Спорт
„Ја навредив Барселона, а Меси не зборуваше со мене три месеци“
Аргентинскиот фудбалер Леандро Паредес изјави дека откако во една прилика го навредил фудбалскиот клуб Барселона, неговиот сонародник Лионел Меси не сакал да разговара со него цели три месеци.
Меси играше за Барселона 23 години, каде што се прослави, освојувајќи 10 титули во шпанската лига, четири трофеи во Лигата на шампионите и седум трофеи во Копа дел Реј. Постигна 672 гола, со што стана рекордер за каталонскиот клуб.
Тој го напушти клубот во 2021 година и се пресели во Пари Сен Жермен, а две години подоцна потпиша за Интер Мајами.
Додека играл за Пари Сен Жермен, Паредес упатил серија навреди кон Барселона за да ги мотивира своите соиграчи во мечот од Лигата на шампионите во февруари 2021 година, кој францускиот клуб го доби со 4:1. Зборовите на Паредес стигнале до Меси, кој птооа не сакал да разговара со соиграчот од националниот тим.
„Не разговаравме околу три месеци. Се чувствував навистина лошо. Му испратив порака следниот ден, а потоа уште една. Две недели подоцна, му напишав: „Не беше насочено кон тебе, не сакав да те навредам”. Но, тој не одговори. Не одговори во следните три месеци”, изјави Паредес за „Infobae“.
„Поминаа три месеци и си помислив: „Сега треба да видам како ќе реагира“. Но не, феномен, феномен. Истиот ден стигнавме на тренинг кампот на репрезентацијата, јас стигнав малку порано и тој дојде во мојата соба. Ги мијав забите, навистина беше рано, а тој ме поли со вода и ми рече: „Што правиш толку рано?“ “, додаде Паредес.
Меси и Паредес овој месец ќе играат за репрезентацијата на Аргентина во квалификациите за СП 2026 година, на натпреварите против Уругвај и Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Словенците со големи проблеми пред стартот на Европското првенство
Ракометната репрезентација на Словенија, се соочува со големи проблеми пред почетокот на Европското првенство. Ситуацијата е таква што локалните медиуми ја окарактеризираа како „катастрофална“.
Селекторот Урош Зорман се соочи со огромен број повреди, па на списокот на оние кои нема да можат да играат се Алекс Влах, Миха Зарабец, Матиќ Грошељ, Тадеј Кљун, Митја Јанц, Јака Малус, Нејц Цехте и Блаж Благотиншек.
Последен во низата што се повреди и се врати од репрезентативниот камп во Норвешка е голманот Клемен Ферлин.
36-годишниот голман со многу искуство не тренираше во последните неколку дена, па се врати во Словенија за да направи дополнителни тестови.
Остатокот од тимот е во Норвешка, каде што се подготвуваат да го отворат турнирот против Црна Гора во петок, во Осло.
Освен Црна Гора, Словенија ќе игра против Фарските Острови и Швајцарија во Д групата.
Foto/ freerangestock
Спорт
Белингам за Алонсо: Не верувајте во сè што ќе прочитате
Фудбалерот на Реал Мадрид, Џуд Белингам, зазеде силен став против гласините што се појавија веднаш по отпуштањето на Чави Алонсо од тренерската позиција.
„Атлетик“ и „ESPN“ тврдеа дека тој, Винисиус Жуниор и Федерико Валверде не му верувале на својот претходен „учител“.
„Премногу ги споменувам овие работи, секогаш надевајќи се дека вистината ќе излезе на виделина со текот на времето. Но, искрено… Каков метеж. Навистина ми е жал за луѓето што се држат до секој збор што го кажуваат овие кловнови и нивните „извори“. „Не верувајте во сè што читате, од време на време овие луѓе треба да бидат одговорни за ширењето на такви штетни дезинформации за кликови и понатамошни контроверзии“,
напиша Белингам на својата лична мобилна апликација „JB5“.
Foto/ depositphotos
Спорт
Дуан замина од Алпин
Австралискиот возач Џек Дуан, спогодбено се раздели со Алпин, објави францускиот тим.
Дуан го имаше своето деби во Формула 1 на последната трка од сезоната 2024 и ја започна сезоната 2025 како тимски колега на Пјер Гасли.
Сепак, по само шест трки, тој беше заменет од Франко Колапинто и до крајот на сезоната беше резервен возач.
Алпин, соопшти дека Дуан е ослободен за да му се овозможи „да бара други професионални можности“.
Foto/ depositphotos

