Спорт
Италијанските судии потврдија дека ВАР-собата немала снимка на која се гледа Кандрева

Италијанската асоцијација на фудбалските судии (АИА) тврди дека судиите во ВАР-собата на мечот Јувентус – Салернитана не можеле да го видат Антонио Кандрева при акцијата во која победничкиот гол на Аркадијуш Милик за 3:2 беше поништен поради офсајд.
Во контроверзниот меч Јуве сметаше дека постигнал победнички гол во нервозниот меч пред голот да биде поништен поради офсајд, иако потоа снимките и фотографиите покажаа дека Антонио Кандрева е поблиску до гол-линијата, што значи дека офсајдд нема.
„Во однос на инцидентот на мечот Јувентус – Салернитана, по крајот на мечот, се објави, прво на интернет, а потоа и преку медиумите. Техничкото тело ги разгледа сите фотографии и снимки што беа достапни за ВАР за мечот и такво видео немаше. Техничкото тело побара компанијата, која дава технолошки услуги за ВАР, дефинитирани како тактички, да даде информации и одговорот беше дека таа камера не им беше достапна на ВАР-судиите и не беше користена. Со ова се надеваме дека го расчистуваме инциентот“, се вели во објавата.
Siete così sicuri che #Candreva tenga in gioco #Bonucci?#JuveSalernitana #VAR #Fuorigioco pic.twitter.com/MsdFDsOE18
— _entony _ (@entony67909647) September 12, 2022
Бура во Италија: Дали ВАР му украде победа на Јувентус против Салернитана?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Падна договор меѓу Арсенал и Ѓекереш

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.
Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.
Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.
Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.
Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.
Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.
Спорт
Пјастри: Нема да зборувам многу, би можел да се најдам во неволја

Трката за Големата награда на Велика Британија во Силверстоун донесе ново намалување на разликата меѓу асовите на Мекларен, Оскар Пјастри и Ландо Норис. А тоа значи и зголемување на тензиите, а дека се оди во тој правец може да се насети и по изјавата на Австралиецот по завршувањето на трката.
Лидерот во генералниот пласман ги имаше сите адути во свои раце – водечка позиција, контрола на трката. Но, една кардинална грешка и казна од 10 секунди практично го чинеше победа, па наместо да се оддалечи од тимскиот колега за уште осум поени и да стигне до разлика од 23 бода, ситуацијата се сврте – Норис ја намали разликата на само осум поени на половина од сезоната.
Самиот Пјастри не е задоволен од казната, смета дека е неправедна. Кога отиде да ја одработи казната и дојде до предавање на позицијата на Норис, побара од тимот да му наложат на Норис да ја врати позицијата и да се тркаат, но Мекларен тоа го одби.
„Нема да зборувам многу, за да не западнам во неволја. Но изгледа дека повеќе не смее да се кочи зад безбедносното возило – изјави Пјастри.
Фото: ЕПА
Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL