Претставниците на Топ 20 тенисери и тенисерки доставија јасна листа на барања до организаторите на четирите Грен слем турнири.

Само неколку недели откако Професионалната тениска асоцијација (PTPA) ги тужеше водечките тениски авторитети (ATP, WTA, ITIA и ITF), се случи нов потрес во „белиот спорт“.

PTPA не ги тужеше Гренд Слемовите, но затоа најдобрите тенисери на планетата планираат потенцијално да го сторат тоа и тоа поради парите.

Според информациите на францускиот „Лекип“, 20-те најдобри тенисери испратиле остро барање до Австралија Опен, Ролан Гарос, Вимблдон и Ју-ес опен, бараат порамноправна распределба на парите.

Тие во писмото наведуваат дека лига како НБА дава минимум 50 проценти од приходот во текот на една сезона на играчите, додека во тенисот таа бројка е многу помала. На пример, вкупниот награден фонд на Ролан Гарос лани изнесуваше 53,4 милиони евра, односно само 16% од приходот на тој турнир (338 милиони).

Претходниот притисок на играчите се исплатеше, бидејќи 2022 година забележа значително зголемување на паричните награди, најмногу за победниците на Грен слем турнирите (54%), полуфиналистите (60%) и победниците од првото коло (40%).

Минатата година Ролан Гарос го зголеми наградниот фонд за 7,82 отсто во однос на 2023 година, а победниците во машки и женски сингл добија 2,4 милиони евра.

Кога ќе се соберат сите Грен слем турнири, беа поделени вкупно 254 милиони евра наградни средства, што е повеќе од 231 милион од 2023 година, а тие пари ги собраа над 800 натпреварувачи во сите категории.

Сега се очекува реакцијата на организаторите на Грен слемовите, пред се на Ролан Гарос, кој започнува на крајот на ма. Наградниот фонд Роланд гарос ќе го објави за еден месец.

Фото/ ffm.mk

Светската фудбалска федерација (ФИФА) ја објави најновата листа, на која Македонија ја задржа позицијата од претходното рангирање. Листата ја предводи Аргентина, пред Шпанија, која на второто место ја мина Франција.

Македонија минатиот месец ги започна квалификациите за пласман на Светсктоо првенство. Забележа победа над Лихтенштајн и ремизираше со Велс. На најновата листа Македонија го задржа 67.место.

Од конкуренте во групата Ј за пласман на Светското првенство најдобро рангирана е Белија, на осмото место. Следуваат Велс (29), Казахстан (113) и Лихтенштајн (2025).

Тренерот на Фенербахче, Жозе Мурињо е во центарот на вниманието по дербито против Галатасарај.

Мурињо го загуби четвртфиналниот меч од Купот (2:1), но и нервите, па во метежот што се случи по завршувањето на натпреварот му пријде на колегата Окан Бурук и го фати за нос, по што тренерот на Галатасарај се струполи на тревата.

На официјалниот профил на Галатасарај е објавено анимирано видео во кое главниот лик е португалскиот стручњак.

Мурињо прво одржува конференција за медиумите, ги споменува ривалите и картоните, аа потоа и противничките играчи.

Се завршува со сцена во која Мурињо се буди во психијатриска болница, завиткан во лудачка кошула.

Да потсетиме, Мурињо од минатото лето е тренер на Фенербахче.

Galatasaray delirtir. pic.twitter.com/8EzHuxgq4e

— Galatasaray SK (@GalatasaraySK) April 2, 2025