Спорт
Јамал може да заврши на суд оти на 18. роденден повикал џуџиња да ги забавуваат гостите
Шпанскиот фудбалер Ламин Јамал минатиот викенд го прослави својот 18-ти роденден на Ибица. Ѕвездата на Барселона на прославата ги покани своите соиграчи, бројни познати личности и неколку светски инфлуенсери.
Шпанските медиуми пишуваат дека Јамал им ги одзел мобилните телефони на гостите уште на влезот, па ниту една снимка од внатрешноста на вилата не стигна до јавноста.
Сепак, шпанските новинари пренесоа вест за џуџиња која предизвика вистински скандал. Џамал наводно ангажирал лица со нисок раст за да ги развеселуваат и насмеваат гостите на неговата роденденска прослава.
Шпанското здружение за лица со ахондроплазија и други дисплазији АДЕЕ (ADEE) се огласи со јавна осуда, тврдејќи дека на 18. роденден на Јамал на Ибица биле ангажирани лица со нисок раст за забавни цели.
Медиумите наведуваат дека нивното присуство било исклучиво за забава, што се смета за дискриминаторско.
„Апсолутно е неприфатливо во 21. век лицата со џуџест раст да се користат како атракција на забави“, се наведува во соопштението на Здружението.
Lamine Yamal has been denounced by the ADEE after hiring professional dwarves for his 18th birthday party.
“We will take action via legal and social channels to safeguard the dignity of disabled people. These actions not only violate the law, but the fundamental values of a… pic.twitter.com/OBMEF9QO7Q
— Zach Lowy (@ZachLowy) July 13, 2025
АДЕЕ извести дека поведува правни постапки против организаторите на настанот. Сè уште не е јасно дали Ламин Јамал или домаќините на забавата ќе бидат тужени, но социјалниот притисок расте, а случајот добива меѓународен одек.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вардар е лидер во ПМФЛ, го доби дербито против Шкендија во Тетово
Вардар со победа над Шкендија во Тетово, го заклучи 10-то коло во Првата македонска фудбалска лига. Вардар со минимален резултат го победи актуелниот првак. Ова е прва победа на Вардар над Шкендија по цели осоум години, односно по 21 натпревар.
Клучниот момент на натпреваро се случи во 49-та минута кога Алхасан играше со рака пред својот гол, а Давид Бабунски го реализираше пеналот.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6yo0v8″,”div”:”rumble_v6yo0v8″});
Шкендија изедначи во 88-та минута, но ВАР го поништи голот. Стрелецот Ибраими беше во офсајд.
По 10 рунди Вардар е лидер на табелата со 24 бода и единствен е без пораз во првенството. Зад Вардар се Струга со 23, односно Силекс и Шкендија со по 21 бод.
Спорт
Винисиус ќе биде казнет, веројатно и продаден
Непримерното однесување на Винисиус Жуниор, во 72-та минута кога му беше јасно дека ќе биде заменет со Родриго, ја засени блескавата победа на Реал (2:1) во првото „Ел Класико“ оваа сезона.
Шпанските медиуми, многу внимание му посветија на Бразилецот, ги посочуваат неговите поранешни испади во кои се истакнуваат негови изговорени зборови. Пишуваат дека Винисиус, покажува збор за непочитување кон тимот, грбот, дресот, тренерот, соиграчите кои играа, соиграчот на клупата, соиграчот кој влегува по него, навивачите на трибините…
Без разлика дали одлуката на Чаби Алонсо да го извади Винисиус од игра порано од очекуваното беше правилна, јасно е дека неговото однесување не смее да биде пример.
Што сега?
Управата е разочарана, договорот што го има сега трае до 2027 година, а планот на Винисиус е да почека бидејќи по ваквите постапки е сè помалку веројатно дека ќе потпише нов договор.
Наместо нов договор, клубот сега размислува за казна за Вини, тој ќе биде санкциониран за неговото однесување и единственото прашање е на кој начин…
Исто така сега како реална опција се наметнува продажбата. Во 2026 година кога ќе заврши сезоната, Винисиус би можел да го напушти Реал.
Спорт
Јувентус бара тренер, а има двајца под договор до 2027 година
Фудбалскиот клуб Јувентус, по серијата лоши резултати, му врачи отказ на тренерот Игор Тудор. „Старата дама“, нема победа на последните осум натпревари во сите натпреварувања, а на последните четири не постигна гол.
Бизарно е што Јувентус бара тренер, а има двајца на платениот список.
На Тијаго Мота, кој седи, ужива и прима плата од март оваа година, му се придружи неговиот наследник Игор Тудор.
Двајцата имаат важечки договори со „бјанконерите“ до 2027 година и би можеле, доколку одлучат да не тренираат никого додека се под договор со Јувентус, да заработат вкупно 25 милиони евра во меѓувреме.
Италијанскиот фудбалски инсајдер Николо Скира објави дека Лучијано Спалети и Роберто Манчини се заинтересирани за клупата на „Старите дами“, но дека кој било од двајцата ќе претставува голем предизвик за сопствениците на клубот.
И Спалети и Манчини се сметаат за тренери кои инсистираат на основни долгорочни договори, двајцата чинат многу пари, а преговорите вклучуваат задолжителни засилувања, па прашањето е дали Јувентус, може тоа финансиски да го издржи.
Поради сè, некој со помал углед и цена во Италија, како Рафаеле Паладино, би можел да добие шанса. Тој наводно би бил опција до крајот на сезоната, а потоа би подготвиле место во Торино за доаѓањето на Дидие Дешан, кој веќе објави дека се повлекува од функцијата селектор на Франција по Светското првенство во Мексико, САД и Канада.
Скира и други истакнати италијански новинари го споменуваат и Лоран Блан како можно решение.

