Спорт
Интер не ги планирал парите од осмина-финалето на ЛШ за разлика од Барса
Победата од 4:0 на Интер над Викторија Плзењ ги направи работите јасни во групата Ц во Лигата на шампионите – „неаѕурите“ заедно со Баерн Минхен влегуваат во нокаут-фазата, а Барселона втора сезона по ред е осудена на настап во Лига Европа.
Покрај спортските аспекти на овој резултат, влијанието на финансиите на Интер и на Барселона не може да бидат потценети. Директорот на Интер, Бепе Марота, пред клучниот меч на „Сан Сиро“ призна дека во пресметките на буџетот на клубот воопшто не се земени предвид можните средства за пласман во осмина-финалето, особено бидејќи беа во тешка група со Барселона и Баерн велејќи дека се сметало на третото место и на парите од Лига Европа.
„Да, тоа е вистина. Не знам што предвидуваа во Барселона, но процената на нашиот буџет беше скромен. Секако, целта беше да се помине групата и вечерва ќе биде круна на квалификување во екстремно тешка група“, изјави Марота.
За Барса, ова е тежок удар за плановите на претседателот на клубот, Жоан Лапорта, кој во текот на летото и покрај критичната ситуација во финансиите на клубот, потроши речиси 200 милиони евра на засилуваа (Левандовски, Рафиња, Кунде…) активирајќи повеќе кризни мерки, како продажба на ТВ-правата и комерцијални права во иднина. Шпанските медиуми тврдат дека во пресметката за финансиската стабилност на Блауграна, дефинитивно, биле пресметани десетиците милиони евра бонус, кои би ги добиле со пласман во нокаут-фазата на елитното европско натпреварување.
Како ова ќе се одрази на иднината на каталонскиот клуб останува да се види со процена дека ќе мора да продадат некој играч веќе во јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал лесно со ПСЖ, Борусија го понижи Селтик, Звезда го честеше Интер, Милан падна во Леверкузен
Лесни победи на фаворитите во вечерашните седум натпревари од второто коло во Лигата на шампионите. Во дерби натпреварите Арсенал го порази ПСЖ со 2:0, а Милан падна во Леверкузен 1:0. Вечерашните натпревари ја обележа победата на Борусија Дортмунд над Селтик (7:1) и хет-трикот на Карем Адејеми постигнат во првото полувреме.
Манчестер сити лесно се справи со Слован во Братислава, запиша победа од 4:0, со ист резултат Интер ја победи Црвена звезда. Спектакуларен гол постигна Чалханоглу од слободен удар, а во второто полувреме играчите на српскиот шампион ги честеа противниците со три гола.
Барселона славеше во дуелот со Јанг Бојс со 5:0.
Победник единствено немаше во Ајндховен каде ПСВ и Спортинг Лисабон одиграа 1:1.
Резултати:
Салцбург – Брест 0:4 (0:1)
Сима 24, 70; Камара 66, Переира 75
Штутгарт – Спарта Прага 1:1 (1:1)
Мило 7 — Каиринен 32
Арсенал – ПСЖ 2:0 (2:0)
Хаверц 20, Сака 35
Барселона – Јанг Бојс 5:0 (3:0)
Левандовски 8, 51; Рафиња 34, Мартинез 37, Камара 81г
Леверкузен – Милан 1:0 (0:0)
Бонифејсј 51
Дортмунд – Селтик 7:1 (5:1)
Џан 7п, Адејеми 11, 29, 42; Гираси 40p, 64; Нмека 79 — Маеда 9
Интер – Црвена Звезда 4:0 (1:0)
Чалханоглу 11, Арнаутовиќ 59, Мартинез 71, Тареми 81п
ПСВ – Спортинг 1:1 (1:0)
Шоутен 15 — Браганка 84
Слован – Манчестер сити 0:4 (0:2)
Гундоган 8, Фоден 15, Халанд 58, Мекати 74
Спорт
Реал ќе го отпушти Канаѓанецот Рејтан-Мејс?
Канадскиот кошаркар Ксавиер Рајтан-Мејс би можел да го напушти Реал Мадрид, бидејќи во клубот не се задоволни од него.
Почетокот на сезоната за тимот на Чус Матео не е добар. Реал загуби во финалето на шпанскиот Суперкуп од Уникаха (90:80), а потоа и на стартот од АЦБ лигата од дебитантот Лејмо Коруња (86:85). ).
Рајтан-Мејс не импресионира од неговото доаѓање, постигна само осум поени во три натпревари. На последниот меч нула, против Барселона шест и Уникаха само два со два скока.
Како што наведува „Мундо Депортиво“, податокот дека Рајтан-Мајес неодамна влегол во клинч со некои од играчите на клубот на тренинг покажува дека разделбата е блиску.
Доколку дојде до разделба, Реал ќе има отворено место за доведување ново засилување и тоа ослободува место за играч кој не е од Европа.
Спорт
ФА го поништи црвениот картон на Бруно Фернандеш
Манчестер јунајтед, во неделата, доживеа дебакл на домашен терен од Тотенхе (0:3). Јунајтед целото второ полувреме го одигра со играч помалку. Капитенот Бруно Фернандеш доби директен црвен картон.
Клубот веднаш се жалеше на оваа одлука, а информациите од Англија говорат дека Фудбалската асоцијација (ФА) ја првифатлиа жалбата.
Капитенот на Јунајтед првично требаше да ги пропушти натпреварите против Астон Вила, Брентфорд и Вест Хем, но Ерик Тен Хаг сепак ќе го има на располагање еден од најдобрите играчи во тимот.
Ваквата одлука само донесе повеќе критики на сметката на англиските судии кои постојано се на удар за лоши одлуки и критериуми кои не се исти за сите тимови.