Спорт
Иско е МВП во Конференциската лига, познат и идеалниот тим

Фудбалерот на Бетис, Иско е прогласен за најдобар играч на Конференциската лига оваа сезона, беше објавено на веб-страницата на натпреварувањето.
Иско одигра девет натпревари во лигата оваа сезона, постигна два гола и забележа три асистенции.
Во соопштението за медиумите се истакнува дека 33-годишникот играл во историската сезона на Бетис, водејќи го тимот до нивното прво европско финале, како и дека е повторно повикан во шпанската репрезентација по шест години.
„Тренерот на Челзи, Енцо Мареска, рече за него дека има „квалитет што прави разлика“, додека фудбалерот „сините“, Енцо Фернандез, изјави дека „ги покажал сите свои квалитети што ги покажал во текот на целата своја кариера“, беше објавено на веб-страницата на натпреварувањето.
Во среда, во Вроцлав на „Турчински арена“, Бетис беше поразен од Челзи во финалето на Конференциската лига со 4:1.
Конференциската лига го објави и „Ол стар“ тимот за оваа сезона:
голман: Филип Јоргенсен (Челзи)
одбрана: Јусуф Сабали (Бетис), Тосин Адарабиојо (Челзи), Натан (Бетис), Робин Госенс (Фиорентина)
ред за врска: Свит Сеслар (Целје), Иско (Бетис), Енцо Фернандез (Челзи)
напад: Кол Палмер (Челзи), Афимику Пулулу (Јагиелонија- Токмак Нгуен (Ѓургарден).
👕✨ The UEFA Technical Observer Group has selected its 2024/25 UEFA Conference League Team of the Season…#UECL pic.twitter.com/XnZGaAlahv
— UEFA Conference League (@Conf_League) May 29, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.