Спорт
Итума извршила самоубиство
Одбојкарскиот и спортскиот свет во четвртокот наутро го потресе веста за смртта на 18. годишната Јулија Итума. Одбојкарката на Новара и младата италијанска репрезентативка е пронајдена мртва пред хотелот „Волеј“ во Истанбул. Таа го загубила животот откако паднала од шестиот кат во хотелска соба.
По само неколку часа истрага, турските медиуми несреќата ја прогласија за самоубиство.
Новинарите дознаа дека младата одбојкарка била снимена од хотелските камери во периодот од 22:30 до 23:50 часот како оди по ходникот на шестиот кат, разговара на телефон, а потоа нервозено и видно депресивена седи на подот и плаче. Снимен е и моментот кога Итума влегла во собата од која никогаш не излегла.
Околу 5 часот и 30 минути безживотното тело на Јулија било пронајдено на асфалтот пред хотелот. Веднаш била повикана полиција и брза помош, за лекарите да констатираат смрт, па полицијата започнала истрага.
Цимерката на Итума, Јулија Варела Гомес, не слушнала ништо. Спиела кога полицијата ја разбудила.
Italian-Nigerian volleyball star, Julia Ituma, passes on after f@lling from sixth floor of a hotel in Turkey
— Instablog9ja (@instablog9ja) April 14, 2023
Турската полиција веднаш го одзела мобилниот телефон на Јулија, за да ја види неговата содржина и да ги бара причините за несреќата. Итума не беше активна на социјалните мрежи. Тие велат дека имала само 24 објави на Инстаграм заклучно од 2018 година.
Преку разговор со играчите и членовите на стручниот штаб, полицијата открила и дека Јулија нема момче, а ноќта на нејзината смрт имала долг разговор со пријател.
Новинарите беа шокирани од сликата од белите патики на Јулија на местото на трагедијата. Телото на младата одбојкарка веднаш било испратено во Институтот за судска медицина, за да се утврдат точните причини за смртта.
Медиумите претпоставуваат дека италијанската полиција ќе ја продолжи истрагата, бидејќи се сомнева дека причините за самоубиството на Јулија потекнуваат од нејзината родна земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва