Спорт
Интер и Ајакс „излетаа“ од ЛШ, Борусија, Челси и Валенсија со „виза“ (видео)
![](https://makfax.com.mk/wp-content/uploads/2019/12/ELdEaydXUAIzgQo.jpg)
Лигата на шампионите заврши за два тима кои се сметаа за фаворити пред стартот на овогодишното натпреварување, откако минатогодишните полуфиналисти Ајакс и силниот Интер на Антонио Конте загубија дома во клучното шесто коло и ќе мора да се задоволат со Лига Европа.
Интер на „Џузепе Меаца“ ја пречека Барселона без Лео Меси и со „комбиниран“ состав, но на крајот не само што не успеа да победи, туку загуби со 1:2, што заедно со победата од 2:1 на Борусија Дортмунд над Славија Прага значеше дека бундеслигашот оди како второпласиран од групата Ф.
Карлес Перез уште во 23. минута најави дека Каталонците дојдоа по победа во Милано, но голот на Ромелу Лукаку во финишот на полувремето ја врати надежта кај „нераѕурите“. Ансу Фати, тинејџерската сензација во 87. минута им „пресуди“ на Интер.
Ајакс пак, уште понеочекувано, загуби со 0:1 од Валенсија, што заедно со 2:1 победата на Челси над Лил, значи дека „копјаниците“ нема да можат да ја репризираат фантастичната мината сезона кога на патот до полуфиналето ги елиминираа Реал Мадрид и Јувентус.
На крај, во можеби најнеатрактивната група во ЛШ оваа сезона, имаше вистинска драма, откако Мемфис Депај со гол во финишот донесе 2:2 реми на Лион против Лајпциг, со кој го „протна“ својот тим во осминафиналето.
ЛИГА НА ШАМПИОНИ, 6.КОЛО
ГРУПА Ф
Борусија Дортмунд – Славија Прага 2:1
Интер – Барселона 1:2
Табела: 1.Барселона 12, 2.Борусија Дортмунд 10, 3.Интер 8, 4.Славија П. 2
ГРУПА Х
Ајакс – Валенсија 0:1
Челси – Лил 2:1
Табела: 1.Валенсија 11, 2.Челси 11, 3.Ајакс 10, 4.Лил 1
ГРУПА Г
Бенфика – Зенит 3:0
Лион – РБ Лајпциг 2:2
Табела: 1.РБ Лајпциг 11, 2.Лион 8, 3.Зенит 7, 4.Бенфика 7
ИНТЕР – БАРСЕЛОНА
АЈАКС – ВАЛЕНСИЈА
БОРУСИЈА – СЛАВИЈА ПРАГА
ЧЕЛСИ – ЛИЛ
ЛИОН – РБ ЛАЈПЦИГ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва