Спорт
Италија во шок: Навивачи убија возач на автобус
Нереално дека вакви работи сè уште се случуваат во 21 век, но оваа трагедија ја шокира цела Италија.
Возачот на автобусот што ги превезуваше навивачите на Пистоја по натпреварот против кошаркарскиот клуб Себастијани од Риети (втора лига на Италија) почина откако домашните навивачи од Риети решија да го каменуваат автобусот.
Според достапните информации што ги објави „Кориере дело Спорт“, каменот удрил во шофершајбната точно таму каде што седел вториот возач, до главниот возач. Екипи на брза помош, полиција и карабинери реагирале на местото на нападот.
Фотографиите на социјалните мрежи покажуваат скршено шофершајбна од десната страна, додека страната на возачот останала напукната, но без целосно оштетување.
Напнатата атмосфера меѓу навивачите била тензична за време на натпреварот, особено на паузата помеѓу втората и третата четвртина, кога интервенирала и полицијата.
По натпреварот, автобусот со навивачите на Пистоја ја напушти салата под полициска придружба до исклучувањето од патот. Недолго потоа, на свиокот за Контиљоне, се случи напад при што разни предмети биле фрлени конавтобусот. Напаѓачите се во бегство, а потрагата е во тек.

„Со големо разочарување ја примивме веста за смртта на еден од двајцата возачи на автобусот што ги превезуваше нашите навивачи од Риети. Нашиот клуб е во шок поради околностите што доведоа до оваа трагедија. Претседателот Џозеф Давид и целиот клуб изразуваат сочувство до семејството на жртвата и ја делат болката со неговите најблиски.“
Градоначалникот на Пистоја, Алесандро Томази, им се обрати на граѓаните преку „Фејсбук“:
„Криминален чин што нè остава без зборови – нападот на навивачите на Пистоја со остриги врз автобусот по натпреварот против Риети. Ние сме со семејството на возачот што загина и сме во контакт со сите луѓе од Пистоја кои беа во автобусот, како и со властите кои ја спроведуваат истрагата.“
Градоначалникот на Риети, Данијеле Синибалди, за агенцијата AНСA изјави:
„Ова е шокантен и гнасен криминален чин. Се надеваме дека околностите ќе бидат брзо разјаснети и дека правдата ќе биде задоволена. Целата заедница на Риети остро го осудува овој чин, кој нема никаква врска со нашиот град или со спортот. Изразуваме искрено сочувство до семејството на жртвата, клубот и граѓаните на Пистоја.“
Италија е во шок, а истрагата е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

