Фудбалскиот клуб Ливерпул по завршувањето на сезоната 2025/2026 ќе го смени спонзорот. Ливерпул нема да го продолжи договорот со компанијата за спортска опрема „Најки“.

Според актуелниот договор со „Најки“, Ливерпул добива фиксна сума од 30.000.000 фунти по сезона, плус 20 отсто провизија од нето продажбата на клупската стока, со што вкупниот износ е над 60.000.000 фунти годишно.

Американската компанија ќе му исплати на клубот 2.500.000 фунти доколку ја освои титулата во Премиер лигата, односно 4.000.000 фунти доколку Ливерпул ја освои Лигата на шампиони. Само пласманот во финалето во Лигата на шампионите ќе слее во клупската каса 2.500.000 фунти.

Следен спонзор на Ливерпул ќе биде „Адидас“. Се шпекулира дека идниот договор со германската компанија ќе биде значително поголем, иако конечната сума ќе зависи од резултатите на теренот и глобалната продажба на дресови.

Ливерпул претходно беше под договор со „Адидас“ од 1985 до 1996 година и од 2006 до 2012 година.

Марио Лопез, поранешен тренер на шпанската женска кошаркарска репрезентација, е осуден на 13 ипол години затвор поради злоупотреба на малолетно девојче.

Како што е наведено во пресудата, Лопез, кој сега има 57 години, силувал девојка 18 години помлада од него во 1998 година, кога имал 31 година, во период од три ипол години.

Според шпанските медиуми, злоупотребата се случила во текот на околу 50 состаноци на кои тој ја малтретирал на различни начини, користејќи ја својата позиција како тренер, како и разликата во години, за да ја манипулира и заплаши.

Покрај затворската казна, на несреќната (сега 38-годишна) жена мора да и плати и 80.000 евра.

Лопез. во кариерата, меѓу бројните тимови ги водеше и младинските селекции на Шпанија, со кои освои пет европски и две светски шампионски титули.

Целиот случај излезе во јавноста во 2022 година, кога несреќната жена поднесе пријава за злоупотреба. Во тоа време Лопез работеше како тренер во школата Аљенде Салазар.

Барселона и Атлетико Мадрид одиграа 4:4 на „Монжуик“ во првиот натпревар од полуфиналето на Копа дел Реј.

Тимовите приредија вистински спектакл. Атлетико водеше 0:2, Барселона направи целосен пресврт за 4.2, на крајот мечот заврши без победник.

Тренерот на Барселона, Ханси Флик проговори за натпреварот во кој неговите играчи пропуштија голема шанса да остварат предност пред реванѓот во Мадрид.

„Горд сум на овој натпревар, но морам да разговарам со играчите за головите што ги примивме. Ние сме млад тим, а тоа се виде денеска. Можеме да се подобриме, и тоа ќе направиме“, рече Флик.

„Игравме многу добро 75 минути, а сега имаме одлична можност да покажеме дека можеме да победиме на Метрополитано“. Ќе дадеме се од себе. Денеска покажавме дека не се предаваме и кога ќе примиме два гола на самиот почеток од натпреварот“, изјави германскиот стручњак.

Реваншот се игра на 2 април на „Метрополитано“ во Мадрид, а интересно е што двата тима ќе се сретнат претходно во првенството, во 28.коло, на 16.март исто така во Мадрид.

Во второто полуфинале на Купот се среќаваат Реал Мадрид и Реал Сосиедад. Атлетик Билбао ја освои титулата во Купот минатата сезона.

Барса е најуспешниот тим во историјата на Копа дел Реј со 31 трофеј, Атлетик Билбао има 24, а Реал Мадрид 20.