Спорт
Италијанците убедливи против Ангола, Паоло ќе го тепаше Џентиле (Видео)

Фаворитите забележаа победи во првите четири натпревари од второто коло кои претпладнево се одиграа на Светското првенство во кошарка.
Италија во Д-групата ја декласира Ангола 92: 61 (25:11, 19:10, 26:21, 22:19). Италијанците во ниту еден момент немаа проблем со најтрофејната африканска репрезентација, а дамка на мечот фрли пресметката помеѓу Алесандро Џентиле и Леонел Паул.
На 16 секунди до крајот на мечот играчот на Ангола се обиде да го удри италијанскиот бек, поради што двајцата беа исклучени.
.@l_biligha throws one down for @ItalBasket ?? and lets out a roar ?!#ITAANG #FIBAWC @SkySport
? https://t.co/U6RPjx3FuZ pic.twitter.com/vQkZpoqZhT
— Basketball World Cup (@FIBAWC) September 2, 2019
Венецуела во рамките на А-групата, против Брегот на Слонова коска, ја запиша првата победа. Венецуела победи 87:71 (26:17, 23:15, 24:24, 14:15).
Аргентина имаше одредени проблеми со Нигерија, особено во првиот дел, но на крајот екипата предводена од Скола (23 поени, 8 скока, Гарино 17 поени и Кампацо 14 поени, 4 скока, 8 асистенции), победи 94:81 (28:17, 16:25, 29:18, 22:20).
Во рамките на Ц-групата првиот триумф го забележа селекцијата на Тунис. Тунижаните славеа над Иран 79:67 (29:19, 15:16, 15:13, 20:19).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Се растура балканската колонија во Фенербахче

Фенербахче по завршувањето на сезоната ќе ја растури балканската колонија во клубот. Како што сега стојат работите во клубот ќе остане само Србинот, Огњен Мимовиќ, кој во јануари дојде од Црвена звезда за 8,7 милиони евра и веднаш беше испратен на позајмица во Зенит.
Турските медиуми, објавија дека клубот нема да им ги продолжи договорите на ветераните Един Џеко и Душан Тадиќ. Засега нема информации дали Фенербахче има намера да го откупи договорот на Филип Костиќ од Јувентус.
Покрај овие тројца клубит ќе го напушти и голманот Доминик Ливаковиќ, кој од почетокот на годината речиси и не брани.
Медиумите кои го следат Фенербахче објавија дека клубот за хрватскиот репрезентативец ќе бара обесштетување од 10 милиони евра. Ливаковиќ кариерата најеверојатно ќе ја продолжи во Премиер лигата.
Спорт
Челси подготвува понуда за Родриго

Челзи, кој е на добар пат да обезбеди пласман во Лигата на шампионите, има амбициозна цел во летниот преоден рок. Планот на клубот е да го довенесе во Лондон, Родриго (24), објавија британските медиуми повикувајќи се на шпански извори.
Тимот од „Стемфорд Бриџ“ е подготвен да му понуди на Реал Мадрид 120 милиони евра за бразилскиот репрезентативец, чиј договор со „кралскиот клуб“ е со важност до јуни 2028 година.
Родриго оваа сезона постигна 13 гола и 10 асистенции во сите натпреварувања, но неговата минутажа се намалува, бидејќи Винисиус и Килијан Мбапе имаат загарантирано место во нападот. Родриго пристигна во Реал во јули 2019 година од Сантос во трансфер вреден 45 милиони евра.
Тренерот на „сините“, Енцо Мареска има визија да создаде напаѓачка тројка што би можела да се натпреварува со најдобрите во Премиер лигата и Лигата на шампионите, составена од Родриго и Кол Палмер на крилните позиции и Николас Џексон како централен напаѓач.
На седум кола пред крајот на Премиер лигата, Челзи е на четвртото место, а петте најдобри екипи следната сезона ќе играат во Лигата на шампионите.
Ливерпул и Арсенал се сигурни на првите две места, додека Нотингем Форест, Челзи, Њукасл, Манчестер сити и Астон Вила се борат за преостанатите три места кои водат во Лигата на шампионите.
Спорт
Пике плачел на судењето: Никој не може да ми го врати угледот

Шпанските медиуми објавија аудио снимка од судењето на познатиот фудбалер Џерар Пике, кој е под истрага за корупција во случајот Суперкуп на Шпанија.
Поранешниот шпански репрезентативец, кој освои се што може да се освои во фудбалската кариера, негираше дека сторил нешто лошо и плачеше на суд бидејќи рече дека не ги разбира обвиненија кои се поднесени против него.
Исто така, Пике изјави дека никој не може да му ја врати репутацијата.
Поранешниот играч на Барселона и Манчестер јунајтед е под истрага за четири милиони евра годишни провизии кои ги добивал преку неговата компанија.
Се истражуваат наводните дела на корупција и перење пари, кои резултираа со преместување на шпанскиот Суперкуп во Саудиска Арабија.
Пике помина два часа во судницата.
„Можам ли да кажам нешто? Многу е фрустрирачки затоа што се занимаваме со овој случај три години. Мислам дека и дадовме непроценлива вредност на Шпанската фудбалска асоцијација и најголемиот договор во историјата на асоцијацијата. Во друга земја би ми кренале споменик“, рече Пике, а потоа со многу поемотивен тон изјави:
„Не можете да замислите каково е чувството кога името ви се појавува во печатот секој ден и така три години. Се ќе заврши што е можно поскоро, но никој нема да ми ја надомести за нарушување на угледот“, додаде Пике.
#ElPeriódico “El audio de Piqué llorando ante la jueza del caso Supercopa“
Piqué: “De verdad creo que hemos aportado un valor incalculable para la Federación Española, el contrato más grande de la historia de la Federación”pic.twitter.com/cJqd65AsHG
— Fútbolgate.com (@futbolgate_ES) April 10, 2025