Спорт
Инфантино: Европјаните да се извинат за тоа што го правеа 3.000 години, а потоа да делат морални лекции
Претседателот на ФИФА, Џани Инфаантино го обвини Западот за „хипокризија“ околу огромниот број на критики за Катар пред стартот на Светското првенство, по контроверзите околу работниците-имигранти и ЛГБТ и човековите права во арапската земја.
„Слушнавме многу, многу лекции од некои Европјани, од западниот свет. Мислам дека за тоа што ние Европјаните го правевме последните 3.000 гоини треба да се извинуваме во следните 3.000 години пред да почнеме да даваме морални лекции на луѓето. Денеска се чувствувам Катарец. Денеска се чувствувам Африканец, хомосексуалец, мигрант. Секако, не сум ниту Катарец, ниту Арап, ниту хомосексуалец, но знам што значи да се биде дискриминиран, да се биде странец во туѓа земја. Што правите тогаш? Се обидувате да контактирате, да направите пријатели. Не почнувате со обвинувања, тепачки, навреди, туку со комуникација. Тоа треба да го направиме“, вели Инфантино.
Тој исто така им порача на европските земји да бидат како Катар и да ги пуштат мигрантите во нивните земји.
„Ако Европа навистина се грижи за судбината на овие млади луѓе, треба да направат како Катар, да направат легална рамка за тие работници да пристигнат во Европа. Пониски приходи, но надеж за другите. Овие морални лекции во основа се само дволичност“, додава Инфантино.
FIFA President Gianni Infantino at news conference in Doha: “Today I feel Qatari. Today I feel Arab. Today I feel African. Today I feel gay. Today I feel disabled. Today I feel a migrant worker” pic.twitter.com/GozWBXd1Fd
— Dan Roan (@danroan) November 19, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Обрадовиќ се врати во Белград – навивачите му приредија спектакуларен пречек на аеродромот
Бурни три дена се зад црно-белиот табор. Од катастрофата во Атина, поразот од Панатинаикос, преку оставката на Жељко Обрадовиќ, па сè до големото „Не“ од Управниот одбор на Партизан и притисокот врз клубит на социјалните медиуми со едно барање – Жоц да остане тренер на тимот.
Целата драма беше заокружена со голем пречек за најтрофејниот тренер на Стариот континент на аеродромот „Никола Тесла“.
Обрадовиќ, по поразот од Панатинаикос, во вторникот, остана во Атина. Вечерва се врати во Белград. На аеродромот се собраа, толку многу што беше невозможно да се помине низ толпата на платформата за пристигнување. Се пееја песни, а „Гробарите“ побараа Обрадовиќ да остане.
Колку интерес имаше, сведочи фактот дека според податоците на веб-страницата „Flight radar“, летот од Атина беше најгледан на целата планета.
Dešavanja sa beogradskog aerodroma oko 17.45, u iščekivanju Željka Obradovića! #ŽeljkoObradović #KKPartizan #Grobari pic.twitter.com/46IBDqgsrZ
— Mozzart Sport (@MozzartSport) November 27, 2025
Обрадовиќ не одговори на новинарски прашања, па затоа неговиот статус во Партизан сè уште не е целосно познат.
Следниот тренинг на Партизан е закажан за сабота, а клубот не работи на наоѓање замена бидејќи, како што е наведено, се концентрира на задржување на Обрадовиќ.
Foto/ Starsport
Спорт
Фермин ќе паузира две недели
Фудбалерот на Барселона, Фермин Лопез, ќе биде надвор од терените во следните две недели поради повреда на листот, десната нога, објави каталонскиот клуб.
22-годишниот играч од средниот ред, европски и олимписки шампион со Шпанија, се очекува да ги пропушти следните три натпревари на каталонскиот клуб во лигата против Алавес, Атлетико Мадрид и Бетис, а неговото враќање се очекува да биде во натпреварот од Лигата на шампионите против Ајнтрахт на 9 декември.
Откако ги повреди препоните на крајот на септември, тој се врати во тимот како плејмејкер пред сонародникот Дани Олмо. Тој постигна пет гола и четири асистенции во шест натпревари.
По поразот од 3:0 против Челзи во Лигата на шампионите, Барселона, која е втора во шпанското првенство со 31 бод, еден помалку од првопласираниот Реал, игра против Алавес во сабота.
Спорт
КК Партизан едногласно ја одби оставката на Жељко Обрадовиќ
Извршниот и Управниот одбор на кошаркарскиот клуб Партизан одлучија да го поддржат трофејниот тренер, Жељко Обрадовиќ, да ја продолжи својата мисија.
Српските медиуми пишуваат, дека на состанокот, по предлог на претседателот Остоја Мијаиловиќ, оставката на Жељко Обрадовиќ била едногласно одбиена и му била дадена безрезервна поддршка да остане шеф на тренерскиот штаб на црно-белиот тим.
Клупските челници се согласиле дека Обрадовиќ ја има нивната доверба и дека неговата работа не е доведена во прашање.
Со оглед на овој исход од состанокот, јасно е дека во следните часови и денови, црно-белите нема да се занимаваат со преговори со потенцијалниот наследник на најтрофејниот тренер од Евролигата, туку напротив – ќе се обидат на секој начин да ја променат неговата одлука и да го убедат да ја продолжи работата што ја започнал, што би ги израдувало многу фанови.
По состанокот на тоа тело, клубот од Хумска 1 се обрати до јавноста со соопштение на официјалните канали во текст насловен како „Партизан против оставката на Жељко Обрадовиќ“.
Partizan Mozzart Bet protiv ostavke Željka Obradovića!
🔗 https://t.co/uL4O0V3Hpw#KKPartizan pic.twitter.com/Y6Bxdumjp0
— KK Partizan Mozzart Bet (@PartizanBC) November 27, 2025

