Спорт
„Ја навредив Барселона, а Меси не зборуваше со мене три месеци“
Аргентинскиот фудбалер Леандро Паредес изјави дека откако во една прилика го навредил фудбалскиот клуб Барселона, неговиот сонародник Лионел Меси не сакал да разговара со него цели три месеци.
Меси играше за Барселона 23 години, каде што се прослави, освојувајќи 10 титули во шпанската лига, четири трофеи во Лигата на шампионите и седум трофеи во Копа дел Реј. Постигна 672 гола, со што стана рекордер за каталонскиот клуб.
Тој го напушти клубот во 2021 година и се пресели во Пари Сен Жермен, а две години подоцна потпиша за Интер Мајами.
Додека играл за Пари Сен Жермен, Паредес упатил серија навреди кон Барселона за да ги мотивира своите соиграчи во мечот од Лигата на шампионите во февруари 2021 година, кој францускиот клуб го доби со 4:1. Зборовите на Паредес стигнале до Меси, кој птооа не сакал да разговара со соиграчот од националниот тим.
„Не разговаравме околу три месеци. Се чувствував навистина лошо. Му испратив порака следниот ден, а потоа уште една. Две недели подоцна, му напишав: „Не беше насочено кон тебе, не сакав да те навредам”. Но, тој не одговори. Не одговори во следните три месеци”, изјави Паредес за „Infobae“.
„Поминаа три месеци и си помислив: „Сега треба да видам како ќе реагира“. Но не, феномен, феномен. Истиот ден стигнавме на тренинг кампот на репрезентацијата, јас стигнав малку порано и тој дојде во мојата соба. Ги мијав забите, навистина беше рано, а тој ме поли со вода и ми рече: „Што правиш толку рано?“ “, додаде Паредес.
Меси и Паредес овој месец ќе играат за репрезентацијата на Аргентина во квалификациите за СП 2026 година, на натпреварите против Уругвај и Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Жестока казна за Естудијантес за непочитување на шампионот Росарио централ
Аргентинската Фудбалска Асоцијација (АФА) жестоко ги казни играчите и раководството на Естудијантес откако им го свртеа грбот на играчите на Росарио за време на шпалирот за шампионот.
Фудбалерите на Росарио Централ неодамна беа прогласени за шампиони на Аргентина за 2025 година. АФА ги промени правилата по завршувањето на сезоната. Шампионската титула му припаѓа на тимот што освои најмногу бодови во оваа календарска година. Ова значи дека бодовите од Апертура и Клаузура се собираат заедно.
Апертура и Клаузура се два полусезонски турнири. Апертура („отворање“) се игра во втората половина од календарската година (од јули до декември), а Клаузура („затворање“) во првата половина од следната година (од јануари до јуни).
Според критериумите на АФА, Росарио Централ е најдобар со 66 бода, четири повеќе од Бока Јуниорс.
Според сегашните правила, тимот со најмногу бодови обезбеди учество само во Копа Либертадорес следната година. За шампиони беа прогласувани најдобрите во Апертура и Клаузура.
Одлуката на АФА, на овој начин да им ја додели титулата на Росарио Централ, предизвика многу критики во Аргентина.
Фудбалерите на Естудијантес решија да протестираат. Во пресрет на натпреварот против Росарио, тие направија шпалир за шампионите, но откако излегоа од тунелот, им го свртеа грбот.
Со тој потег, тие покажаа дека не се задоволни од одлуката на АФА да го прогласи Росарио за шампион.
Last week, Argentina's FA created a new trophy with no warning, gave it to Rosario Central and made Estudiantes give a guard of honor. The players turned their backs in protest 🇦🇷
The AFA has now banned all 11 players for two games next season. Wild 😳pic.twitter.com/dHore9kFw5
— Men in Blazers (@MenInBlazers) November 27, 2025
Аргентинската фудбалска асоцијација објави строги казни за играчите и клубот. Единаесет играчи кои започнаа на натпреварот против Росарио беа суспендирани на два натпревари. Тие можат да ја отслужат суспензијата во следната сезона.
Претседателот на клубот, Хуан Себастијан Верон, исто така, беше казнет со парична казна. Тој беше суспендиран шест месеци од сите активности поврзани со фудбалот.
Клубот беше казнет со нешто повеќе од 70.000 евра. Капитенот Сантијаго Нуњез не смее да ја носи капитенската лента во следните три месеци.
„Ставот на свртување грб на шампионот испраќа порака за обезвреднување на спортските достигнувања на другите“, објави Дисциплинската комисија, додавајќи дека чинот „не е неморален“.
Спорт
Азербејџан архивиран, кошаркарите се насочија кон Република Ирска
Македонија имаше успешен почеток на претквалификациите за пласман на Евробаскетот 2029 година. Македонија го победи Азербејџан со 87:49.
Убедливиот триумф ќе им ја зголеми самодовербата на кошаркарите, пред гостувањето во Даблин кај Република Ирска.
„Ова беше заслужена победа. Морам да ја пофалам тимската хемија и енергија која постои во овие три дена. Никогаш ниту преценуваме, ниту потценуваме некого. Но мора да ги пофалам играчите дека за краток период функционираа одлично, и тоа што го покажаа на теренот и го покажува и семафорот, е заслужено. Овој дуел со Азербејџан го забораваме и архивираме и останува да се спремиме за она што ни следи – Ирска.
Мора да направиме добар скаутинг и во краткиот период да ги рехабилитираме играчите кои имаат поголема минутажа и се повозрасни. Мора да функционираме со енергија на високо ниво, а без разлика кој е на другата страна, мора да бидеме максимални“.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
„На овој меч играше Омари Мур затоа што има промена во нивниот тим кај натурализираните играчи, па ние решивме да користиме играч на бековската позиција. Секако дека Мур ги оправда очекувањата на стартот, иако дојде веднаш по мечот со Баерн.
Се вклопивме добро, и станува збор за вистински професионалец и позитивна личност. Можеби јавноста очекуваше дека ќе се случуваат атракции и многу поени, сепак, тој донесе стабилност и ја држеше целата екипа со искуството кое го носи со себе. Добро ја постави својата игра и си ја заврши задачата“, рече по натпреварот селекторот Илиевски.
Спорт
Иран ќе ја бојкотира ждрепката за Светското првенство
Иран одлучи да го бојкотира извлекувањето на групите за Светското првенство во фудбал во 2026 година откако САД одбија да им издадат визи на неколку членови на нивната делегација, објави во петокот Иранската фудбалска асоцијација.
Извлекувањето на групите за Светското првенство, кое ќе се одржи во САД, Мексико и Канада следното лето, ќе се одржи на 5 декември во Вашингтон.
„Ја информиравме ФИФА дека донесените одлуки не се поврзани со спортот и дека членовите на иранската делегација нема да учествуваат на извлекувањето на Светското првенство“, објави портпаролот на Иранската фудбалска асоцијација на државната телевизија.
Локалните медиуми јавуваат дека претседателот на Иранската фудбалска асоцијација, Мехди Таџ, како и извршниот директор на националниот тим, Мехди Харати, се меѓу службените лица кои не добиле виза. Иранската новинска агенција Тасним објави во октомври дека Американците одбиле визи за вкупно седум ирански службеници.
Иран се наоѓа во вториот шешир пред ждрепката извлекувањето, заедно со Хрватска,
Мароко, Колумбија, Уругвај, Швајцарија, Јапонија, Сенегал, Јужна Кореја, Еквадор, Австрија и Австралија.
Иранците учествувале шест пати на светските првенства и никогаш не ја поминале групната фаза.
Foto/ EPA

