Спорт
Ирвинг сакал да се откаже од НБА и да покрене своја лига
Кошаркарот на бруклин Нетс Кајри Ирвинг имал намера да покрене своја лига која би била независна од НБА лигата.
Ирвинг кој во февруари ја заврши сезоната поради повреда, во последно време е присутен во медиумите на теми кои немаат врска со кошарката.
НБА лигата е суспендирана, а според најавите ќе продолжи на 31 јули во Орландо, во „Дизни Ворлд“. Ирвинг е еден од оние играчи кои не сакаат сезоната да продолжи.
Ирвинг неодамна се огласи со ставот дека поради расизмот и протестите кои веќе две недели се одвиваат низа САД, лигата не би требало да продолжи.
„Против сум одлуката да се оди во Орландо. Тука нешто опасно смрди. Јас сум против системскиот расизам и останатите глупости, подготвен сум да се откажам од се што имам во интерес на општествените реформи“, рекол Ирвинг.
Тој дополнил дека ова негово мислење го делат уште 80 други кошаркари. На он-лајн состанокот тој на кошаркарите од НБА им претставил една своја идеја.
Се шпекулира дека тој им предложил тие да покренат своја лига. Нема информации дали тоа значи дека кошаркарите би го прескокнале натпреварувањето што го подготвува НБА во Орландо.
Од друга страна новинарката Тејлор Рукс тврди дека Ирвинг никогаш не изјавил дека сака да покрене своја лига.
На оваа тема малку познатиот соиграч на Ирвинг од Бруклин Нетс Тио Пинсон рекол дека тоа се лажни вести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.
Спорт
Меси: Ќе се пензионирам кога ќе престанам да уживам во играта
Лионел Меси пред шест месеци ја започна својата авантура во Америка. Аргентинецот откри дека во моментов не размислува за пензија.
Меси одлично ја започна сезоната во МЛС лигата, во првите три натпревари постигна три гола и забележа една асистенција. Сегашната форма покажува дека Меси се уште не е за пензија и дека му претстојат уште неколку години добар фудбал, што и самиот го потврди.
„Мојата возраст нема да биде важна за одлуката да се пензионирам. Ако продолжам да се чувствувам добро на теренот, ќе продолжам да играм“, изјави Меси.
Во Интер од Мајами, Меси е опкружен со пријатели, соиграчи со кои ја делеше соблекувалната во Барселона. Дел од Интер Мајами се и Серхио Бускетс, Луис Суарез и Џорди Алба. Аргентинецот нема да се пензионира се додека неговиот тим имма корист од него.
„Ќе престанам да играм фудбал во моментот кога веќе нема да можам да играм на ова ниво, кога нема да уживам во играта или кога нема да можам да им помогнам на соиграчите на теренот“, изјави аргентинскиот фудбалер.
Покрај за Интер Мајами, Меси во својата кариера настапуваше и за Барселона и ПСЖ.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.