Спорт
Инзаги се заблагодари за добредојдето, призна дека Интер ја „загубиле главата“
Симоне Инзаги признава дека Интер ја „загубиле главата“ на „Олимпико“ по контроверзите при 3:1 поразот од Лацио, велејќи дека не смееле да дозволат противниците да се вратат во игра, но се заблагодари на навивачите на Лацио кои го поздравија со транспарент нивиот поранешен тренер.
Интер беа лути што Фелипе Андерсон го постигна водечкиот гол за 2:1 во моменти додека Федерико Димарко лежеше повреден, што предизвика турканица меѓу фудбалерите, пред на крајот Сергеј Милинковиќ-Савиќ да го реши мечот.
„Тим кој води со 1:0 не треба да прави толку грешки во обид да постигне втор гол. Им дозволивме да се вратат во игра, да дадат чуден втор гол и ги загубивме главите. Такви работи не смеат да се случуваат, бидејќи судијата треба да го сопре мечот. На квалитетен тим како Лацио не им даваш шанса да се вратат во игра“, вели Инзаги.
Вечерта не почна со тензии, откако Инзаги доби топол поздрав пред стартот на мечот од ултрасите на Лацио, и тој ги поздрави на „Курва норд“ трибината, а тие вратија со транспарент во кој потсетија дека Инзаги 22 години како фудбалер и тренер ги носел боите на Лацио.
„Да, тоа беше емотивно. Бев среќен што ги видов моите фанови, им се заблагодарувам. Но, кога почнува мечот, станувам професионалец и давам максимум за мојот тим“, изјави Инзаги.
Simone Inzaghi ? pic.twitter.com/Rz4QRtlLjp
— S.S.Lazio (@OfficialSSLazio) October 16, 2021
"22 anni con i nostri colori non si dimenticano. Grazie Simone".
Omaggio per Simone #Inzaghi sotto la Curva Nord laziale #LazioInter pic.twitter.com/c2JmmDf94X
— Daniele Mari (@marifcinter) October 16, 2021
Лацио го расипаа враќањето на Инзаги за прв пораз на Интер оваа сезона
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.