Спорт
Јанг и Букер извисија за Ол-стар натпреварот

Тренерите на Истокот и Западот ги избраа резервите за Ол-стар натпреварот, кој на програмата е на 8 март, во Атланта.
Американците потенцираат дека меѓу резервите ги нема Тре Јанг од Атланта и Девин Букер од Финикс, играчи кои со она што го покажуваат од почетокот на сезоната, заслужија да играат на натпреварот на сите ѕвезди.
Јанг има просек од 26,9 поени, 9,5 асистенции и 3,9 скока, а Букер просечно бележи 24,7 поени, 4,3 асистенции и 3,8 скока по натпревар.
Тренерите Квин Снајдер и Док Риверс ги избраа овие играчи:
Запад: Крис Пол, Пол Џорџ, Демијан Лилард, Донован Мичел, Руди Гобер, Зајон Вилијамсон и Ентони Дејвис.
Исток: Џејмс Харден, Џулиус Рендл, Џејсон Тејтум, Џејлен Браун, Зек Лавин, Бен Симнс и Никола Вучевиќ.
Претходно, со гласовите на навивачите беа избрани стартните петорки:
Запад: Леброн Џејмс, Стеф Кари, Лука Дончиќ, Каваи Ленард, Никола Јокиќ
Исток: Кајр Ирвинг, Бредли Бил, Кевин Дурент, Јанис Адетокумбо, Џоел Ембид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бонмати ја освои третата Златна топка по ред

Во машкиот фудбал, добитниците на Златната топка се менуваат, но во женскиот фудбал, апсолутната доминација на Аитана Бонмати продолжува.
Шпанската репрезентативка, фудбалерка на Барселона ја освои оваа престижна награда трет пат по ред.
По 2023 и 2024 година, Бонмати ја победи сонародничката и фудбалерка на Арсенал, Марион Калдентај, во овогодинешната трка.
Лионел Меси и Мишел Платини се единствените кои ја освоиле Златната топка три пати по ред, додека во женскиот фудбал, Бонмати е првата во историјата со таква серија.
Фото/ Принтскрин
Спорт
Усман Дембеле ја освои Златната топка

Напаѓачот на ПСЖ и репрезентацијата на Франција, Усман Дембеле ја освои „Златната топка“. Наградата на 69-то издане му беше врачена на гала церемонијата во Париз.
Дембеле, минатата сезона со Пари Сен Жермен ги освои Лигата на шампионите, Лига 1, Суперкупот на Европа, Купот и Суперкупот на Франција.
Усман Дембеле ја освои „Златната топка“ пред Ламин Јамал, кој беше втор и Витиња, кој го освои третото место. Следуваат Мо Салах, Рафиња, Ашраф Хакими, Килијан Мабпе, Кол Палмер, Џиџи Донарума, Нино Мендеш.
Дембеле официјално стана шестиот француски фудбалер кој ја освоил „Златната топка“, по Рејмон Копа, Мишел Платини, Жан-Пјер Папен, Зинедин Зидан и Карим Бензема.
Bravo Ousmane ! 🇫🇷#ballondor pic.twitter.com/7TA1oSpjub
— Ballon d'Or (@ballondor) September 22, 2025
Спорт
(Видео) Марсеј по пауза од 14 години на „Велодром“ го победи ПСЖ

Фудбалерите на Олимпик Марсеј го победија Пари Сен Жермен со 1:0 во петтото коло од Лига 1.
Марсеј победи благодарение на единствениот гол на натпреварот, на почетокот од натпреварот.
Се играше петтата минута кога Наиф Агерд постигна гол за водство на Марсеј од 1:0. Интересно е што тоа беше единствениот удар во рамките на голот на домашната екипа.
Пари Сен Жермен постојано напаѓаше, пропушти неколку добри шанси, но на голот на Марсеј блескаше Аргентинецот Херонимо Руљи.
Marseille 1×0 PSG
⚽️ Nayef Aguerd
Meh pic.twitter.com/LmsDySWzeV
— PICO from Portugal 🇵🇹 (@PortugalPico) September 22, 2025
Инаку ова е прав победа на Марсеј на домашен терен над ПСЖ по цели 14 години. Исто така ПСЖ го доживеа вториот пораз на последните 44 гостувања во Лига 1.
Пари Сен Жермен сега е израмнет со Монако, Лион и Стразбур, сите имаат по 12 бода и се на врвот на табелата, додека Марсеј е на шестото место со девет бода.
Во наредната рунда, ПСЖ ќе го пречека Оксер, додека Марсеј гостува кај Стразбур.
Фото/ Принтскрин