Возачот на Астон Мартин, четирикратниот светски шампион Себастијан Фетел е дисквалификуван од второто место на Унгарското ГП, но не поради контроверзите кои ги предизвика со носењето на маичка во знак на поддршка на ЛГБТ заедницата во Унгарија, туку поради тоа што стјуардите не успеаја да земат задолжителен примерок од горивото на неговиот болид по трката.

Според правилата на ФИА, возачите мораат да осигураат стјуардите да можат да земат 1 литар примерок од горивото во секој дел од трката, но Фетел, кој не успеа да го донесе болидот до боксот по крајот на трката, во болидот имал само 0.3 литри гориво. Ова значи дека Луис Хамилтон го наследува неговото второ место, а Карлос Саинс во Ферари се искачува на подиумот на третото место. Хамилтон сега има 18 поени повеќе од Ферстапен во генерален пласман.

„Разочарувачки е да се загубат 18 поени, но тоа не ја одзема фантастичната трка на Себастијан. Денеска покажавме дека сме силни. Само напред“, објавија од Астон Мартин.

Претходно, Фетел за медиумите изјави дека е повикан кај стјуардите поради носењето на маичката во боите на виножитото, но тоа не е споменато во објавата на Ф1.

Фетел за маичката со боите на виножитото: Нека ме дисквалификуваат!

Рафаел Надал се подготвува за својот прв настап на Сити опен во Вашингтон, каде што ќе стави крај на подолгата пауза од тенисот и ќе се обиде да стигне до својата трета титула оваа година.

Шпанскиот ас го прескокна Вимблдон, каде што светскиот број 1 Новак Ѓоковиќ го освои третиот гренд слем во 2021 година, поставувајќи го српскиот светски број 1 на еден трофеј од повторувањето на успехот на Род Лејвер од 1969 година – славниот гренд слем.

„Веќе има освоено три, така што кога имаш три, сигурно можеш и до четири. Ќе се подготвува за хардкорт сезоната, а тоа е најверојатно неговата најсилна подлога, така што зошто да не? Секако, ќе биде многу тешко бидејќи сите сакаат до титулата, но Новак е фаворит“, вели Надал.

Четирикратниот Ф1 шампион, Себастијан Фетел доби предупредување од стјуардите, откако ја прекрши процедурата пред трката при интонирањето на химната на домаќинот Унгарија, носејќи маичка со боите на виножитото во знак на поддршка на ЛБГТ заедницата.

Возачот на Астон Мартин лудата трка на Хунгароринг ја заврши на второто место, откако ги избегна проблемите на стартот, но на крајот не успеа да г помине Естебан Окон во Алпине за славна победа. Тој, заедно со Карлос Саинс Јуниор, Валтери Ботас и Ленс Строл беа повикани кај стјуардите поради пораката за поддршка за ЛГБТ заедницата против законите во Унгарија.

Фетел носеше маичка со порака „Same Love“ (иста љубов), и официјално се оправда дека „заборавил да ја соблече маичката поради дождот“. Но, пред медиумите тој јасно прати порака.

„Слушнав дека ме повикаа поради маичката за време на националната химна. Јас сум среќен, нека ме дисквалификуваат. Не ми е грижа. Би го направил тоа повторно. Кога ќе видите колку луѓе се замараат со тоа, можеби не е најлоша идеја еден ден да ја напуштиме планетава. Сите стоиме пред трката со убави слогани, но тоа е проблем за некои луѓе. Тажен свет“, изјави Фетел.