Ињаки и Нико Вилијамс „блеснаа“ за Атлетик Билбао да стигне до убедлива 4:0 победа над Алмерија за петта победа во првите седум кола на Ла лига и искачување на третото место на табелата зад Реал Мадрид и Барселона.

Ињаки Вилијамс, кој го продолжи рекордот по бројот на последователни настапи во еден шпански тим, го отвори резултатот во 10. минута по асистенција на неговиот помлад брат Нико. Оихан Сансет само 17. минути подоцна зголеми на 2:0, за откако во 50. минута му беше поништен втор гол на Ињаки, тој да му асистира на неговиот брат Нико во 62. минута за 3:0. Конечните 4:0 ги постави Микел Весга со гол од пенал во 84. минута.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-42409”));

Олимпик Марсеј на Игор Тудор (барем привремено) се искачија на првото место на табелата во француската Лига 1 по убедливата 0:3 победа на гости кај Анжер, нивна седма победа во првите девет кола во новата сезона.

Жонатан Клаус ги донесе гостите во водство во 35. минута, за потоа во второто полувреме да го комплетира одличниот меч со две асистенции, прво до (Колумбиецот) Луис Суарез во 50. минута, а девет минути подоцна и до Жерсон.

ОМ сега имаат 23 поени на врвот на табелата, еден поен пред Пари Сен-Жермен, кои утре ја пречекувааат Ница.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4-42273”));

Баерн Минхен, предводен од фантастичниот Џамал Мусијала, стигна до 4:0 победа над Баер Леверкузен во првиот меч од осмото коло на Бундеслигата, за да се прекине лошата серија од четири меча без победа во германскиот шампионат за Баварците.

Несомнено, прва ѕвезда на мечот беше 19-годишниот Мусијала, кој во првото полувреме имаше еден гол и две асистенции за да го реши победникот на мечот. Тој веќе во третата минута му асистираше на Лирој Сане за водство на Баварците, кои играа во својот традиционален дрес за Октоберфест, за о 17. минута и самиот да се запише во листата на стрелците. Доминацијата на тимот на Јулијан Нагелсман беше потврдена во 39. минута, кога Мусијала му асистираше на Садио Мане за 3:0. Капитенот Томас Милер во 83. минута ги постави конечните 4:0 по катастрофалната грешка на голманот на „фармацевтите“, Лукаш Храдецки.

Баерн сега се на второто место во Бундеслигата со 15 поени, два помалку од изненадувачкиот лидер Унион Берлин, додека Леверкузен продолжува со катастрофалниот старт на сезоната – се наоѓаат на 16. место на табелата со само пет поени по осум меча.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-42-42268”));