 пезети во тоа време или можеби дури и малку повеќе“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024