Спорт
Ирвинг ќе остане во Нетс, нејасна е иднината на Дурент
Бруклин Нетс решија да го задржиат Кајри Ирвинг, додека ситуацијата со Кевин Дурент останува нејасна. Нетс се уште се еден од посилните тимови во НБА и покрај срамот што го доживеаја во плејофот, во 2022 година.
Сагата со двајцата нивни најдобри играчи Кевин Дурент и Кајри Ирвинг трае цело лето и изгледа дека ќе трае уште малку.
Да потсетиме, Кевин Дурент побара трејд по средбата со сопственикот на Нетс, Кајри Ирвинг официјално беше „во излогот“, но според последните информации од Њујорк Нетси го повлекле Кајри и сакаат да го задржат.
„Кајри Ирвинг ја прифати опцијата да ја помине сезоната 2022/23 со Бруклин и ќе заработи 37 милиони долари, а според моите сознанија тој редовно тренираше и беше конкретен учесник на тимските состаноци во текот на летото. Бруклин г информираше заинтересираните клубови дека нема да го трејдуваат Кајри Ирвинг и дека тој сепак ќе остане дел од тимот“, објави новинарот Шамс Чаранија.
Што се однесува до Кевин Дурент, тука работите не се јасни. Тој се согласи да го повлече барањето за трејд, но ги услови Нетс да ги отпуштат тренерот Стив Неш и генералниот менаџер Шон Маркс доколку сакаат тоа да се случи.
Џозеф Цаи, сопственикот на Нетс, изјави дека не сака да го прифати неговото барање и дека сто проценти стои зад Неш и Маркс. Во редот за потписот на Дурент се Бостон Селтикс, Мајами Хит и Торонто Репторс.
„Бостон Селтикс, Торонто Репторс и Мајами Хит се главните фаворити да го доведат Кевин Дурент, бидејќи тие се тимовите кои ги имаат потребните играчи за да го направат трејдот. Сепак, Нетси имаат одредени барања за да бидат подготвени да го испратат некаде двократниот МВП на големот финалето“, вели Чаранија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024