Спорт
„Изјавата на Пикси не е достојна за селектор на репрезентација“

Србија дожевеа дебакл во квалификациите за Светското првенство. Англија победи со 5:0 на „Маракана“ во Белград со головите на Хари Кејн, Нони Мадуеке, Езри Конса, Марк Гуеи и Маркус Рашфорд.
Најостри критики трпи српскиот тренер Драган Стојковиќ Пикси, навивачите го исвиркаа пред почетокот на натпреварот и на полувремето. Пикси изјави дека нема да поднесе оставка, а доколку во Сојузот решат да го отпуштат ќе ја прифати одлуката.
До конечната одлука дали Пикси ќе остане на функцијата или не, јавноста ќе ја критикува работата на селекторот.
„Составот на тимот и тактиката што ја постави беа на многу ниско ниво, тоа не е репрезентативно ниво. Со тоа не може да се пофали во својата богата тренерска кариера што ја имаше во Јапонија и Кина“, изјави аналитичарот Раде Богдановиќ за ТВ Нова и продолжи:
„Резултатот не е изненадувачки. Англичаните се добар тим со сериозен тренер. Германска дисциплина, тоа не е репрезентација предводена од тој несреќен Гарет Саутгејт на Европското првенство. Им недостасуваа три, четири играчи кои вредат огромно богатство.
Начинот на кој загубивме ги фрла фудбалските фанови во еден вид депресија. Како селектор, тој (Пикси) не создаде систем на игра, не избра група играчи кои постојано ќе играат за него.“
Потоа додаде: „Има и луѓе од Шпанија, Марбеља, кои малку се мешаат во неговиот тим и ги туркаат своите играчи. Но, сега нема да ги навредувам, нема да им влегувам во џеб… Загрижен сум за синоќешната изјава, никој не може да ги цитира неговите изјави, дури ни луѓе многу поинтелигентни од мене…
Да ја префрли вината на играчите, да каже дека се бавни, троми, дека не играат, дека немаат минути во своите клубови… Тоа не е културно и е неодговорно од селектор кој претставува една држава.“
Foot/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ал Хилал му нуди богатство на Хари Кејн

Хари Кејн блеска од почетокот на новата сезона. Два пати постигна хет-трик во Бундеслигата, а во првиѕе осум натпревари во сезоната постигна 17 голови.
Неговиот договор со Баерн важи до 2027 година, а со оглед на тоа што има 32 години, никој во Баерн и не помислува на негово заминување.
„Билд“ повикувајќи се на свои извори, тврди нешто друго.
Ал Хилал изразија желба да го доведат Хари Кејн, а во текстот се зборува за неверојатната сума што се подготвени да ја платат за него.
Според овој извор, целиот пакет за три годишниот договор на Кејн би изнесувал 300.000.000 евра.
Патем, ова не е прв пат истиот клуб да го сака Кејн, тие се обидоа да го донесат и во 2023 година, но останаа со празни раце.
Спорт
Тектонски промени во фудбалот – Доаѓа Лига на шампиони 3.0

Идејата за формат на Суперлига во фудбалот е повторно актуелна, и не само тоа, туку е многу блиску до реализација, што значи дека ќе се случат тектонски промени во фудбалот.
Приказната за Суперлигата започна пред неколку години, но не се реализираше. Сепак, ситуацијата сега е сосема поинаква.
Компанијата А22, која беше еден од иницијаторите на идејата за Суперлига, со месеци водела тајни преговори со УЕФА за да формира ново натпреварување, кое би ја заменило постоечката Лига на шампиони, објавува „Мундо Депортиво“.
Натпреварувањето сепак би се викало Лига на шампиони, но на сите нивоа би претрпело големи промени.
Она што веројатно најмногу ги интересира гледачите во Македонија е каде ќе можат да ги следат натпреварите. Според најавите од 2027 година, кога се очекува да биде лансиран новиот форма, А22 и УЕФА планираат сите натпревари да се емитуваат на една глобална ТВ платформа, а во моментов главен кандидат е шпанската компанија „Unify“.
Договорот меѓу УЕФА и телевизиските куќи истекува во 2027 година, што дополнително ја зголемува веројатноста дека гореспоменатиот договор ќе биде имплементиран.
Каков би бил форматот на новата Лига на шампиони?
Имено, таа би задржала 36 екипи и квалификации за натпреварувањето, што е различно во споредба со првичниот план за формирање на Суперлига. Екипите би биле поделени во две групи. Во првата би се натпреварувале првите 18 екипи на УЕФА листата, а во втората екипите од 19 до 36 место.
Осумте најдобри од првата група би оделе директно во осминафиналето, додека екипите од деветтото до 16-тото место од првата група и екипите пласирани од првата до осмата позиција во втората група, би играле меѓусебно плеј оф за пласман во осминафиналето.
Што се однесува до квалификациите, форматот не би требало да се менува.
Спорт
Започна лошо, заврши супериорно – Спринтот во Малезија за Марко Бецеки

Возачот на Априлија, Марко Бецеки, славеше на спринт трката што се возеше во рамките на Големата награда на Индонезија, 18-та рунда од овогодинешното првенство во Мото ГП.
Италијанецот триумфираше на патеката „Мандалика“ по сензационалниот пробив, кој следеше по лошиот старт од пол-позицијата, и го спречи Фермин Алдегер да стане најмладиот победник во спринт.
На финишот, Алдегер заостана157 илјадити делови од секундата, а нему и на Бецеки им се придружи на подиумот возачот на Тракхаус, Раул Фернандес, кој го забележа најдобриот резултат во спринтот.
Новиот шампион Марк Маркез ја заврши трката на седмото место, по казната од долг круг, бидејќи на стартото го истурка Алекс Ринс од патеката. Другиот возач на Дукати, Франческо Бања, беше последен, 14-ти.
Од почетокот на тркачкиот викенд во Индонезија, Бецеки е незапирлив, но на самиот почеток од спринтот направи голема грешка, поради која се најде на осмата позиција. Алдегер водеше, пред Фернандес, Педро Акоста од КТМ Рејсинг, Лука Марини од Хонда и Алекс Маркез од Гресини.
Бецеки го започна веднаш својот пробив, кој кулминираше во последниот круг кога го мина Алдегер и на крајот прв ја мина целта.