Спорт
Интер распродава бодови, пресврт кај Верона, па загубени 2 бода во финишот
Калчолигашот Интер повторно има многу мака да стигна до бодови во Серија А. Водеше со 2-1 се до 86 минута во „градот на љубовта“, против Верона, но на крај мораше да се задоволи само со бод, мечот заврши 2-2.
Студен туш за „нероазурите“ уште незагреани. Во втората минута, Данко Лазовиќ се проби по левата страна, го издрибла Шкрињар и биеше од мртов агол крај немоќниот Хандановиќ.
До крајот на полувремето двете екипи имаа по неколку прецизни удари, но мрежите мируваа.
На полувремето Конте имал што да им каже на своите играчи, па веднаш по судискиот свиреж, играчите во „сино-црна“ комбинација тргнаа фуриозно кон голот на Силвестри.
И тоа вроди со плод. По една мешаница, во 49 минута, во шеснаесетникот на Верона, најпрво Лукаку биеше во стативата, па Кандрева ја смести топката во мрежата.
Само 6 минути подоцна, Интер прави целосен пресврт, помалку среќно. На една нафрлена топка од десната страна, Димарко интервенираше неспретно и топката ја сврте зад грбот на својот голман за 1-2 на семафорот.
По водството, Интер „нагази“ на топката, ги неутрализираше сите напади и кога се чинеше дека бодовите ќе патуваат за Милано, Велосо со шут од срцето на казнениот простор во 86 минута погоди за 2-2
Сега Интер е дури четврти на табелата, на -10 од лидерот Јувентус, на -3 од второпласираниот Лацио и на -1 зад третопласираната Аталанта
Верона, пак, останува на деветтата позиција, без поголеми шанси да се вмеша во борбата за излез во фудбалска Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – шестмина првотимци повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.