Спорт
Иванишевиќ: Колку е Ноовак „луд“, не би ме изненадило да игра во Лос Анџелес

Новак Ѓоковиќ за прв пат во кариерата го освои златниот медал на Олимписките игри. Најдобриот тенисер на сите времиња во финалето го победи Шпанецот Карлос Алкараз со 7:6, 7:6.
Успехот на 37-годишниот Ѓоковиќ го коментираше неговиот поранешен тренер Горан Иванишевиќ. Ѓоковиќ и Иванишевиќ ја прекинаа соработката на крајот од 2023 година.
„Ако има нешто за што сум среќен, мило ми е што го освои ова. Сè уште сакам да го освои својот 25-ти Грен слем, за да може да се пензионира, иако никогаш нема да се пензионира. Може да најде мотивација. Тоа му недостасува еден Грен слем да биде апсолутен рекордер (да ја престигне Маргарет Корт). Ова ќе го подигне, го освои она што секогаш му недостигаше.
Со ваква игра тој е фаворит на Ју-ес опен. Не го сметам Вимблдон, чудо е што стигна и до финалето, чудо што воопшто играше. Ако биде вака мотивиран тој е фаворит на Ју-ес опен“, изјави Иванишевиќ за српски Спортклуб.
„Да останеа со Алкараз на теренот уште пет часа, исходот ќе беше ист. Новак леташе, лебдеше. Луѓето забораваат дека ова е прв пат да игра во финалето на Олимписките игри. Чувствуваше дека ова е тоа, и дека не смее да го пропушти. Колку „луд“, не би ме изненадило да игра во Лос Анџелес за четири години.
Ќе го гледаме уште долго.. Според мене, тој е еден од најголемите спортисти на сите времиња. Сигурно е меѓу најдобрите пет во историјата, прашање е само кој на кое место ќе го стави“, заклучи Иванишевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челси, тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer