Спорт

Извинете Ѓоковиќ и Федерер, но рекордите на Надал се поимпресивни

Објавено пред

3 недели

- 9 ноември, 2020

Од

Новак Ѓоковиќ неодамна го израмни рекордот со тоа што шеста година го обезбеди првото место на АТП листата на крајот на календарската година, но сега и неговиот ривал Рафаел Надал ја круниса 2020 со уште еден рекорд кој ја покажува неговата долговечност – рекордни 790 недели во низа во топ 10 на светот.

Една недела откако ја оствари својата 1.000 АТП победа, како четврт тенисер во историјата (по Џими Конорс, Роџер Федерер и Иван Лендл), и неколку месеци откако ја освои 20-тата гренд слем титула израмнувајќи се со Роџер Федерер, Надал повторно е во топ 10 оваа недела, за да ја продолжи низата од април 2005 година. Уште позачудувачки 81 отсто од овој период тој го помина на првото или на второто место на АТП листата. Првиот влез во топ 5 беше на 25 април 2005, еден ден откако ја освои својата прва од 11-те титули од Барселона опен.

Претходниот рекорд го имаше Џими Конорс со 789 недели во топ 10 од 23 август 1973 до 25 септември 1988 година. Роџер Федерер е трет на листата со 734 недели од 14 октомври 2002 до 31 октомври 2016. Во низата од 790 недели на Надал не се бројат 22-те недели оваа година, кога сезоната беше стопирана поради КОВИД-19.

Во неговата блескава кариера, Надал неколку пати беше во аут со повреди, посебно на колената, но самиот вели дека нема посебен рецепт за долговечноста.

„Горд сум на многу работи во кариерата, бидејќи секогаш ја заддржав страста и љубовта кон тенисот. Горд сум на тој успех, на тоа продолжување да се бркаат целите и во исто време да се остане скромен, да се прифати дека некогаш не можеш да очекуваш многу. Секогаш сум имал помош на тие околу мене и без нив ова би било невозможно“, изјави минатата недела Надал.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Нејмар бара нов договор со ПСЖ и веќе работи како „скаут“!

Претходно

Дешам: Пол Погба не може да е среќен во Манчестер јунајтед

Спорт

СМС ја среди короната, на располагање против „милионерите“

Објавено пред

1 час

- 2 декември, 2020

Од

TopSport.mk

Српскиот фудбалер од средниот ред, играчот на римски Лацио, Сергеј Милинковиќ-Савиќ, успешно оздраве од коронавирусот и му се стави на располагање на тренерот Симоне Инзаги за вечерашното гостување на „небесносините“ во Дортмунд кај Борусија во рамките на 5. коло од Лигата на шампионите.

Попупарниот СМС вирусот го „закачи“ додека ги извршуваше репрезентативните обврски поради што пропушти два меча во Серија А, како и дуелот со Зенит во елитното европско натпреварување.

Во групата на Лацио во ЛШ, пред одигрувањето на последното коло, Борусија е прва со 9 бода, Лацио втор со 8, па Клуб Бриж со 4 и Зенит последен со 1 бод.

🔵🔵 – Probable once de la Lazio para el partido de hoy en Champions League contra el Borussia Dortmund.
👉 Strakosha – Patric, Hoedt, Acerbi – Marusic, Milinkovic-Savic, Lucas Leiva, Luis Alberto, Fares – Correa, Immobile. pic.twitter.com/W3wVrVx4in
— Soy Calcio (@SoyCalcio_) December 2, 2020

Прикажи повеќе...

Спорт

Кеирош повеќе не е селектор на Колумбија

Објавено пред

2 часа

- 2 декември, 2020

Од

TopSport.mk

Карлош Кеирош повеќе не е селектор на фудбалската репрезентација на Колумбија. Одлуката на челниците на Фудбалскиот сојуз на Колумбија е очекувана, бидејќи во последните два натпревари, во квалификациите за пласман на СП во Катар, Колумбија доживеа два тешки порази, од Уругвај на домашен терен 3:0 и во Еквадор 6:1.

Португалецот Кеирош, Колумбија ја презеде на 7.февруари минатата година, кога потпиша три годишен договор.

Тренерската кариера, Кеирош, ја започна како помошник на Алекс Фергусон во Манчестер јунајтед. Потоа работел како тренер во реал, Спортинг Лисабон, а бил и селектор на Португалија Обединетите Арапски Емирати и Јужна Африка.

Се уште не е познато кој ќе биде новиот селектор на Колумбија.

Прикажи повеќе...

Спорт

Шкендија ја декласира Македонија ЃП, Вардар падна во Кратово

Објавено пред

3 часа

- 2 декември, 2020

Од

TopSport.mk

Попладнево се одигра 14.коло во фудбалскиот шампионат на Македонија. Домашните екипи забележаа пет победи, честа на гостите ја спаси Ренова со победата кај Академија Пандев.

Она што требаше да биде дерби на колото се претвори во дебакл на Македонија ЃП кај Шкендија. Лидерот на табелата победи со 5:0. Елези, 16-годишникот на Шкендија го постигна првиот гол во 10.минута. До крајот на полувремето погодија и Дориев односно Ибраими. Во финишот на натпреварот, во 86. и 90.минута, победата на Шкендија ја заварија Нафиу и Тотре.

Силекс ја запре серијата на Вардар. Домаќинот, второто полувреме го одигра со играч помалку, бидејќи Карчев доби два жолти каротни во првиот дел. Единствениот гол го постигна Ристов во 51.минута.

Ѓурѓевиќ со гол од пенал во 45.минута им ја донесе победата на Работнички во дуелот со Пелистер.

Еден гол го реши и победникот во Струмица, каде Ренова славеа над Академија Пандев.

Шкупи со 3:1 славеше над последнопласираната Беласица и се искачи на второто место на табелата, додека Борец ја победи Струга со 2.1

Резултати, 14.коло:

Академија Пандев-Ренова 0:1
Работнички-Пелистер 1:0
Шкендија-Македонија ЃП 5:0
Силекс-Вардар 1:0
Шкупи-Беласица 3:1
Борец-Струга 2:1

Табела: 1. Шкендија 30,2. Шкупи 28, 3. Македонија ЃП 26, 4. Борец 22, 5. Силекс 20, 6. Струга 20, 7. Вардар 19, 8. Работнички 17, 9. Ренова 14, 10. Пелистер 12, 11. Академија Пандев 10, 12. Беласица 9.

Фото/.facebook.com/fcshkendija

Прикажи повеќе...