Манчестер сити го направи клучниот чекорв во трката за Лигата на шампионите. „Граѓаните“ во претпоследното коло го победија Борнмут со 3:1, се искачија на третото место на табелата со 68 поени, два повеќе од Њукасл, Челзи и Астон Вила и три од Нотоингем Форест.

Последното коло ќе ги реши дилемите кои три клуба, покрај Ливерпул и Арсенал ќе играат во Лигата на шампионите наредната сезона, но се чини дека Сити веќе го обезбеди своето место таму. Ќе им биде потребен еден бод против Фулам за да го потврдат пласманот, бидејќи од сите овие тимови, Сити има далеку најдобра голл разлика.

Против Борнмут, Сити победата ја обезбедија во првиот дел кога постигнаа два гола. Првиот на Мармуш во 14.минута беше спектакуларен. Егиѓќанецот од 25 метри испрати „топрпедо“ кое заврши во десниот горен агол од голот.

Предноста ја зголеми Бернардо Силва во 38.минута, по одличното додавање од Гундоган.

Сити во 67.минута остана со играч помалку, Ковачиќ доби црвен картон, но силите на теренот се израмнија седум минути подцна кога исклучен беше Кук.

Победата на Сити ја потврди Нико Гонзалес во 89.минута, а во 96. Џејмс го постигна почесниот гол за Борнмут.

Играчот од средниот ред на Реал Мадрид, Џуд Белингам, ќе биде подложен на операција на рамото, потврди клубот.

Англичанецот со месеци страда од повреда на рамото, а медицинскиот тим му препорачал да оди на операција и таа одлука е конечна.

Добрата вест е дека Белингам може да се оперира по претстојното Светско првенство за клубови, односно ќе игра некое време со заштита, но лошата вест е дека ќе мора да направи пауза од три месеци по операцијата.

Ова практично значи дека Белингам ќе биде надвор од терените до втората половина на октомври и ќе отсуствува околу два месеци од почетокот на следната сезона.

Очигледно е дека во Мадрид сметаат дека е потребно да се нападне трофејот на Светското клупско првенство, за да се заврши сезоната барем со тој пехар, а покрај тоа, победникот ќе добие парична награда од 150 милиони евра.

Еден од најдобрите шахисти на сите времиња, Норвежанецот Магнус Карлсен, ремизираше во специјална онлајн партија против 143.000 играчи од целиот свет што траеше 46 дена.

Дуелот „Карлсен против светот“ започна на 4. април под покровителство на „chess.com“, а секоја страна имаше 24 часа да помести по една фигура.

И додека светскиот шампион од 2013 до 2023 година играше сам, неговите противници од целиот свет ги одлучуваа своите потези со гласање.

„Од самиот почеток, светот играше многу, многу добар шах. Можеби не избирајќи ги најсигурните опции, туку држејќи се повеќе до нормалниот шах, што не е секогаш најдобрата стратегија, но овој пат се покажа добро“, рече Карлсен.

„Кратко по отворањето, се чувствував малку подобро, но искрено, не ми дадоа шанса после тоа“, додаде тој.

Првата онлајн шаховска партија помеѓу велемајстор и светот се одржа во 1999 година, кога поранешниот светски шампион Гари Каспаров победи повеќе од 50.000 играчи по четири месеци, нарекувајќи ја „најдобрата партија во историјата на шахот“.

Индиецот Ананд го стори истото против речиси 70.000 играчи минатата година.