Спорт
(Видео) Измислен е нов спорт во кој жените се плескаат по задниците
Романската организација RFX Slap организираше натпревар на кој девојки се плескаа по задникот. RFX Slap е познат по бруталните натпревари со шлаканици, а сега во градот Клуж организираа натпревар на кој се натпреваруваа Роксана Аифитмеи и Лухас Александра Даниела.
Ова натпреварување најмногу ги возбуди мажите, кои почнаа да се појавуваат во коментарите. Еден напиша дека сака да биде судија, а ММА легендата Александар Лунгу учествуваше проверувајќи го црвенилото на задникот на женските борци.
View this post on Instagram
Шлаканиците официјално станаа спорт на почетокот на годината. Станува збор за дисциплина која е релативно популарна веќе десет години, а се стекна со слава во европската перјаница на апсурдноста кога се во прашање боречките вештини, Полска.
Сепак, неодамна во спортот со шлаканице влезе капитал, а шефот на УФЦ, Дејна Вајт, го создаде Power Slap, нова лига во шлаканици, како дел од најголемата светска организација за ММА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евра му предолжи на Погба да оди во Марсеј
Пол Погба (31) ќе може повторно да игра фудбал од март 2025 година. Францускиот играч за врска ќе може да тренира од јануари следната година, откако казната за допинг му беше намалена од четири на 18 месеци.
За потсетување, тој беше суспендиран на крајот од минатата сезона бидејќи тестот на кој беше подложен по натпреварот меѓу Удинезе и Јувентус на 20 август 2023 година покажа дека има вишок тестостерон.
Погба напиша дека „кошмарот конечно заврши“ и најави дека ќе му се враи на фудбалот. Иако неговиот договор со Јувентус е со важност до летото 2026 година, клубот не смета на него и се очекува договорот да биде спогодбено раскинат.
Италијанскиот инсајдер Николо Скира откри дека за Французинот се распрашувале богатите саудиски клубови кои во последните години носат европски ѕвезди, како и клубовите од МЛС.
Поранешниот француски репрезентативец и поранешен соиграч на Погба во Јувентус, Патрис Евра (43) има поинаква идеја. Тој сака да му помогне на својот сонародник, па предлага да оди во Марсеј, моментално третопласираниот клуб во францускиот шампионат.
„99 отсто сум убеден дека нема да го видиме Пол повторно во дресот на Јувентус. Тој мора да сврти нова страница. Ќе го повикам Мехди Бенатија (советник во Марсеј) да контактира со Погба. Вратата е отворена за него“, рече Евра во подкастот на поранешниот фудбалер Жером Ротен.
🗨️ @Evra: "À 99%, je pense qu'on ne reverra pas Paul sous les couleurs de la Juve. Il faut tourner la page. Je vais appeler Mehdi Benatia pour qu'il l'appelle car les portes sont ouvertes"
👀 Un milieu Pogba/Rabiot à l'OM ? pic.twitter.com/pzV12pwb3n
— Rothen s'enflamme (@Rothensenflamme) October 4, 2024
Спорт
„Новак е Роналдо, Федерер е Меси“
Патрик Муратоглу, еден од најпознатите тениски тренери, ги спореди Новак Ѓоковиќ и Роџер Федерер со фудбалските великани, Кристијано Роналдо и Лионел Меси.
Французинот смета дека Федерер е како Меси, природен талент, додека Ѓоковиќ е како Роналдо кој постигна многу со напорна работа.
„Вчера разговарав со пријател и се согласивме дека Федерер е како Меси, а Ѓоковиќ како Роналдо“, вели Муратоглу и додава.
„Зошто? Затоа што Федерер е чист талент и потребно е да го почувствува тоа што го прави. Од друга страна, Ѓоковиќ е супер работник кој внимава на секој можен детал”, вели Муратоглу.
Како и да е, Ѓоковиќ во текот на кариерата го надмина Швајцарецот во речиси сите можни категории.
Новак има четири Грен слем титули повеќе од тенисерот од Базел кој се повлече од тенисот во септември 2022 година.
Ѓоковиќ сезонава е без титула на АТП, има злато од Олимписките игри, а игра и на Мастерсот во Шангај кој го освои четири пати.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.