Контакт

Спорт

Интер му нуди нов договор на Лаутаро Мартинез

Објавено пред

Извршниот директор на Интер, Џузепе Марота изјави дека клубот му нуди продолжување на договорот на аргентинскиот репрезентативец Лаутаро Мартинез.

dobivaj vesti na viber

Мартинез (26) во Интер пристигна во 2018 година од Расинг за околу 25 милиони евра. Тој има договор до 30 јуни 2026 година, а оваа сезона има постигнато 15 гола на 19 натпревари во сите натпреварувања.

„Се обидуваме да го продолжиме договорот со Мартинез на уште пет години. Преговараме со Лаутаро, а добро е што тој го има она големо чувство за припадност кон овој клуб, што во модерниот фудбал навистина не е за потценување“, изјави Марота.

Аргентинскиот напаѓач одигра 257 натпревари за Интер и постигна 117 голови. Со клубот освои пет трофеи.

Мартинез за аргентинската репрезентација настапи на 54 натпревари и постигна 21 гол.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Барселона гостува во Неапол, Арсенал во Порто

Објавено пред

Вечерва во Лигата на шампионите ќе се одиграат два исклучително интересни осминафинални натпревари. Фудбалерите на Наполи ја пречекуваат Барселона на стадионот „Диего Армандо Марадона“, а Порто ќе му биде домаќин на Арсенал.

dobivaj vesti na viber

Наполи е во тешка ситуација, бидејќи нивната форма варира и се само бледа сенка на тимот што лани ја освои титулата во Серија А.

Она што може да им дојде како олеснителна околност е тоа што Барселона е во слична ситуација.

Тимот од југот на Италија моментно е на деветтото место во Серија А, со девет бода помалку од Аталанта, која моментално го држи последното место за Лигата на шампионите.

Наполи ја заврши групната фаза од Лигата на шампионите на второто место зад Реал Мадрид и пред Унион Берлин и Брага.

Тие забележаа два порази од Мадрид, три победи и едно реми, што беше доволно за да се помине во следната фаза.

Во криза е и Барселона. Титулата е уште подалеку со оглед на тоа што заостанува осум бода зад лидерот Реал кој игра одлично во првенството.

Покрај тоа, одлуката на Чави Ернандез да го напушти тимот на крајот на сезоната дополнително ги потресе Каталонците.

Барса не се снајде најдобро ниту во групната фаза, во лесна група едвај дојде до првото место и тоа само поради подобриот меѓусебен скор со Порто, но претрпе по еден пораз од Антверпен и Шахтјор.

Во последните четири години Барселона и Наполи одиграа исто толку натпревари. Првиот од тие натпревари се одигра во осминафиналето на Лигата на шампионите во 2020 година, кога во Неапол беше 1:1, а потоа Барселона победи на домашен терен со 3:1 и помина во четвртфиналето.

Две години подоцна, во плејофот во Лига Европа, прво на „Камп Ноу“ резултатот беше нерешен 1:1, а потоа Барселона победи со 4:2 во Неапол.

Валтер Мацари доби отказ пред два дена, а на негово место пристигна Франческо Калцони, кој нема да може да смета на Пјотр Зелински за овој натпревар.

Поголеми проблеми има Барселона, бидејќи натпреварот ќе го пропуштат Маркос Алонсо, Гави, Алехандро Балде и Феран Торес. Во тимот се приклучија Жоао Феликс и Серхи Роберто, но прашање е колкава улога ќе добијат.

И покрај отсуствата, според експертите, Барселона има блага улога на фаворит.

Во секој случај, се очекува вистински спектакл на два тима чии дресови ги носеше легендарниот Диего Армандо Марадона.

Порто го пречекува максимално мотивираниот Арсенал во осминафиналето од Лигата на шампионите.

Тимот од Португалија има шанса по шести пат во 21 век да се пласира во четвртфиналето на Лигата на шампионите, додека на Арсенал последен пат меѓу најдобрите осум играше во 2010 година.

Тимот од Лондон по пауза од пет години повторно е дел од Лигата на шампионите.

Порто стигна до нокаут фазата како второпласирана екипа зад Барселона.

Арсенал, пак, лесно ја освои групата во која беа ПСВ; Ленси и Севилја.

Порто пред дуелот со Арсенал не блеска во португалскиот шампионат. Им по победа, пораз и реми на последните три натпревари.

Заостануваат и во борбата за титулата, трети се на табелата со седум бода помалку од Бенфика и Спортинг.

Од друга страна, Арсенал е во одлична форма. Во последните пет кола од Премиер лигата забележа пет победи, а забележа и важна победа против Ливерпул (3:1), директен ривал за титулата.

Арсенал и Порто досега се сретнале шест пати во Лигата на шампионите, но последен пат тоа се случи во далечната 2010 година.

Тогаш англискиот тим во осминафиналето го елиминира Порто. Португалците победија со 2:1 на домашен терен, но следеше дебакл во Лондон и пораз од 5:0.

Прикажи повеќе...

Спорт

(Видео) Фудбал на 4.000 метри надморска височина – гостите останаа без здив и примија шест гола

Објавено пред

Синоќа во Боливија се одигра натпревар кој влезе во историјата на Копа либертадорес. Натпреварот од елитното јужноамериканско клупско натпреварување се одигра на 4.090 метри надморска височина, па постигнатиот резултат 6:1 не претставува никакво изненадување.

dobivaj vesti na viber

Во првиот натпревар од второто коло од квалификациите за пласман во Копа либертадорес, боливискиот клуб Олвејз реди (Always Ready) го пречека перуанскиот Спортинг Кристал.

Пред натпреварот сите континентални медиуми изразија загриженост дека јужноамериканската конфедерација (КОНМЕБОЛ) му дозволила на боливискиот клуб да игра натпревари на својот стадион „Вила Ингенио“ во Ел Алто, кој се наоѓа на 4.090 метри надморска височина.

Имено, луѓето можат да имаат отежнато дишење на 2.100 метри надморска височина, а со оглед на тоа дека Олвејз реди игра на двојно поголема висина, јасно беше дека нивните противници немаат исти услови за игра.

Домашните фудббалери се аклиматизирани на недостаток на кислород, па не им е проблем да трчаат 90 минути без никакво оптоварување, а тоа се виде и на овој натпревар.

Резултатот на полувремето беше 1:1, а потоа во вториот дел, Перуанците останаа без сили, веќе не можеа да трчаат во непогодни услови за игра, па примија уште пет гола.

Корисниците на социјалните мрежи беа бесни на КОНМЕБОЛ по натпреварот, а најчест коментар на Твитер беше: „Дали сега ви е јасно зошто натпреварот не требаше да се игра на височина од четири километри?“

Олвејз реди, минатата сезона играа во Копа либертадорес, но домашните натпревари ги играа во Ла Паз, кој е највисоката престолнина на планетата на 3.650 метри надморска височина.

Она што е особено интересно е што гол постигна и Мојсес Паниагуа, кој со 16 години и 188 дена стана вториот најмлад стрелец во историјата на Копа либертадорес.

Прикажи повеќе...

Спорт

Тухел ќе го напушти Баерн на крајот од сезоната

Објавено пред

Томас Тухел по завршувањето на сезоната ќе го напушти кормилото на Баерн Минхен. Информацијата ја објави новинарот на „Скај спорт Германија“, Флоријан Платенберг. Според него Тухел ова го договорил на состанокот со клупските челници.

dobivaj vesti na viber

„По отворената дискусија помеѓу Баерн и Томас Тухел, одлучено е да се разделат на крајот на сезоната. Официјалното соопштение е прашање на минути“, објави Флоријан Плетенберг.

Баерн го тресе голема криза. По поразот од лидерот Баер Леверкузен (3:0) со кој актуелниот шампион ја зголеми разликата во однос на единствениот конкурент за титулата и загубениот прв натпревар, во осминафиналето од Лигата на шампионите кај Лацио (1:0 ), следуваше нов шок. Баерн загуби и од Бохум (3:2) во Бундеслигата за трет пораз во низа. Последен пат тоа му се случило во пролетта 2015 година.

Незапирливиот Леверкузен повторно победи, па Баерн сега заостанува осум бода зад водечкиот тим и речиси е сигурно дека по 11 сезони ќе остане без титулата во Бундеслигата.

Томас Тухел, во март минатата година го презеде Баерн, кога на општо изненадување клубот го отпушти Јулијан Нагелсман. Имаше среќа и ја освои титулата, но оваа сезона работите не одат добро.

Сега се поставува прашањето кој ќе биде новиот тренер на Баерн. И тука ќе се води интересна битка бидејќи за следната сезона нови тренери бараат Ливерпул и Барселона.

Новинари блиски до Баерн пишуваат дека Чаби Алонсо е првиот избор на клубот за наследник на Тухел. По завршувањето на импресивната кариера во Минхен, тој се истакна како тренер во Леверкузен, со кого оваа сезона оди по тројната круна. Уште еден стручњак кој сериозно се споменува е Зинедин Зидан, а според италијанските медиуми во конкуренција се и Жозе Мурињо и Антонио Конте.

Прикажи повеќе...

Најново

Македонија1 минута

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски кажа дека состојбата со големата кашлица е под...

Македонија36 минути

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија3 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија4 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет5 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа6 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет6 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион6 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа16 часа

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија17 часа

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија18 часа

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ20 часа

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија22 часа

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија22 часа

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија23 часа

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...

Македонија1 ден

Ахмети нема да прифати да биде претседател на држава, не му е приоритет да се натпреварува за било која функција, вели Џафери

Ахмети има мисија а не е претендент за функција, истакна техничкиот премиер Талат Џафери одговарајќи на новинарско прашање за можноста,...

Македонија1 ден

Убиен млад Македонец во Германија: го претепале до смрт со пивско шише

32-годишен маж од Македонија е убиен во германскиот град Есен, а како што пренесуваат локалните медиуми, младиот Македонец бил претепан...

Свет1 ден

Ким Џонг-ун доби подарок автомобил од Путин

Севернокорејскиот лидер Ким Џонг-ун доби подарок автомобил од рускиот претседател Владимир Путин „за лична употреба“, објавија државните медиуми, што претставува...

Македонија1 ден

Власта во заминување во очај и паника дава 46 милиони евра на омилената фирма „Марковски“, ЈО веднаш да отвори истрага, велат од ВМРО-ДПМНЕ

„46 милиони евра одат во џебот на фирмата ‘Марковски’ за ископ на јаглен во РЕК ‘Битола’, која важи за блиска...

Свет1 ден

Зона на смртта на југот од Појасот Газа: СЗО објави видео по влегувањето во болницата во која изврши рација израелската армија

Светската здравствена организација (СЗО) објави снимка од болницата „Насер“ во градот Кан Јунис во јужниот дел на Појасот Газа, во...