Еден ден по отворањето на скијачката сезона со велеслалом во женска конкуренција, во истат дисциплина се натпреваруваа и мажите во Зелден.

Марко Одермат доминираше во првата трка од сезоната. Швајцарецот беше прв по првото возење, но со само една стотинка предност пред Шварц, а тоа го потврди и во второто возење. Тој ја оствари победата и првите 100 бода во сезоната ги освои со вкупно време од 1:56,03.

Четирикратниот последователен освојувач на Големиот кристален глобус и четирикратниот последователен победник во вкупниот пласман во велеслалом ја оправда фаворитската улога. .

Второто место му припадна на Австриецот Марк Шварц, кој имаше заостанување од 0,24 стотинки, додека третото место го освои Норвежанецот Атлантист Ли Мекграт (+0,27), кој беше само седми по првото возење.

Поради густата магла, почетокот на вториот старт беше одложен за повеќе од час и половина, но на крајот првата трка во сезоната беше успешно завршена.

Наполи во дербиот на колото во Серија А го победи Интер со 3:1 и се врати на челната позиција на табелата.

Де брујне од пенал го постигна првиот гол, потоа Мектоминеј со спектакуларен удар ја зголеми предноста на Наполитанците кој ја намали од пенал Чалханоглу, а со брилијантна соло акција Ангиса стави точка на натпреварот.

Дербито на „Диего Марадона“ за „Газета дело Спорт“ го анализираше легендарниот тренер, Фабио Капело. Дон Фабио смета дека Наполи изгледал на теренот како Интер „компактен, решителен, беа подобри без Де Брујне“.

„Натпреварот помеѓу Наполи и Интер беше одраз на Серија А, каде што сè се менува толку брзо. Перцепцијата за двата тима исто така се промени. По последниот свиреж, имав впечаток дека работите се свртеа. Наполи изгледаше како Интер што го гледавме до вчера. Компактен и решителен тим.

Интер изгледаше како Наполи во натпреварите против Торино и ПСВ Ајндховен. Неорганизиран, ранлив, тим кој страда од криза на идентитетот. Точно, текот на играта беше под влијание на непостоечки пенал, но тоа не е и не може да биде изговор за „нероаѕурите“.

Тие покажаа гордост со фактот дека Алесандро Бастони ја погоди гредата, а Дензел Дамфрис стативата. Покрај тоа Интер беше непрепознатлив, секоја изгубена топка значеше контранапад за Наполи“, напиша Дон Фабио во коментар за „Газета дело Спорт“.

И покрај фактот дека европскиот вицешампион имаше речиси двојно повеќе шутеви од „Наполитанците“ (15-7) и многу повеќе посед на топката (57 проценти, наспроти 43 на домашниот тим), тимот на Кристијан Киву не изгледаше толку убедливо како во претходните натпревари. Резултатот беше уште еден пораз од директен конкурент за врвот на табелата, по Јувентус.

„Она што ме изненади најмногу беше недостатокот на рамнотежа меѓу линиите. Тоа беше силата која му донесе на Интер седум последователни победи. Можеби победата во Лигата на шампионите против Сен Жилоа му даде премногу самодоверба на тимот, а синоќа ги видов резервите кои одзедоа повеќе отколку што му донесоа на тимот. Премногу ја држеа топката во своите нозе наместо да бараат длабочина.“

Како еден од најважните моменти во натпреварот, Капело ја издвои повредата на Кевин Де Брујне. Белгиецот се повреди во моментот кога го шутна пеналот во 33-та минута. Многумина очекуваа Наполи да потоне по повредата на Белгиецот, но се случи спротивното.

„Тие повторно се пронајдоа, ја видовме енергијата што ги красеше претходната сезона. Успеаја да ги избркаат духовите што ги прогонуваа поради поразите во Торино и Ајндховен. Се вратија на првото место на табелата и тоа во дуел против директен конкурент. Ова е голема победа и за Конте, тој најде начин да го подигне моралот на тимот. Звучи парадоксално но откако излезе Де Брујне, Наполи изгледа подобро, но така беше. Видовме солиден и стабилен тим со убиствените контра-напади што ги имплементираа Замбо Ангиса и Скот Мектоминеј“.

Швајцарскиот мотоциклист Ноа Детвилер е во тешка состојба и го чекаат неколку операции по сериозната несреќа што ја доживеа во излезниот круг пред Големата награда на Малезија во категоријата Мото3.

Овогодинешниот шампион во категоријата Мото3, Хозе Антонио Руеда, кој го предизвика инцидентот во кој двајцата беа повредени, е буден и свесен.

Тимот на Детвилер, „CIP Green Power“, не објави многу детали за состојбата на младиот Швајцарец, освен дека мора да се подложи на операција.

„Ноа е во добри раце и ве молиме сите да ја почитувате неговата приватност. Во овој момент нема да даваме повеќе информации. Ноа е вистински борец и целиот тим е со него“, се вели во соопштението на францускиот тим.

Руеда се здоби со фрактура на раката и се здоби со бројни контузии во хорор несреќата, но добрата вест е дека прегледите во болницата покажале дека нема сериозни повреди на главата и телото.

Инцидентот на патеката „Сепанг“ се случи кога возачите тргнуваа кон стартниот редослед, кога Руеда со голема брзина се судри со Детвилер.

Младиот Швајцарец се движеше бавно на тркачката линија поради проблеми со својот мотор, во тој момент Руеда необјасниво се судри со него.

Двајцата завршија на асвалтот, дирекцијата на трката веднаш истакна црвено знаме. На самата патека на двајцата им беше укажана прва помош, по што беа префрлени во болница.

Поради сериозноста на инцидентот, „Топспорт“, нема да објави видео од моментот кога се случи инцидентот.