Спорт
Јамал може да заврши на суд оти на 18. роденден повикал џуџиња да ги забавуваат гостите

Шпанскиот фудбалер Ламин Јамал минатиот викенд го прослави својот 18-ти роденден на Ибица. Ѕвездата на Барселона на прославата ги покани своите соиграчи, бројни познати личности и неколку светски инфлуенсери.
Шпанските медиуми пишуваат дека Јамал им ги одзел мобилните телефони на гостите уште на влезот, па ниту една снимка од внатрешноста на вилата не стигна до јавноста.
Сепак, шпанските новинари пренесоа вест за џуџиња која предизвика вистински скандал. Џамал наводно ангажирал лица со нисок раст за да ги развеселуваат и насмеваат гостите на неговата роденденска прослава.
Шпанското здружение за лица со ахондроплазија и други дисплазији АДЕЕ (ADEE) се огласи со јавна осуда, тврдејќи дека на 18. роденден на Јамал на Ибица биле ангажирани лица со нисок раст за забавни цели.
Медиумите наведуваат дека нивното присуство било исклучиво за забава, што се смета за дискриминаторско.
„Апсолутно е неприфатливо во 21. век лицата со џуџест раст да се користат како атракција на забави“, се наведува во соопштението на Здружението.
Lamine Yamal has been denounced by the ADEE after hiring professional dwarves for his 18th birthday party.
“We will take action via legal and social channels to safeguard the dignity of disabled people. These actions not only violate the law, but the fundamental values of a… pic.twitter.com/OBMEF9QO7Q
— Zach Lowy (@ZachLowy) July 13, 2025
АДЕЕ извести дека поведува правни постапки против организаторите на настанот. Сè уште не е јасно дали Ламин Јамал или домаќините на забавата ќе бидат тужени, но социјалниот притисок расте, а случајот добива меѓународен одек.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фокс потпиша нов договор со Спарс – ќе заработува повеќе од Дончиќ

Кошаркарот на Сан Антонио Спарс, Диерон Фокс, потпиша нов, максимален договор со НБА франшизата од Тексас. За четири години ќе заработи 229 милиони долари.
Фокс ќе заработува 57,5 милиони долари годишно во следните четири години.
За споредба, Лука Дончиќ потпиша тригодишен договор со Лос Анџелес Лејкерс, според кој ќе заработува 165 милиони долари во текот на три години, или 55 милиони долари годишно.
Фокс беше разменет во февруари 2025 година, во трејдот учествуваа три франшизи: Сакраменто Кингс, Сан Антонио Спарс и Чикаго Булс.
Тој имаше просек од 19,7 поени, 6,8 асистенции, 4,3 скока и 1,5 украдени топки по натпревар во 17 натпревари минатата сезона за Сан Антонио Спарс.
Во својата кариера, претходно играше за Сакраменто Кингс, кои го избраа како петти пик на НБА драфтот во 2017 година.
Спорт
Њукасл испрати нова понуда за Шешко

Англискиот фудбалски клуб Њукасл испрати втора, подобрена понуда за напаѓачот на РБ Лајпциг, Бенјамин Шешко.
Германски „Скај Спортс“ тврди дека Њукасл нуди 69,7 милиони фунти (80 милиони евра) фиксна компензација, со дополнителни бонуси. „Страчките“ првично понудија 65,3 милиони фунти плус 4,36 милиони фунти (75 милиони евра + 5 милиони евра) бонуси.
На Њукасл очајно му се потребни засилувања во нападот.
Тренерот Еди Хау ги има на располагање само Вилијам Осула и Александар Исак, кој неодамна му соопшти на клубот дека сака да го напушти клубот.
Ливерпул испрати понуда за Швеѓанецот, но Њукасл ја одби, а судбината на Исак е неизвесна.
Шешко, заедно со Лоис Опенда, беше главен столб на клубот од „Ред Бул Арена“ и минатата сезона. Словенецот постигна 21 гол во сите натпреварувања и запиша уште шест асистенции.
Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА