Спорт
Интер нема да го задржи Лукаку

Ромелу Лукаку ги брои последните денови на „Џузепе Меаца“, бидејќи челниците на Интер не се расположени да ја продолжат позајмицата на Белгиецот од Челзи на уште една година.
Лукаку летово беше еуфорично пречекан, но во вториот мандат на Белгиецот е само бледа сенка на фудбалерот кој беше еден од најзаслужните за титулата која Интер ја освои пред две сезони.
Лукаку дојде во Интер оваа сезона како позајмен од Челзи со опција за продолжување на позајмицата на уште една година. Во текот на целата сезона Белгиецот имаше проблеми со повредите. Во Серија А постигна само три гола, што е јасен знак дека Интер ќе го врати во Челси по завршувањето на сезоната.
Италијанските медиуми пишуваат дека челниците на Интер сериозно размислуваат за Роберто Фирмино, чии договор со Ливерпул истекува по завршувањето на сезоната. За Бразилецот е заинтересиран и Јувентус.
Исто така Интер покажува интерес и за маркус Тирам кој исто така по завршувањето на сезоната ќе биде слободен играч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонија ја задржа 67. позиција на ФИФА-листата

Фото/ ffm.mk
Светската фудбалска федерација (ФИФА) ја објави најновата листа, на која Македонија ја задржа позицијата од претходното рангирање. Листата ја предводи Аргентина, пред Шпанија, која на второто место ја мина Франција.
Македонија минатиот месец ги започна квалификациите за пласман на Светсктоо првенство. Забележа победа над Лихтенштајн и ремизираше со Велс. На најновата листа Македонија го задржа 67.место.
Од конкуренте во групата Ј за пласман на Светското првенство најдобро рангирана е Белија, на осмото место. Следуваат Велс (29), Казахстан (113) и Лихтенштајн (2025).
Спорт
(Видео) Галатасарај го „испратија“ Мурињо во лудница

Тренерот на Фенербахче, Жозе Мурињо е во центарот на вниманието по дербито против Галатасарај.
Мурињо го загуби четвртфиналниот меч од Купот (2:1), но и нервите, па во метежот што се случи по завршувањето на натпреварот му пријде на колегата Окан Бурук и го фати за нос, по што тренерот на Галатасарај се струполи на тревата.
На официјалниот профил на Галатасарај е објавено анимирано видео во кое главниот лик е португалскиот стручњак.
Мурињо прво одржува конференција за медиумите, ги споменува ривалите и картоните, аа потоа и противничките играчи.
Се завршува со сцена во која Мурињо се буди во психијатриска болница, завиткан во лудачка кошула.
Да потсетиме, Мурињо од минатото лето е тренер на Фенербахче.
Galatasaray delirtir. pic.twitter.com/8EzHuxgq4e
— Galatasaray SK (@GalatasaraySK) April 2, 2025
Спорт
Лосон шокиран од одлуката на Ред Бул

Возачот од Нов Зеланд, Лиам Лосон изјави дека е шокиран од одлуката на Ред Бул да го испрати во сестринскиот, Расинг Булс, и да го замени со Јапонецот Јуки Цунода.
Јапонскиот возач ќе биде нов тимски колега на актуелниот холандски шампион Макс Ферстапен во Ред Бул.
Лосон ќе вози со Исак Хаџар од Франција во тимот на Рејсинг Булс. Лосон пред почетокот на сезоната го замени Мексиканецот Серхио Перез во тимот на Ред Бул.
„Дефинитивно е шок, искрено. Не го очекував тоа. Мислам дека разговорите што ги водевме не одеа во таа насока, па дефинитивно е нешто што не го очекував“, изјави Лосон.
Лосон не ја заврши трката за ГН на Австралија, додека заврши на 12-тото место на Големата награда на Кина.
„Посакувам да имав повеќе време. Мислам дека со повеќе време, особено на патеките на кои не сум бил… тоа беше тежок почеток. Имавме тешки тестови, тежок прв викенд во Мелбурн, а потоа Кина и спринт. Мислам дека на местата каде што сум бил, со автомобил кој е прилично незгоден, би се покажал, штета што не ја добив таа шанса. Но очигледно ова не беше моја одлука, сега треба да го извлечам најдоброто од сезоната“.
Следната трка во Ф1 шампионатот ќе се вози на 6 април на Големата награда на Јапонија во Сузука.