Спорт
Инфантино доби нов четири годишен мандат
Џани Инфантино е реизбран за претседател на Меѓународната фудбалска федерација (ФИФА) уште четири години, до 2027 година. На 73. конгрес на ФИФА во Кигали, главниот град на Руанда, Инфантино немаше против кандидат.
Ова е прв официјален реизбор на Инфантино откако го замени суспендираниот претходник Јозеф Блатер на чело на ФИФА во 2016 година.
Тоа значи дека тој може повторно да се кандидира за мандатот од 2027 до 2031 година, според статутот на ФИФА.
Реизборот на Инфантино беше формалност откако ниту еден друг кандидат не се појави, и покрај тоа што првиот човек на светскиот фудбал не ужива популарност меѓу многу земји членки на ФИФА.
Пред се, западноевропските земји се незадоволни од неговото претседателство, а тоа јавно го изразија Германија, Норвешка и Шведска.
„Дозволете ми само да ви кажам благодарам на сите вас. На оние кои ме сакаат, а кои ги има многу, и на малцинството што ме мразат, ве сакам сите вас. Да се биде претседател на ФИФА е голема чест и привилегија, но и голема одговорност. Можете да продолжите да верувате во мојата посветеност“, рече Инфантино.
На Конгресот на ФИФА е потврден новиот формат на Светското првенство кое во 2026 година ќе се игра во САД, Мексико и Канада и на кое ќе учествуваат 48 репрезентации.
Форматот на тоа натпреварување беше претставен на почетокот на неделава, а во него се вклучени 12 групи со по четири екипи.
Тоа значи дека бројот на натпревари на Светското првенство ќе се зголеми од 64 на 104, што ќе донесе дополнителен приход од продажбата на билети и ќе привлече уште повеќе радиодифузери.
Во оваа насока, Инфантино исто така објави дека проектираниот приход на ФИФА до 2026 година е 11 милијарди долари, во споредба со 7,5 милијарди долари во претходниот четиригодишен циклус кој заврши во 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.