Американската пливачка Кејти Даглас постави светски рекорд на 100 метри слободно во базени од 25 метри со време од 50,19 секунди на Светскиот куп во Вестмонт, додека Австралијката Кејли Мекеон го собори светскиот рекорд на 200 метри грбно.

Даглас, олимписка шампионка на 200 метри градно на Олимписките игри во Париз, го освои финалето на 100 метри слободно со време од 50,19 секунди, соборувајќи го претходниот рекорд од 50,25 секунди поставен од Австралијката Кејт Кемпбел во Аделаида во 2017 година.

Второто место го освои Австралијката Моли О’Калахан (51,44), која еден ден претходно на истото натпреварување исплива нов светски рекорд на 200 метри со време од 1:49,77.

Мекеон, која ги освои титулите во дисциплините на 100 и 200 метри грбно на Олимписките игри во Париз и Токио, победи во дисциплината 200 метри грбно со време од 1:57,87, поставувајќи нов светски рекорд.

Претходниот рекорд го држеше Американката Реган Смит (1:58,04), која го освои второто место со време од 1:57,91.

Нереално дека вакви работи сè уште се случуваат во 21 век, но оваа трагедија ја шокира цела Италија.

Возачот на автобусот што ги превезуваше навивачите на Пистоја по натпреварот против кошаркарскиот клуб Себастијани од Риети (втора лига на Италија) почина откако домашните навивачи од Риети решија да го каменуваат автобусот.

Според достапните информации што ги објави „Кориере дело Спорт“, каменот удрил во шофершајбната точно таму каде што седел вториот возач, до главниот возач. Екипи на брза помош, полиција и карабинери реагирале на местото на нападот.

Фотографиите на социјалните мрежи покажуваат скршено шофершајбна од десната страна, додека страната на возачот останала напукната, но без целосно оштетување.

Напнатата атмосфера меѓу навивачите била тензична за време на натпреварот, особено на паузата помеѓу втората и третата четвртина, кога интервенирала и полицијата.

По натпреварот, автобусот со навивачите на Пистоја ја напушти салата под полициска придружба до исклучувањето од патот. Недолго потоа, на свиокот за Контиљоне, се случи напад при што разни предмети биле фрлени конавтобусот. Напаѓачите се во бегство, а потрагата е во тек.

„Со големо разочарување ја примивме веста за смртта на еден од двајцата возачи на автобусот што ги превезуваше нашите навивачи од Риети. Нашиот клуб е во шок поради околностите што доведоа до оваа трагедија. Претседателот Џозеф Давид и целиот клуб изразуваат сочувство до семејството на жртвата и ја делат болката со неговите најблиски.“

Градоначалникот на Пистоја, Алесандро Томази, им се обрати на граѓаните преку „Фејсбук“:

„Криминален чин што нè остава без зборови – нападот на навивачите на Пистоја со остриги врз автобусот по натпреварот против Риети. Ние сме со семејството на возачот што загина и сме во контакт со сите луѓе од Пистоја кои беа во автобусот, како и со властите кои ја спроведуваат истрагата.“

Градоначалникот на Риети, Данијеле Синибалди, за агенцијата AНСA изјави:

„Ова е шокантен и гнасен криминален чин. Се надеваме дека околностите ќе бидат брзо разјаснети и дека правдата ќе биде задоволена. Целата заедница на Риети остро го осудува овој чин, кој нема никаква врска со нашиот град или со спортот. Изразуваме искрено сочувство до семејството на жртвата, клубот и граѓаните на Пистоја.“

Италија е во шок, а истрагата е во тек.

Фудбалерите на Барселона гостуваат кај Реал Мадрид следниот викенд, а Ханси Флик и за овој меч се соочува со персонални проблеми.

Барселона беше десеткувана против Џирона во саботата, и се очекува дека само Рафиња и Феран Торес ќе бидат во составот до „Ел Класико“.

Тие се во последната фаза од закрепнувањето, Флик веројатно нема да ризикува со нив против Олимпијакос во Лигата на шампионите за да бидат 100 отсто подготвени за Реал.

Сепак, голем број играчи сепак ќе го пропуштат гостувањето кај Реал: Џоан Гарсија, Пабло Гави, Дани Олмо, Роберт Левандовски.

Дербито во Мадрид ќе го пропушти и тренерот Флик кој доби црвен картон против Џирона. Шпанските медиуми тврдат дека казната за тренерот ќе биде поголема од еден натпревар, бидејќи непримерно го славеше голот на Араухо во 94-та минута.

Натпреварот Реал Мадрид – Барселона е закажан за недела во 16.15 часот.