Манчестер јунајтед успеа да слави победа над Вест Хем. Стрелец на единствениот гол беше Маркус Рашфорд, буквално во последните секунди од натпреварот.

„Црвените ѓаволи“, уште еднаш одиграа неинтерес натпревар и покрај тоа што повеќе ја контролираа топката. Упатија само три удари во рамките на голот, а најдобрата шанса ја имаше Фред во 5о.минута, кога неговиот удар го одбрани Алфонс Ареола.

Покрај Манчестер јунајтед, минимална победа запишаа и фудбалерите на Њукасл. „Страчките“ славеа во Лидс со 1:0. Голот со кој Њукасл дојдоа до втората победа во сезоната го постигна Шелви во 75.минута.



Убедливата победа на баер Леверкузен над Аугсбург, гостинскиот триумф на Борусија Дортмунд и втората победа во сезоната за „фенерџијата“, Гројтер Фирт ја обележаа саботната програма во Бундеслигата.

Леверкузен ја држат третта позиција на табелата. „Фармацевтите“ го декласираа Аугсбург со 5:1. Хет-трик на овој меч постигна Дијаби.

Од место во лигата на шампионите не се откажува Унион Берлин. Тимот од престолнината ја продлабочи кризата на Борусија Менхенгладбах. Унион победи 2:1 со двата гола на Крузе.

Дортмунд со 3.2 славеа кај Хофенајм. Халанд, Ројс и Раум (авто-гол), погодија за „Милионерите“. Головите за Хофенхајм ги постигнаа Крамариќ и Рутер.



Резултати: Гројтер Фирт-Мајнц 2.1, Фрајбург-Штутгарт 2:0, Хофенхајм-Дортмунд 2:3, Менхенгладбах-Унион Берлин 1:2, Баер Леверкузен-Аугсбург 5:1.

Црна Гора остана без шанси да се вмеша во борбата за второто место, во Групата 1, на Европското првенство. Во третото коло Холандија ја победи Црна Гора со 34:30.

Црногорците го забележаа првиот пораз по серијата од три победи (Македонија, Словенија, Хрватска), додека Холанѓаните ја забележаа првата победа во главната фаза. Холандија победи и покрај тоа што беше без речиси целиот стручен штаб и двајцата први голмани.

Црногорците подобро го отворија мечот, имаа предност од два или тро гола, но Холанѓаните успеаја да направат пресврт во финишот на првиот дел. Во второто го презедоа водството, кои го зголемуваа благодарение на голманот Ван Лојвен.

Третиот голман на Холандија натпреварот го заврши со 14 интервенции. Најефикасни во редовите на Холандија беа Смитс со девет, односно Стејнс и Фалке со по шест гола. Кај Црна Гора се истакнаа Чепиќ и Вујовиќ со по шест гола.