Спорт
Интер остана без триумф во Монца во 93.минута
Фудбалерите на Интер во 17.коло го забележаа првиот нерешен резултат во Серија А оваа сезона. Монца освои еден бод во 93.минута против фаворитот. Кладриола го постигна голот за 2:2.
Гостите од Милано беа под притисок и императив за победа поради желбата да останат во траката за титулата. Почнаа добро, во 10. минута Матео Дармијан погоди по центаршутот на Бастони.
Интер беше во водство само една минута, на 1:1 израмни Патрик Сиурија.
Предноста на Интер му ја врати во 22. минута Лаутаро Мартинез. Аргентинецот ја искористи големата грешка на еден од дефанзивците на Монца.
Интер не успеа да ја обезбеди победата во второто полувреме, а шанси имаше. Најсериозната ја пропушти Лаутаро Мартинез, неговиот удар во 84.минута заврши во стативата.
На карјот Монца знаеше да ги казни тие промашувања. Во 93. минута Калдриола ја смести топката зад грбот на Онана за конечни 2:2.
Интер остана без важна победа. Наполи е лидер со 41 бод и натпревар помалку, Јувентус втор со 37 бода по денешната тешка победа од 1:0 над Удинезе. Тоа беше осма последователна победа на Старата дама и осма последователна без примен гол. Милан има 36 поени и натпревар помалку, а Интер 34 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.