Спорт
Јанис допрва ќе реши дали ќе игра на СП

Кошаркарот на Милвоки и грчки репрезентативец Јанис Адетокумбо би можел да го пропушти претстојниот Мундијал бидејќи се уште не се рехабилитирал од повредата на коленото, пренесуваат грчките медиуми.
Според овие извори, Адетокумбо пред две недели во САД бил подложен на артроскопија на коленото, поради што размислува да го пропушти претстојниот Мундобаскет. Грчкиот кошаркарски сојуз се уште го чека одговорот од првата ѕвезда дали ќе игра за националниот тим.
Адетокумбо се повреди во април, во првиот натпревар од првото коло од плејофот на Источната конференција против Мајами, кој потоа ги елиминираше Бакс со 4:1 во серијата.
Грчките медиуми пренесуваат дека кошаркарот на Милвоки имал речиси три месеци за опоравување, а до средината на јуни немало индиции дека Адетокумбо имал некакви проблеми со повредата. Тренирал секој ден додека бил во Грција, а имал помали проблеми во коленото, што не претставувале поголем проблем.
Овие извори истакнуваат дека Адетокумбо пред 15 дена во Њујорк бил подложен на артроскопија, а потоа се вратил во Атина каде продолжил со тренинзите. Тој во следните денови ќе соопшти дали ќе игра на Мундијалот.
Грција е во групата Г со Јордан, Нов Зеланд и САД. Мундобаскетот ќе се одржи од 25 август до 10 септември во Јапонија, Индонезија и Филипини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хуманитарент натпревар Бугарија-Македонија на 27. април во Варна

Христо Стоичков и Горан Пандев ќе ги предводат селекциите на Бугарија и Македонија на хуманитарен натпревар во Варна.
Фудбалските великани на Бугарија и Македонија на 27. април (17:00 часот) ќе одиграат хуманитарен натпревар во Варна, Бугарија.
Целта е да се соберат средства и да се даде поддршка за настраданите во несреќата во Кочани. Целиот приход ќе биде дониран за настраданите во трагедијата во Кочани.
Организатор на хуманитарниот натпревар е фондацијата „Национали 94“, односно славната генерација на Бугарија од Светското првенство 1994 година која остави длабока трага во светскиот фудбал и Фудбалската федерација на Македонија (ФФМ).
На натпреварот за Бугарија ќе настапат легендарните фудбалери предводени од Христо Стоичков, потоа Борислав Михајлов, Емил Костадинов, Јордан Лечков, Сираков, Јорданов, Генчев, Красимир Балаков, од помладата генерација Валери Божинов.
Македонската репрезентација е во состав со фудбалери од првата репрезентативна генерација, Илија Најдоски, Канатларовски, Мицевски, Марковски, Станковски, Мемеди, Бошковски…Горан Пандев, Агим Ибраими, Христов и Шаќири се дел од нашите легенди од поновата генерација. На хуманитарниот меч во нашиот состав ќе бидат Дарко Тасевски и Ванчо Трајанов кои оставија белег во бугарскиот клупски фудбал.
Ѓоко Хаџиевски е селектор на македонската репрезентација, а Димитар Пенев е предводник на Бугарија.
На спортскиот натпревар ќе му претходи хуманитарна програма во која ќе настапат популарни изведувачи, која ќе започне во 15:00 часот.
Овој гест на солидарност претставува силна порака за човечност и заедништво и симбол на пријателство, спортски дух и заедничка хуманост.
Спорт
Сане останува во Баерн

Лерој Сане најверојатно ќе го продолжи договорот со Баерн Минхен.
Како што пишува Флоријан Платенберг, новинар на „Скај Спортс Германија“, 29-годишниот напаѓач ги договорил условите за продолжување на соработката со Баварците.
Поранешниот играч на Шалке и Манчестер сити е среќен во Баерн, но во медиумите се појави информација дека добил понуда од Арсенал.
Сане оваа сезона одигра 37 натпревари во сите натпреварувања и постигна 11 гола со пет асистенции.
Спорт
Гореше хотелот на Кристијано Роналдо во Маракеш

Пожар избувна во луксузниот хотел „Pastana CR7“, кој е во сопственост на Кристијано Роналдо, а зградата во Маракеш претрпе значителна материјална штета. Брзата интервенција на пожарникарите спречила пожарот да се прошири и на други објекти, а „Мороко ворлд њуз“ јавува дека нема повредени.
Персоналот на хотелот веднаш реагирал и успеал да ги евакуира сите гости. Пожарот избувнал во просторија која во моментот била празна. Според првите информации причина е краток спој. Покрената е истрага за да се утврдат точните причини за инцидентот.
➡️ Veja como ficou hotel de Cristiano Ronaldo no Marrocos após incêndio
O Hotel Pestana CR7 em Marrakech, no Marrocos, teve um incêndio registrado no último sábado (5/4). Novas imagens revelam como ficou o local
Leia: https://t.co/cRvlXP0UPo pic.twitter.com/1Oel0bcJ6w
— Metrópoles (@Metropoles) April 7, 2025
Хотелот во Маракеш е отворен во 2022 година и нуди луксузен престој во егзотично опкружување. Претходно имаше гласини дека овој хотел ги засолнил жртвите од земјотресот во Мароко. Но, управата на хотелот ги демантираше тие тврдења, наведувајќи дека објектот не служел како засолниште за погодените од земјотресот.
Синџирот хотели „Pestana CR7 Lifestyle Hotels“ е роден од партнерството помеѓу Кристијано Роналдо и„Pestana Hotel Group“ и моментално вклучува пет хотели во Мадеира (Португалија), Лисабон (Португалија), Мадрид (Шпанија), Њујорк (САД) и Маракеш (Мароко).
Планирано е проширување на синџирот на нови дестинации, вклучувајќи ги Париз и Манчестер, што дополнително ќе го зајакне глобалното присуство на брендот.