Баерн Минхен e подготвен за големи промени во текот на летото. Се започна со отказните решенија за извршниот и спортскиот директор, Оливер Кан и Хасан Салихамиџиќ. Тренерот Томас Тухел ќе остане и покрај тоа што медиумите шпекулираа дека и тој ќе се поднесе оставка. Баерн подготвува големи промени и во ростерот.

Прва цел во преодниот рок ќе биде напаѓач од екстра класа. Баерн испрати понуда до Хари Кејн, која англискиот репрезентативец ја одбил со образложение дека не сака да ја напушта Премиер лигата или пак чека повик од Реал Мадрид.

Пред два дена Бенжамин Павар го известил клубот дека нема да го продолжи договорот и побарал трансфер.

Во четвртокот, медиумите објавија дека Баерн на трансфер листата ставил три големи ѕвезди: Садио Мане, Лерој Сане и Серж Гнабри.

Сенегалецот Мане, не ги исполни очекувањата по трансферот од Ливерпул. За играч од негов калибар скромен е учинокот од шест асистенции и 12 гола.

Мане беше вклучен во скандалот со Сане, по поразот од Манчестер сити во Лигата на шампионите. Тогаш Мане го удри соиграчот. Сезонава, Сане, има учинок од 14 гола и 10 асистенции.

Гнабри е ставен на трансфер листата и покрај тоа што лани го продолжи договорот. Тој има најдобра статистика од играчите кои се ставени на трансфер листата. Сезоната ја заврши со 17 гола и 12 асистенции.

Со освојувањето на Лигата на Европа, Севиља во средата стана 26. клуб кој следната сезона ќе игра во елитното натпреварување. Останатите шест ќе бидат познати по летните квалификации.

Во некои лиги сезоната заврши, во други брзо ќе заврши, па познати се екипите кои следната сезона ќе играат во европските купови.

Претквалификациите за пласман во Лигата на шампионите ќе започнат на 27 јуни, последното, плеј-оф коло е на 23 и 24 август, односно 29 и 30 август.

Групната фаза започнува на 19 септември.

Квалификувани тимови

Шпанија: Барселона, Реал Мадрид, Атлетико Мадрид, Реал Сосиедад, Севиља

Италија: Наполи, Лацио, Интер, Милан

Англија: Манчестер Сити, Арсенал, Манчестер Јунајтед, Њукасл

Германија: Баерн Минхен, Борусија Дортмунд, Лајпциг, Унион Берлин

Франција: ПСЖ, Ланс

Португалија: Бенфика, Порто

Холандија: Феенорд

Шкотска: Селтик

Србија: Црвена звезда

Австрија: Салцбург

Украина: Шахтјор Донецк.

Фудбалскиот клуб Олимпик Марсеј потврди дека тренерот Игор Тудор (45) ќе го напушти клубот. Тудор минатото лето од Верона пристигна на „Велодром“.

Сезоната ја заврши на третото место во Лига 1, не успеа да ја мине фазата по групи во Лигата на шампионите, а во Купот на Франција беше елиминиран од второлигашот Анеси, откако претходно сензационално го победи ПСЖ.

Тудор разговарал со челнците на Марсеј, а потоа ги известил играчите дека си заминува.

На официјалниот сајт на Марсеј беше пренесена изјавата на претседателот на клубот Пабло Лонгорија: „Ја прифативме одлуката на Игор. Благодарни сме за добрата работа што ја направи и за покажаната почит. Среќни сме за сезоната што ја минавме заедно”.

Да потсетиме, Тудор неодамна се поврзуваше со Јувентус, каде би можел да го наследи Макс Алегри по тешката сезона за торинскиот клуб, на кој му беа одземени бодовите поради финансиска измама.